គតិអប់រំបង្កើនកម្លាំងចិត្តក្នុងថ្ងៃដែលខ្លួនអស់សង្ឃឹម (តចប់)

គតិអប់រំបង្កើនកម្លាំងចិត្តក្នុងថ្ងៃដែលខ្លួនអស់សង្ឃឹម (តចប់)

ជីវិតកាន់តែប្រើ កាន់តែមានរសជាតិ

មិនមែនគ្រាន់តែភាពជោគជ័យប៉ុណ្ណោះទេ ដែលធ្វើឲ្យយើងមានកម្រៃជីវិត

ប៉ុន្តែភាពបរាជ័យ ការចាលចាញ់ ក៏ជាកម្រៃដ៏ធំណាស់ដែរ

ធ្វើឲ្យយើងបានស្គាល់ថា រសជាតិការឈឺចាប់ ការបាក់មុខបាក់មាត់នោះ

វាល្វីងជូរចត់កម្រិតណាទៅ

ពេលយើងត្រូវជួបរសជាតិបែបនេះនៅពេលខាងមុខ

យើងក៏នឹងមានកម្លាំងលេបចូលកន្លងបំពងកបានយ៉ាងងាយ

និងស្រួលសប្បាយឡើង ។

“បើសិនបិទភ្នែកទៅមិនទាន់ឃើញគោលដៅ

បើកភ្នែកឡើងវិញរមែងឃើញផ្លូវទៅកាន់ភាពជោគជ័យ”

ពេលណាក៏ដោយ ដែលយើងបិទភ្នែក

យើងនឹងឃើញអនាគតនៅខាងមុខយ៉ាងស្រស់បំព្រង

មិនមែនជាអនុស្សាដ៏ឈឺចាប់ ឬក៏ជាភាពបរាជ័យ

ដែលខ្លួនទើបនឹងបានឆ្លងកាត់មកនោះទេ

យើងកំពុងបិទភ្នែកសម្លឹងឃើញពីគោលដៅល្អៗ

ដែលជិតនឹងបានក្លាយជាការពិត ។

ពេលណាក៏ដោយ ដែលយើងសម្លឹងឃើញពីគោលដៅ

យើងក៏តែងតែមើលឃើញផ្លូវទៅកាន់គោលដៅនោះដែរ

តែបើសិនមិនឃើញគោលដៅទេ ក្រៅពីយើងមើលមិនឃើញពីផ្លូវដើរហើយ

យើងក៏នៅតែមិនដឹងឡើយថា ជំហានបន្ត យើងនឹងទៅឆ្វេង ឬទៅស្ដាំ

ដើរទៅមុខឬដើរថយក្រោយឡើយ ។

ព្រមចុះចាញ់មិនបាន ជីវិតត្រូវមានផ្លូវពីរជានិច្ច

ដូចកាក់ដែលមានមុខពីរគឺខ្នង និងមុខ

សុខនិងទុក្ខ ឃ្លាននិងស្អែត ចាញ់និងឈ្នះ

ចូររៀនស្គាល់ពីវាមួយជ្រុងទៀតទៅណ៎ា ព្រោះថាពេលខ្លះ

យើងក៏ត្រូវជួបជាមួយវានៅពេលណាមួយ ។

ពេលណាជួបជាមួយបញ្ហាទុក្ខលំបាកចូរនៅជាមួយវាឲ្យបាន

និងរកមធ្យោបាយច្រកចេញពីទុក្ខនោះឲ្យផុត ។

“ខ្យល់រលកធ្វើឲ្យសមុទ្រមានសោភ័ណ

ឧបសគ្គធ្វើឲ្យជីវិតល្អត្រចះត្រចង់

បុគ្គលមិនគួរសុខចិត្តចុះចាញ់ ពេលជួបឧបសគ្គឡើយ" ។

បើពេលនេះបរាជ័យ ពេលបន្តក៏ត្រូវតែជោគជ័យ

ព្រោះថាភាពជោគជ័យ ច្រើនតែមកក្រោយភាពបរាជ័យជានិច្ច ។

និទានបន្ថែមកម្លាំងចិត្តក្នុងថ្ងៃដែលអស់សង្ឃឹម

ក្នុងពេលធម្មតា ឬកើតក្ដីវិបត្តិក្នុងជីវិត

ទុកណានៅសល់តែខ្យល់ដង្ហើមក៏ដោយ

សេចក្ដីសុខ និងភាពជោគជ័យ

យើងអាចសាងវាឡើងមកជាថ្មីបានរាល់ថ្ងៃ

សូមត្រឹមតែចិត្តកុំព្រមចុះចាញ់ទៅប៉ុណ្ណោះ ។

ជីវិតរបស់មនុស្សម្នាក់ៗ ប្រៀបបានដូចជារឿងនិទាន

ដែលនៅមិនទាន់ចប់ ហើយខ្លួនយើងផ្ទាល់ហ្នឹងហើយ

ដែលជាអ្នកកំណត់ និងគួសខ្សែបញ្ចប់បែបណាឲ្យវា

ចូរជ្រើសរើសប្រើវាឲ្យមានប្រយោជន៍ឲ្យសមតម្លៃ

ហើយចាកចេញពីលោកនេះទៅប្រកបទៅដោយមានន័យ ៕

ប្រែ.គ.វ

រូបភាព៖ google.com