ធ្វើបទវិភាគរួចហើយ ដែលបានពោលដល់ការពិសោធរឿងរ៉ាវវិលកើតវិលស្លាប់ពីការចាំជាតិ
ដោយបានលើកយកឧទារណ៍របស់ក្មេងសញ្ជាតិអាមេរិចឈ្មោះ កាស់អរថេកា ដែលអាចចាំជាតិបានតាំងតែពីក្មេងនេះមានអាយុកន្លះខួប
គឺលោកតាអរគី ឬឪពុកនៃឪពុកក្នុងជាតិបច្ចុប្បន្ននេះ។
ប្រសិនបើអ្នកអានត្រូវការចង់ចាំជាតិបាន សាកល្បងហ្វឹកហាត់ធ្វើសមាធិមើលទៅ។
បុគ្គលដែលបានហ្វឹកហាត់ធ្វើសមាធិរហូតដល់បានឈានរលឹកជាតិបានគឺ បុព្វេនិវាសានុស្សតិញាណ ក៏នឹងបានដឹងថា តើអតីតជាតិរបស់ខ្លួនធ្លាប់កើតជាអ្វីខ្លះ នឹងចាំជាតិបានយូរប៉ុនណា? វាតែងតែស្ថិតនៅលើកម្លាំងសមាធិ និងបុណ្យបារមីដែលខ្លួនបានសន្សំទុកមក។
បុគ្គលដែលបានហ្វឹកហាត់ធ្វើសមាធិរហូតដល់បានឈានរលឹកជាតិបានគឺ បុព្វេនិវាសានុស្សតិញាណ ក៏នឹងបានដឹងថា តើអតីតជាតិរបស់ខ្លួនធ្លាប់កើតជាអ្វីខ្លះ នឹងចាំជាតិបានយូរប៉ុនណា? វាតែងតែស្ថិតនៅលើកម្លាំងសមាធិ និងបុណ្យបារមីដែលខ្លួនបានសន្សំទុកមក។
មានបុគ្គលហ្វឹកហាត់ធ្វើសមាធិអាចរលឹកឃើញជាតិបានច្រើនគ្នា
ជាពិសេសព្រះកម្មដ្ឋាន ទាំងដែលស្លាប់បាត់ទៅហើយក្តី និងមានអាយុជីវិតរស់នៅសព្វថ្ងៃនេះក្តី។
យើងសូមលើកយកឧទាហរណ៍ លោកតា ឆប ឋានសមោ គេចាត់ទុកលោកតាថា
ជាព្រះអរហន្តដែលមានមនុស្សម្នាគោរពរាប់អានពេញស្រុកពេញនគរ។
លោកតា ឆប លោកតាមានព្រះជន្មនៅក្នុងកំឡុងពេល
ព.ស. ២៤៤៤-២៥៣៥។ អ្នកស្រីសុរីព័ន្ធ មណីវ័ត បានសរសេរជីវប្រវត្តិរបស់លោកតាទុកគួរឲ្យចង់សិក្សាអំពីជីវិតលោកតា។
លោកតា ឆប ចាំជាតិបានច្រើនជាតិ តាមរយៈដែលកូនសិស្សកូនគណបានក្រាបថ្វាយបង្គំសួរអំពីអតីជាតិរបស់លោកតា
តាមកម្ម តាមវេរៈ។ ហើយលោកក៏មានមេត្តាឆ្លើយតបទៅដល់សិស្សបានដឹងបានយល់ ល្មមនឹងបុកសរុបបានថា
លោកធ្លាប់បានកើតជាមហាព្រហ្ម (ព្រហ្មអ្នកជាធំក្នុងជាន់មួយ)។
ក្នុងសម័យពុទ្ធកាលនោះ លោកបានបួសជាសាមណេរតូច
កូនសិស្សព្រះមហាកស្សបៈ(ព្រះអរហន្តថ្នាក់ខ្ពស់ដែលព្រះអរហន្តដូចគ្នាផ្តល់សេចក្ដីគារវៈគោរពរាប់អាន)
បន្តមកបួសជាភិក្ខុនៅក្នុងសំណាក់ព្រះអនុរុទ្ធ(ព្រះអរហន្តមានភ្នែកទិព្វ)។
ទោះបីជាបានបួសរៀនជាសិស្សរបស់ព្រះអរហន្តក្នុងសម័យពុទ្ធកាលក៏ដោយ
ប៉ុន្តែបុណ្យវាសនានៅមិនទាន់ពេញបរិបូណ៌ លោកតាក៏មិនសម្រេចធម៌ក្លាយជាព្រះអរិយបុគ្គលទេ(រាប់តាំងពីថ្នាក់ព្រះសោតា
ព្រះសកទា ព្រះអានាគា និងព្រះអរហន្ត)។ លោកតារង់ចាំត្រូវវិលកើតវិលស្លាប់មកយ៉ាងយូរទៀត
ច្រើនជាតិដែលលោកតាកើតជាសត្វតិរច្ឆានជាអាថ៌ថា៖
លោកតាបានកើតជាត្រី កើតជាមេអំបៅត្រូវប្រចៀវដេញចាប់ខាំស៊ី
កើតជាខ្លាឃ្មុំទៅស៊ីត្រសក់របស់អ្នកស្រុក ត្រូវម្ចាស់ចម្ការយកកាំបិតកាប់ត្រូវក្បាល និងស្លឹកត្រចៀកហូរឈាមដាប
គ្រោះនៅល្អ វាមិនទាន់ស្លាប់។
លោកតាកើតជាសត្វក្ដាន់ទៅរកស៊ីម្កាក់ឯគោកមន
ស្រុកវាំងសៈផុង ខេត្តលើយ ត្រូវមនុស្សបាញ់ត្រូវជើង ត្រូវរត់គេចទៅដោយការឈឺចាប់ អស់កម្លាំងក៏ដួលស្លាប់ឯស្រុកមួងទៅ។
ជាតិហ្នឹងលោកតាកើតនៅឯគោកមន និងចាំវស្សានៅវត្តគោកមន ស្រុកវាំងសៈផុង បានច្រើនវស្សា នឹងយល់ឃើញថា
មនុស្ស ឬសត្វច្រើនតែត្រឡប់ទៅក្នុងតំបន់ដែលខ្លួនធ្លាប់រកស៊ីមកពីមុន ប្រសិនបើតំបន់នោះជាទីចូលចិត្ត
ជាទីស៊ាំទៅហើយ។
លោកតាធ្លាប់កើតជាសត្វមាន់ទៅអស់៧ជាតិ មានសម្ពន្ធភាពជាមួយមេមាន់ សន្យាថានឹងធ្វើជាគូគ្រងគ្នាគ្រប់ៗជាតិ។
ទោះបីជាលោកតានឹងបានកើតជាមនុស្សរួចហើយក៏ដោយ ប៉ុន្តែមេមាន់នោះក៏នៅតែកើតជាមេមាន់លង់គិតរង់ចាំលោកតាដដែល។ លោកតាដំណាលថា ការកើតជាសត្វតិរច្ឆានមានសេចក្ដីទុក្ខលំបាកឈឺចាប់ច្រើន។ ពេលខ្លះត្រូវស៊ីអត់ស៊ីឃ្លាន មិនមានចំណីអាហារស៊ី។ រដូវវស្សាត្រូវភ្លៀងទទឹកសើមជោគនៅកណ្តាលភ្លៀង រដូវរងាក៏ត្រូវត្រជាក់ជាប់ចិត្ត។ ក្រៅពីនេះនៅមានភ័យពីសត្វដែលធំជាង ហើយក៏ត្រូវចាំលបគេចពីមនុស្សដែលចូលចិត្តដេញប្រមាញ់យកសាច់ធ្វើជាអាហារទៀតផង។
ត្រឹមថ្នាក់កើតជាសត្វមានទុក្ខសោកប៉ុណ្ណេះ
ចុះបើធ្លាក់នរកតើនឹងរងទុក្ខសោយផលកម្មខ្លាំងប៉ុនណាទៅ? កូនសិស្សមួយរូបសួរលោកតាថា តើជាតិមុននេះលោកតាកើតជាអ្វីដែរ?
លោកតាឆ្លើយថា លោកកើតជាជនជាតិឡាវ ជាអាជីវករលក់ក្រណាត់។
ថ្ងៃមួយក៏បានបបួលមិត្តៗធ្វើដំណើរមកទីកន្លែងសក្ការៈភ្នំព្រះធាតុ។ លោកតានាំយកក្រណាត់ស
មួយព្យាម និងលុយ ៥០ សេន មកធ្វើបុណ្យ អធិដ្ឋានថា ជាតិមុខសូមឲ្យបានបួសឲ្យបានរួចផុតទុក្ខ។
ពាក្យអធិដ្ឋានរបស់លោកតាបានផលសម្រេច។ ជាតិនេះលោកតាបានបួសនិងរួចផុតទុក្ខសមតាមសេចក្ដីប្រាថ្នា
ទោះបីជាលោកតានៅមានព្រះជន្មក៏ដោយ ក៏សសៃសក់របស់លោកតាដែលកូនសិស្សរក្សាទុកគោរពបូជា ក៏ក្លាយជាព្រះធាតុ
មានគេនិយាយចេញពីមាត់មួយទៅមាត់មួយ។
វដ្តសង្សារ ឬការវិលកើតវិលស្លាប់នៃជីវិតសែនយូរ
មិនដឹងថាកើតមានជាតិដំបូងតាំងពីពេលណាមកទេ និងនៅយូរប៉ុនណាទៀតដែរ ទើបវាឈប់កើត ឬរួចផុតទៅពីវដ្ដសង្សារនេះ។
ការស្លាប់-កើតនៅក្នុងមួយជាតិៗ សុទ្ធតែមានភ័យ ព្រោះឱកាសនឹងបានទៅកើតក្នុងអបាយភូមិ ដែលមានដែនជាទីកើតក្នុងនរក
ប្រេត អសុរកាយ និងសត្វតិរច្ឆានបែបនោះមានកម្រិតខ្ពស់ជាង ការបានទៅកើតជាមនុស្សជារបស់ក្រ
កើតក្នុងឋានសួគ៌ ឬកើតជាព្រហ្មកាន់តែក្រទៅទៀត។
ទោះបីជានឹងបានកើតជាមនុស្សច្រើនដោយសេចក្តីទុក្ខក៏ដោយ
បើយើងមិនបានសិក្សាព្រះធម៌ ក៏មិនស្គាល់ផ្លូវចេញពីសេចក្ដីទុក្ខ ត្រឡប់ជាឈ្លក់វង្វេងលង់ក្នុងគំនរនៃទុក្ខសោកដោយមិនដឹងថា
ជាសេចក្ដីទុក្ខ ប្រៀបដូចជាដង្កូវរកស៊ីនៅក្នុងបង្គន់(អណ្តូងឧច្ចារៈ) ដោយសេចក្ដីភ្លើតភ្លើនត្រេកអរសប្បាយរីករាយ
ដោយមិនដឹងថា វាមានជីវិតរស់នៅលើគំនរលាមក(គ្រឿងបដិកូល)សោះទេ។
ចូរនាំគ្នាមកសិក្សារៀនសូត្រ និងប្រតិបត្តិព្រះធម៌
ព្រោះព្រះធម៌គឺសច្ចភាពដែលនឹងជួយឲ្យអ្នកប្រតិបត្តិមានកែវភ្នែកឃើញធម៌ ផុតពីគំនរបដិកូល(គ្រឿងមិនស្អាត)បានជានិរន្តរ៍។
ភ័យដែលគួរខ្លាចនៃការវិលវល់កើតស្លាប់
រឿងនិទានចាំជាតិរបស់លោកតា
ឆប ឋានសមោ
រឿង ព្រះគ្រូជាញជ័យ អធិបញ្ញោ
No comments:
Post a Comment