អង្គ ២ របស់ស្វា

១) អាស្រ័យនៅនឹងទីកន្លែងដូចជាដើមឈើធំ ដ៏ស្ងប់ស្ងាត់ មានមែកធាងត្រឈឹងត្រឈៃសាយចេញទៅ ជាលំនៅល្មមការពារសេចក្ដីភិតភ័យរបស់ខ្លួនបាន ។

២) ដើរក្រោកអង្គុយនោះចំពោះជួរដើមឈើណា លុះដល់វេលាព្រលប់យប់ ក៏ឈប់ដេកនៅនឹងដើមឈើនោះឯង ។

ប្រៀបដូចអ្នកប្រតិបត្តិ ដែលប្រកបដោយអង្គសម្បត្តិ ២ ប្រការគឺ៖

១) នឹងនៅទីណានីមួយ គប្បីរើសរកសេពគប់សព្រហ្មចារី ដែលមានសេចក្ដីខ្មាស មានសីលជាទីស្រឡាញ់ មានកល្យាណធម៌ ជាពហូសូត្រ ទ្រទ្រង់ធម៌មុខគួរឲ្យស្រឡាញ់ គួរគោរព គួរសរសើរ ណែនាំប្រៀនប្រដៅឲ្យស្គាល់ល្អស្គាល់អាក្រក់ សំដែងគុណនិងទោសតាមពិត ដឹកនាំក្នុងផ្លូវល្អ ឲ្យមានចិត្តក្លាហានរីករាយក្នុងផ្លូវប្រតិបត្តិ កាលបើបានមិត្តសព្រហ្មចារីបែបនេះ ទើបសេពគប់ទុកជាកល្យាណមិត្ត នៅអាស្រ័យជាមួយផង ។

២) បែរមុខសំដៅព្រៃណា ក៏គប្បីដើរឈរចង្រ្កម ដេក អង្គុយ ចំរើនសតិប្បដ្ឋាន មានកាយក្នុងកាយ មានវេទនាក្នុងវេទនា មានចិត្តក្នុងចិត្ត និងមានធម៌ក្នុងធម៌ នៅក្នុងព្រៃនោះ ៕