អង្គ១របស់ដើមភ្លៅនាង

ដុះងក្ងក់នៅក្រោមដី កាលបើចាស់ពេញទីហើយ ក៏ដុះផុះញែកបំបែកដីឡើងមក ដល់១០០ហត្ថក៏មាន ឬជាងនេះក៏មាន ។

ប្រៀបដូចអ្នកប្រតិបត្តិ ដែលស្វែងរកសាមញ្ញផល ៤ គឺ សោតាបត្តិផល  លះសំយោជនៈបានបី ១ សកទាគាមិផល លះសំយោជនៈបានបី ហើយនឹងធ្វើឲ្យរាគៈ ទោសៈ មោហៈស្រាលស្ដើង ១ អនាគាមិផល លះសំយោជនៈខាងក្រោមបានប្រាំ១ និងអរហត្តផល លះសំយោជនៈខាងលើដទៃទៀតបានប្រាំ ១, បដិសម្ភិទា ៤ គឺ បញ្ញាបែកធ្លាយក្នុងអត្ថ១ ក្នុងបញ្ញាបែកធ្លាយក្នុងធម៌១ បញ្ញាបែកធ្លាយក្នុងនិរុត្តិ១ និងបញ្ញាបែកធ្លាយក្នុងបដិភាណ(ឆ្លៀវឈ្លាស)១,  អភិញ្ញា ៦ គឺ សំដែងឫទ្ធិបាន១ ត្រចៀកទិព្វ១ ដឹងចិត្តអ្នកដទៃ១ ភ្នែកទិព្វ១ រឭកជាតិបាន១ និងធ្វើអាសវៈឲ្យអស់បាន១ ព្រមទាំងសមណធម៌ក្នុងព្រៃស្ងាត់ដូច្នោះ ៕