នាំគ្នាហ្វឹកហាត់ចិត្ត

ការប្រតិបត្តិធម៌ ដើម្បីឲ្យចូលដល់ធម៌នោះ យើងនឹងបង្ខំប្រញាប់បន្ទាន់តាមចិត្តក្ដៅមិនបានទេ ប្រៀបដូចជាដើមឈើ ឬប្រៀបដូចជារូបរាងកាយរបស់យើងដូច្នេះឯង វារីកចម្រើនធំធាត់ទៅតាមលំដាប់លំដោយ តាមពេលវេលារបស់វា។

ចំណែកខាងចិត្ត ពេលយើងនឹងបានធ្វើសមាធិរាល់ថ្ងៃ ប្រតិបត្តិរាល់ថ្ងៃ រៀនហ្វឹកហាត់ចិត្តឲ្យឈប់ ចិត្តឲ្យនឹងន ឲ្យមួយម៉ោងឈប់ ឲ្យមួយម៉ោងនឹងន មួយម៉ោងនៅចំកណ្តាលឲ្យច្រើន ដូចជាពិឡុតមានពេលមួយម៉ោង សម្រាប់បើកយន្តហោះនោះឯង។

ពេលយើងប្រតិបត្តិធម៌រាល់ថ្ងៃ សមាធិក៏ត្រូវសន្សំសន្សឹមៗបន្តិចម្តងៗ ចិត្តរបស់យើង ដែលនៅគ្រោតគ្រាតក៏ត្រូវដុសខាត ឲ្យល្អិតសុខុមបន្តិចម្តងៗ វត្ថុជាគ្រឿងសៅហ្មងរបស់ចិត្តយើង ដែលមិនទាន់បានបរិសុទ្ធ ក៏ត្រូវដុសខាតលាងជម្រះទៅបន្តិចម្តងៗ ដូចគ្នានេះដែរ។

ក្នុងទីបំផុតចិត្តក៏បរិសុទ្ធឡើង ល្អិតឡើង ហើយថ្ងៃណាមួយ យើងក៏នឹងអាចសមតាមសេចក្ដីប្រាថ្នារបស់ខ្លួន៕[edit]

គ្រូតូច