អង្គ ២ របស់ជាងចាំង

១- ចាំងឈើតាមខ្សែបន្ទាត់ ។

២- ចាំងយកសាច់សំបកស្រាយចេញទុកតែខ្លឹម ។

ប្រៀបដូចអ្នកប្រតិបត្តិប្រកបដោយអង្គសម្បត្តិ ២ ប្រការ គឺ៖

១- ប្រតិបត្តិអនុលោមទៅតាមពាក្យប្រៀនប្រដៅរបស់សម្ដេចព្រះជិនស្រី ឈរលើផែនដី គឺសីល ចាប់កាន់ពូថៅគឺបញ្ញា ដោយដៃគឺសទ្ធា ហើយចាំងកិលេសទាំងឡាយ ឲ្យរីងស្ងួតហួតហែងទៅចាកខន្ធសន្តាន ។

២- លះបង់ចោលមិច្ឆាទិដ្ឋិ ដូចជាសាច់ស្រាយ ដែលមានសស្សតទិដ្ឋិ យល់ឃើញថាទៀង និងឧច្ឆេទទិដ្ឋិ យល់ឃើញថាសូន្យ ជាដើមចេញ រើសយកតែធម៌ដែលមានខ្លឹមសារប៉ុណ្ណោះ ៕

ដ.ឯ.ម ទំ. ៥៥៧