ហ្វឹកហាត់សតិដើម្បីជីវិតរឺងប៉ឹង

 ហ្វឹកហាត់សតិដើម្បីជីវិតរឺងប៉ឹង ឆ្លើយសំនួររឿងព្រះធម៌រំលត់ទក្ខ

មានមនុស្សជាច្រើនណាស់នៅមានមន្ទិលសង្ស័យថា  តើយើងអាចនាំយកគោលការណ៍ធម៌ផ្សេងៗ មកបំប្លែងប្រើក្នុងជីវិតប្រចាំថ្ងៃបានដូចម្តេច? តើយើងអភិវឌ្ឍខ្លួនយ៉ាងម៉េចឲ្យមានការរីកចម្រើនក្នុងធម៌? បញ្ហាទាំងអស់នេះនឹងបានដោះស្រាយបំភ្លឺដូចខាងក្រោម៖

អ្នកអានសួរថា តើយើងមានវិធីណាចាត់ការជាមួយភាពច្រណែនឈ្នានីស ឬការប្រៀបធៀបបានយ៉ាងដូចម្តេច?

ចម្លើយៈ ការគិតឫស្យា ការប្រៀបធៀប ការអស់កម្លាំងចិត្ត ស្លុតចិត្ត អស់សង្ឃឹម មានចំណុចខ្សោយ មានគំនិតអវិជ្ជមានទាំងអស់ វាកើតចេញពីចិត្តទៅតាក់តែង។ ផ្លូវដែលធ្វើឲ្យចិត្តឈប់ទៅតាក់តែង​ប្រឌិតឡើង គឺការធ្វើវិបស្សនា ផ្លូវដទៃក៏មានខ្លះដែរ ដូចជារកផ្លូវដទៃធ្វើ ព្យាយាមគិតតែផ្លូវវិជ្ជមាន ឬមានស្នេហា ពិភាក្សា បន្ធូរបន្ថយ មានច្រើនយ៉ាងច្រើនវិធី ប៉ុន្តែគ្រប់ផ្លូវកើតមានត្រឹមតែការ​ដោះស្រាយចុងហេតុ ព្រោះធ្វើបានត្រឹមតែកាឡៃគំនិត ប៉ុន្តែតិចគំនិតតាក់តែងអ្វីចូលមកទៀត ព្រោះការតុបតែងជារឿងដែលកើតឡើងធម្មតារបស់ចិត្តដែលមិនបានទទួលការអប់រំហ្វឹកហាត់។ 

 

សៈ តើហេតុអ្វីបានជាមនុស្សយើងគិតថា គំនិតរបស់ខ្លួនឯងត្រឹមត្រូវជានិច្ច?

ចៈ ព្រោះមនុស្សយើងមានអត្តៈ ពេលមានអត្តៈហើយ យើងតែងតែចង់ល្អជាងគេ ពូកែជាងគេ ពិសេសជាងគេ ព្រះពុទ្ធជាម្ចាស់នៃយើង ព្រះអង្គទ្រង់ឲ្យលះបង់អត្តាចេញ។ ការលះអត្តាដែលមាន​ប្រសិទ្ធភាពបំផុតគឺ ការចម្រើនភាវនាឲ្យឃើញច្បាស់ថាអ្វីដែលកើតឡើង និងរលត់ទៅវិញ ភាសា​លោកហៅថា ឃើញការកើតរលត់របស់រូបនិងនាម។ ពេលឃើញការកើតឡើងនិងរលត់ទៅវិញនៃនាម និងរូបហើយ ចិត្តនឹងចាប់ផ្តើមបន្ថយការប្រកាន់អត្តាខ្លួនចុះមកជាលំដាប់ គំនិតកាន់ជើងខ្លួនឯងនោះ​ក៏ថមថយ​ចុះទៅជាលំដាប់ដូចគ្នានេះដែរ។

សៈ តើយើងនឹងញែកសច្ចភាព ជំនឿង និងរឿងដែលខ្លូនគិតថា សភាវៈពិតយ៉ាងដូចម្តេចបាន?

ចៈ ត្រូវសិក្សា រកអង្គចំណេះដឹងដែលត្រឹមត្រូវ។ ដរាបណាដែលយើងនៅមិនទាន់បានសិក្សា យើងចេះតែ​ប៉ាន់ស្មានទៅជារឿយៗថា តើជីវិតគឺជាអ្វី? ជីវិតប្រព្រឹត្តទៅបានដូចម្តេច? ហើយយើងកើតមកធ្វើអ្វី?  សំនួរទាំងអម្បាលមាននេះវិលវល់មិនចេះចប់មិនចេះហើយ ដរាបណាដែលយើងបានសិក្សាលើ​មាគ៌ា​ដ៏ត្រឹមត្រូវ។ ពេលបានសិក្សាហើយ ទោះបីនៅមានមន្ទិលសង្ស័យខ្លះ ក៏ប៉ុន្តែពេលបានឃើញស្នាកស្នាម​នៃសច្ចភាពដែលគូរប្រកាន់ជឿ ធ្វើឲ្យកើតមានសទ្ធាបង្អោនចិត្តប្រតិបត្តិ។ ពេលបានប្រតិបត្តិ​ដល់ឃើញ​ប្រត្យក្សដោយខ្លួនឯងហើយ យើងអាចញែកដាច់ចេញដោយខ្លួនឯងថា តើអ្វីគឺជាជំនឿ តើអ្វីជាសច្ចភាព និងសូម្បីតែមិនទាន់បានចាប់ប្រតិបត្តិក៏ដោយ រឿងដែលបានសិក្សាក៏នៅត្រឹមតែជំនឿនោះឯង។

សៈ តើការទំនាក់ទំនងថា្នក់ភូមិចិត្ត ប្រកាន់រឿងដែលគិតថា មានពិតរបស់ចិត្តឬអត់?

ចៈ ព្រះពុទ្ធអង្គទ្រង់ត្រាស់សម្តែងថា ថ្នាក់ភូមិមានពិត ប្រសិនបើមិនជឿទេ ក៏ឲ្យដកពិសោធន៍​មើល​តាមទស្សនៈរបស់ទ្រង់ ព្រោះយើងប្រហែលជាមិនអាចនាំអញ្ជើញទេវតាទាំងឡាយ ឬ ប្រេតក្នុងនរកចេញ​មកចាក់ផ្សាយតាមទទូរទស្សន៍បានទេ។ គ្រាយើងចាំទៅជារឿយៗ ដល់ទៅពិសោធន៍ស្លាប់ដោយខ្លួនឯង​ក៏ជារឿងដែលគ្រោះថ្នាក់ពេកណាស់ ក្នុងការប្រតិបត្តិធម៌នោះ ធ្លាប់មានមនុស្សទូលសួរព្រះពុទ្ធជាម្ចាស់ថា ប្រសិនបើភូមិចិត្តមិនមានពិត អ៊ីចឹងការប្រតិបត្តិធម៌នោះនឹងជាការឥតប្រយោជន៍ទៅហើយឬ? ព្រះពុទ្ធ​ជាម្ចាស់ទ្រង់តា្រស់ថា ការប្រតិបត្តិធម៌នោះមានប្រយោជន៍ច្រើនប្រការ ធ្វើហើយមានសមាធិល្អឡើង មានការងារល្អឡើង មានទុក្ខតិចឡើង ប្រសិនបើនៅវិលកើតវិលស្លាប់ ត្រាច់ចរអន្ទោលទៅកាន់ភូមិ​ភពដែលល្អ ហើយមានឱកាសសម្រេចបានធម៌ជាន់ខ្ពស់មាននិព្វានជាទីបំផុត។ ទោះបីជាមិនមានចំណាប់​អារម្មណ៍រឿងជាតិមុខជាតិក្រោយក៏ដោយ ក៏នៅតែមានប្រយោជន៍ដោយបានពោលមកខាងដើមហើយ កុំគិតរវល់តែខាតពេលថា ជាតិនេះ ជាតិមុខមានពិតឬអត់ សូមត្រឹមតែយើងវាស់ស្ទង់ចិត្តមើលថា ហាត់ពត់ចិត្តបានហើយ នឹងមានប្រយោជន៍ក៏ចាប់ផ្តើមធ្វើទៅចុះ ធ្វើទៅរឿយៗ។ ប្រសិនបើអ្នកបានឈាន បានឈានហើយ អ្នកនឹងបានដឹងក្នុងរឿងដែលអ្នកបានសង្ស័យដោយខ្លួនឯង មិនចាំបាច់ទៅសួរអ្នកណា​ទៀតទេ ព្រោះរាល់បញ្ហាដូច្នេះជាបញ្ហាលោក មនុស្សឃើញតែម្នាក់ឯងប្រាប់អ្នកណាមិនកើត មនុស្ស​មិនធ្លាប់​ឃើញ នៅតែមានការសង្ស័យវាជារឿងធម្មតា។

ចាំអានបន្តវគ្គក្រោយទៀត

ប្រភព៖ secrete

ប្រែ.ចាន់