អង្គ ៣ របស់ស្រែ

១- បរិបូណ៌ដោយប្រឡាយទឹក សម្រាប់អ្នកស្រែអាស្រ័យបង្ហួតចូលទៅក្នុងរក្សាស្រូវសន្ទូង ។

២- បរិបូណ៌ដោយភ្លឺ សម្រាប់អ្នកស្រែទប់ទឹកទុកទំនុកបម្រុងដើមស្រូវឲ្យមានផ្លែផ្កា ។

៣- បរិបូណ៌ដោយគួរស្រូវ ញ៉ាំងម្ចាស់ស្រែឲ្យសប្បាយចិត្ត ទោះបីគេព្រោះសាបពូជតែបន្តិចបន្តួចក៏មានផលច្រើន បើព្រោះសាបពូជច្រើន ក៏កាន់តែមានផលច្រើនឡើងទៅទៀត ។

          ប្រៀបដូចអ្នកប្រតិបត្តិប្រកបដោយអង្គសម្បត្តិ ៣ ប្រការ គឺ៖

១- បរិបូណ៌ដោយសុចរិត និងវត្តប្រតិបត្តិដូចជាប្រឡាយទឹក ។

២- រក្សាសមណធម៌ដោយសីលដូចជាភ្លឺស្រែ ដើម្បីឲ្យបានសម្រេចសាមញ្ញផលទាំង ៤ មានសោតាបត្តិផល ជាដើម ។

៣- បរិបូណ៌ដោយព្យាយាម បង្កើតផលចំរើនដល់ពួកទាយក ទាយិកា ញ៉ាំងសេចក្ដីរីករាយឲ្យកើតឡើង ដល់ពួកទាយកទាយិកា បើទុកជាឲ្យតិចក៏បានផលច្រើនជាអនេក បើបានជាឲ្យច្រើន ក៏កាន់តែមានផលចំរើនឡើងទៅទៀត ៕