ទម្លាប់១០យ៉ាងប្តូរជីវិតអ្នកក្លាយជាមហាសេដ្ឋី

បើចង់ប្រែជីវិតអ្នកក្លាយជាមហាសេដ្ឋី តើគួរសាងនូវនិស្ស័យអ្វីខ្លះឲ្យមាននៅក្នុងខ្លួន?

និស្ស័យ(ទម្លាប់)អាចប្តូរទិសដៅជីវិតបាន មនុស្សពូកែនិន្ទា ព្រោះតែចូលចិត្តមើលលើចំណុច​ខ្សោយ​របស់អ្នកដទៃ ខណៈពេលដែលមនុស្សជ្រើសរើសយកនូវការមើលឃើញតែរឿងល្អៗ ច្រើនតែលើចំណុច​ល្អរបស់បុគ្គលដទៃ ជាមូលហេតុមួយធ្វើឲ្យការនិយាយសរសើរពីបុគ្គលដទៃជារឿយៗ ព្រោះគ្រប់​និស្ស័យក្នុងដំណើរជីវិត សុទ្ធតែមានឫសគល់ចេញពីទស្សនគតិ ទទួលបានគំនិត អានពី TerraBKK។ សូមលើកយកទិន្នន័យគួរឲ្យចាប់អារម្មណ៍ កសាងនិស្ស័យ១០យ៉ាង ប្រែជីវិតអ្នកក្លាយជាមហាសេដ្ឋី។ ចូរសាកល្បងបង្កើតសំណួរសួរខ្លួនឯង ព្រោះតែយើងគិតបែបនេះ ទើបមាននិស្ស័យបែបនេះ ហើយជីវិត​វាក៏មានបែបនេះពិតឬមិនពិត ចុះប្រសិនបើចង់ប្រែជីវិតឲ្យក្លាយជាមហាសេដ្ឋី តើយើងគួរសាងទម្លាប់​អ្វីខ្លះឲ្យមានក្នុងខ្លួន? គោលគំនិតល្អដើម្បីជីវិត សូមលើកយកចំណុចទាំងអស់នេះមកបកប្រែ​ទុកគតិ​គិតពិចារណានៅខាងក្រោម ដូចតទៅ៖

១. ការរៀនសូត្រ (Studying)      

ទម្លាប់ជាដំបូងដែលសំខាន់បំផុតក្នុងការផ្លាស់ប្តូរជីវិតអ្នកក្លាយជាមហាសេដ្ឋីគឺ ការរៀនដឹងគ្មានពេល​ណា​បញ្ចប់ទេ។ ការរៀនសូត្រអាចកើតឡើងបានក្នុងគ្រប់រូបភាព។ មនុស្សជោគជ័យច្រើន​តែផ្តល់ពេលវេលា​ទៅលើការសិក្សាផ្ទាល់ខ្លួនយ៉ាងតិចមួយម៉ោងក្នុងមួយថ្ងៃ មិនថានៅក្នុងទិដ្ឋភាពបែបណានោះទេ។ ការ​អានសៀវភៅ មើលទូរទស្សន៍ ឬក៏បានសន្ទនាបញ្ចេញមតិគំនិតយោបល់ពីអ្នកចេះដឹងជាដើម។ ទាំង​អស់​នេះ អាចចាប់ផ្តើមងាយៗដោយការអានសៀវភៅដែលអ្នកចំណាប់អារម្មណ៍​មួយក្បាល​នៅពេលនេះ។

២. ដាក់គោលដៅ (Setting goals)           

ជារៀងរាល់ថ្ងៃអ្នកគួរធ្វើភារកិច្ចតាមដែលអ្នកបានកំណត់គោលដៅទុក មនុស្សជោគជ័យច្រើនតែ​មានកូន​សៀវភៅកត់ត្រាជាប់ខ្លួន កត់តា្រពីគោលដៅដែលត្រូវការនឹងកើត នឹងមាន ឬនឹងបានគិតទុក។ បន្ទាប់​ពី​នោះមក កំណត់តួនាទីមួយថ្ងៃៗ រើសយកភាពជោគជ័យបរិមាណខ្នាតតូចៗរាល់ថ្ងៃឲ្យបានច្រើនរឿយៗ ប្រែពីថ្ងៃទៅជាសប្តាហ៍ ប្រែពីសប្តាហ៍ទៅជាខែ ប្រែពីខែទៅជាឆ្នាំ រហូតដល់ក្លាយជាទម្លាប់មាន​នៅក្នុង​ខ្លួន។ វានឹងធ្វើឲ្យអ្នកដឹងថា ប្រព័ន្ធនៃការដាក់ផែនការ ការគិតធំ និងឈានផុតបញ្ហាតូចៗតាមវិថីនៃជីវិតបាន។

៣. មានគំរោង (Planning)           

ព្រោះតែចង់ឲ្យគ្រប់គោលដៅដែលបានបង្កើតទុកបានសម្រេច ចាំបាច់ត្រូវតែមានផែនការណ៍ដើម្បីនាំផ្លូវទៅ​ដល់រឿងដែលបានតាំងចិត្តគិតទុក និងជាទម្លាប់ធម្មតានៃមហាសេដ្ឋីផង ដូចជាដាក់គោលដៅ១០ឆ្នាំ គួរនឹង​បែងចែងមកជាឆ្នាំនីមួយៗ គួរមានផែនការណ៍អ្វីខ្លះត្រូវសម្រេចក្នុងខែនីមួយៗជាដើម។ វានឹងជួយធ្វើឲ្យមាន​ដំណើរ​ការជីវិតរបស់អ្នក មានទិសដៅច្បាស់លាស់ ដូច្នោះសាកល្បងបង្កើតទម្លាប់ដាក់គំរោងជាប់ខ្លួនខ្លះ តែងតែល្អប្រសើរប្រាកដ។

៤. បណ្តាញការងារ (Networking)            

នៅក្នុងយុគសម័យនេះទៅហើយ វាងាយនឹងស្វែងរកចំណេះដឹងថ្មីៗ វិធីសាស្ត្រថ្មីៗ ឬមនុស្សទទួល​បាន​ភាពជោគជ័យដែលមានបណ្តាញទំនាក់ទំនងតភ្ជាប់គ្នាបាន និងនៅពេលមានការភ្ជាប់បណ្ដាញទិន្នន័យ ឬអ្វី​ក៏ដោយរបស់អ្នកប្រព្រឹត្តទៅបានត្រឹមត្រូវ ហើយមានប្រសិទ្ធភាព។ នៅទីបំផុត វាគឺជាការផ្លាស់ប្តូរជីវិត​សាងនិស្ស័យឲ្យចូលជិតភាវៈជាមហាសេដ្ឋី។ អ្នកនឹងមាននិស្ស័យជាអ្នកផលិតច្រើនជាងការបរិភោគគឺ ហ៊ានពុះពា ហ៊ានគិត ហ៊ានសាងឱកាសច្រើនជាង ការរង់ចាំឱកាស។

៥. កំណត់ហេតុ (Journaling)                 

គ្រប់មនុស្សត្រូវការពេលក្នុងការសាងគំនិត ការបង្កើតគំនិតដ៏ល្អ ហើយមនុស្សដែលបានទទួល​ភាព​ជោគជ័យ ច្រើនតែនាំគ្នាធ្វើរឿងនោះរហូតដល់មានទម្លាប់ដោយបែបមិនដឹងខ្លួន គឺការសរសេរកត់ត្រា ប្រម៉ែ​ប្រមូលយកមូលន័យពីកាសែត ឬរឿងដែលអ្នកបានចាប់អារម្មណ៍ មិនថាជារឿងរ៉ាវ គំនិត កម្លុក​កម្លែង មេរៀន ពាក្យសម្តី ភាពជោគជ័យ  ភាពបរាជ័យ។ល។ ពីសៀវភៅ ឬខ្លួនបុគ្គល ឬក៏ទីកន្លែង​ដែល​អ្នកបានទៅដល់ វាមានពេលវេលាគ្រប់គ្រាន់ និងដល់ពេលដ៏សមរម្យ។ ការប្រម៉ែប្រមូលរក្សាទុកនូវ​រឿងរ៉ាវ​ទាំងអស់នោះ ក៏កា្លយជាការសម្រិតសម្រាំងគំនិតអានក្នុងចិត្តបែបមហាសេដ្ឋី។

៦. លំហាត់ប្រាណ (Exercising)           

ប្រសិនបើអ្នកចង់ជួបភាពជោគជ័យក្នុងជីវិត រាងការរបស់អ្នកត្រូវមានភាពព្រមជានិច្ច តាមឲ្យទាន់គំ​និត​ក្នុងខួរក្បាល​របស់អ្នកដែលកើតឡើងបានគ្រប់ពេល ហើយពេលខ្លះទៀតគំនិតទាំងនោះអាចនឹងសុំ​ឲ្យ​រាងកាយអ្នកធ្វើរឿងដែលលើសពីការប៉ាន់ស្មានក៏ថាបាន នោះប្រែថា អ្នកត្រូវមានកាយសម្បទា​ដែល​ទ្រទ្រង់​ព្រមទប់ទល់ជាមួយនឹងគំនិតជានិច្ច។ វិធីដែលល្អបំផុតក្នុងការត្រៀមលក្ខណៈព្រមកាយសម្បទាគឺ ការហាត់ប្រាណ។ អ្នកនឹងមើលឃើញថា ក្រុមមហាសេដ្ឋី មនុស្សជោគជ័យច្រើនតែចូលចិត្ត​សាងនូវ​តុល្យភាពជីវិត។ ការហាត់ប្រាណជួយបន្ធូរបន្ថយជម្ងឺស្រ្តេសបានល្អ កើតគំនិតថ្មីៗ ហើយនឹងល្អចំពោះសុខ​ភាព​​ទៀតផង។

៧. សម្រាកលំហែកាយ (Relaxing)

មនុស្សជោគជ័យដឹងថា ជីវិតមនុស្សយើងត្រូវមានការសម្រាក ដើម្បីត្រឡប់មកវិញមានកម្លាំងធ្វើ​ការងារ​ជាបន្ត ព្រោះពេលណាដែលអ្នកហត់នឿយ ប៉ុន្តែនៅតែហ្វឹកហាត់ធ្វើការងារបន្ត អ្នកមានអារម្មណ៍ស្រ្តេស បាត់ម្ចាស់ការលើខ្លួនឯង  ហើយលទ្ធផលការងារក៏ទទួលមកមិនសូវបានល្អដែរ។ មនុស្សដែលមិនចេះរៀន​ការសម្រាកលំហែខួរក្បាល ច្រើនតែបញ្ចប់ដោយការបាត់បង់ពេលវេលាដ៏មានតម្លៃ​ទៅជាមួយផលិតផល​ការងារ​ដែលខ្វះប្រសិទ្ធភាព។ ដូច្នោះ ការមានទម្លាប់ផ្លាស់ប្តូរជីវិតអ្នកក្លាយជាមហាសេដ្ឋី ឲ្យជាមនុស្ស​ទទួលបានភាពជោគជ័យដែលមានការងារជាអាទិភាព អាចកំណត់ថេរៈវេលាក្នុងមួយសប្តាហ៍ មួយខែដើម្បី​ផ្តល់ពេលដល់រូបកាយឲ្យស្រស់ស្រាយ ដូចជា ដើរទេសចរណ៍ ធ្វើម្ហូបអាហារហូបកំសាន្ត ឬធ្វើកិច្ចការងារ​ផ្ទះសម្បែងជាដើម។

៨. វិជ្ជមានកម្ម (Affirming)              

បង្កើតទម្លាប់ប្តូរជីវិតអ្នកក្លាយជាមហាសេដ្ឋី ដោយការពិភាក្សាគ្នាជាមួយខ្លួនឯង មនុស្សកណ្តាលនិយាយ​ជាមួយ​ខ្លួនឯងយ៉ាងតិច ១២,០០០ដងក្នុងមួយថ្ងៃ។ ភាពខុសគ្នារវាងមនុស្សដែលមានភាពជោគជ័យគឺ ពួក​គេចូលចិត្តនិយាយជាមួយខ្លួនឯង។ ជឿឬមិនជឿ រឿងដែលអ្នកនិយាយជាមួយខ្លួនឯងអាចសាង​ជីវិត​អ្នក​ផ្ទាល់បាន។ ប្រាកដណាស់ថា ទង្វើនេះមើលទៅហាក់ដូចជាមានទម្ងន់លំបាកជាងការអាន​ប្រយោគ​នេះ។ ដូចនោះ ចូរសាកល្បងប្តូរទម្លាប់សាងជីវិតថ្មីដោយការនិយាយជាមួយខ្លួនឯង ហើយនឹងជឿក្នុងរឿង​ដែល​ខ្លួននិយាយនៅពេលនោះ។

៩. ការមានសិល្បៈវិធី (crafting)

អ្នកធ្លាប់ធ្វើការទាក់ទងជាមួយការងារដែលមានសមត្ថភាពខ្ពស់មួយ។ យើងម្នាក់ៗអាចទទួលបាន​សព្វ​សារពើ​ក្នុងចំណែកនៃបុគ្គលម្នាក់ៗបាន ប្រសិនបើអ្នកមិនបានសាកល្បងស្វែងរកនិងប្រើប្រាស់វាទេ អ្នក​នឹងបាត់បង់វាទៅវិញ។ ប្រការល្អការងារដែលមានសមត្ថភាព គឺការហាត់រៀនធ្វើសមាធិ  និងធ្វើការងារ​ដែល​មានសមត្ថភាពនេះបាន អ្នកចាំបាច់មានរូបភាពសម្បូណ៌បែបនៅក្នុងខួរក្បាលសិន។ បន្ទាប់ពីនោះមក អ្នកប្រើប្រាស់ការធ្វើសមាធិនេះទៅរឿយៗ វាជួយបង្វឹកឲ្យអ្នកស្គាល់ពីគោលដៅ និងអត់ធន់ធ្វើការងារនោះ ទាល់តែបានជោគជ័យស្ថិតនៅក្រោមសំពាធធុញថប់ ឬពេលមិនទាន់ចិត្ត។ វាជាមូលដ្ឋានសាង​និស្ស័យ​ផ្លាស់ប្តូរ​ជីវិត​អ្នកក្លាយជាមហាសេដ្ឋី។

១០. ការមានមេគំនិត (Masterminding)

           

មនុស្សជោគជ័យបានរៀនដឹង ពីការរៀបចំឲ្យមានរបៀបជាប្រព័ន្ធដ៏ត្រឹមត្រូវមួយក្នុងជីវិត មានន័យថា មនុស្សដែលជិតស្និតគ្នាច្រើនតែមានសន្តានចិត្ត គោលគំនិត អារម្មណ៍ ឬអ្វីៗដែលមានប្រហាក់ប្រែលគ្នា។ រឿងនេះអាចកើតឡើងបានតាមធម្មជាតិ និងដោយការសាងទម្លាប់ប្តូរជីវិតអ្នកក្លាយ​ជាមហាសេដ្ឋី​ឡើង​មកថ្មី ព្យាយាមដឹកនាំខ្លួនឯងឲ្យចូលទៅក្នុងរឿងដែលខ្លួនឯងត្រូវការ ឬចង់កើតមាន ប្រើវដ្តនៃពេល​វេលាក្នុង​ការស្វែងរកមនុស្សសមរម្យ កសាងសម្ព័ន្ធភាពឲ្យកើតមានតាមធម្មជាតិ ហើយចាប់ផ្តើមរៀនពី​វិធីគិត វិធីធ្វើរបស់គេ ចូលរួមក្រុមដើម្បីបរិស្ថានខ្លួនដោយមនុស្សគំរូដើមគំនិត អានឲ្យដាច់៕

ប្រភព៖ TERRABKK