ជីវិតនេះតិចណាស់

(កាព្យបទ៧)

ជីវិតសត្វលោកមានតិចណាស់

បញ្ជាក់យ៉ាងច្បាស់ព្រះពុទ្ធដីកា

ដាស់តឿនទូន្មានរាល់រូបា

ឲ្យកើតប្រាជ្ញាស្មារតី ។

កុំឲ្យប្រមាទក្នុងជីវិត

ព្យាយាមតាំងចិត្តទាំងយប់ថ្ងៃ

ដុសខាត់សម្អាតកាយវចី

លកលៃបំពេញបុណ្យកុសល ។

ធ្វើទុកឲ្យហើយសម្រាប់ជីវិត

ឈ្មោះប្រសើរពិតមានភោគផល

នៅពេលស្លាប់ទៅមិនបាច់ឆ្ងល់

មានបុណ្យកុសលតម្កល់ទុក ៕

ស.ស. ជីវិតកថា ព.ស. ២៥៥៤ គ.ស. ២០១០ ទំ.៦៩

រ.មិញ សាវ៉ាន