សុភមង្គលផ្លូវចិត្ត

វាលវដ្តសង្សារនៃធម្មជាតិ វិលទៅវិលមក ។ ការរស់នៅមិនបៀតបៀនអ្នកដទៃ ជាសុភមង្គលរបស់ខ្ញុំ ។

សម្រស់ធម្មជាតិខៀវខ្ចី ខ្យល់បរិសុទ្ធសមុទ្ទខ្មែរ ជាបរិយាកាសមួយដែលខ្ញុំបំភ្លេចមិនបាន។ រាល់ពេលដែលខ្ញុំទំនេរពីការងារ ខ្ញុំតែងតែមកលេងទីនេះជាមួយគ្រួសារជាទីស្រលាញ់របស់ខ្ញុំ ដើម្បីបង្កើតនៅអនុស្សាវរីយ៍ល្អៗ ហើយក៏ជាការតបស្នងសងគុណទៅអ្នកមានគុណទាំងពីររបស់ខ្ញុំដែរ។

ខ្ញុំពិតជាសប្បាយចិត្តឥតមានពាក្យអ្វីនឹងយកមកបរិយាយថ្លាថ្លែងដែលចេញពីដួងចិត្តខ្ញុំបានទេ នៅពេលដែលបានឃើញពួកគាត់បញ្ចេញស្នាមញញឹមនៅលើផ្ទៃមុខពួកគាត់ទាំងទ្វេដោយបរិសុទ្ធចិត្ត ។

មនុស្សគ្រប់គ្នាអាចយល់ថាលុយសំខាន់ លុយពិបាករក តែស្រួលចាយ ។ Ok ខ្ញុំទទួលស្គាល់ថា លុយស្រួលចាយ លុយពិបាករក តែលុយមិនសំខាន់គ្រប់ពេលវេលានោះទេ ។ សម្រាប់ខ្ញុំសុខភាពល្អជាភាពជោគជ័យដ៏ធំក្នុងឆាកជីវិតរស់នៅ ហើយការបង្កើតក្តីសុខឱ្យខ្លួនឯង ជាសុភមង្គលផ្លូវអារម្មណ៍របស់មនុស្សម្នាក់ៗ ។

Cr . ឃុនឡេង