ចិត្តបានសុខហើយ បញ្ហាត្រូវចប់

ដើម្បីសេចក្ដីសុខផ្លូវកាយ យើងត្រូវងូតទឹកជម្រះគ្រឿងសៅហ្មងត្រូវតមចំណីទាស់ផ្សេងៗ ត្រូវបំប៉នអាហារល្អៗ ត្រូវសម្រាកឲ្យបានគ្រប់គ្រាន់ និងត្រូវប្រើថ្នាំកម្ចាត់រោគទៀតផង។ 

ដើម្បីសេចក្ដីសុខផ្លូវចិត្ត យើងត្រូវមានសីល គឺការមិនធ្វើនូវបាបទាំងពួង នេះដូចជាការងូតទឹក និងការតមចំណីទាស់តាមផ្លូវកាយដែរ។ ត្រូវបំប៉នអាហារល្អៗ គឺធម្មាហារ បានដល់កុសលធម៌ទាំងពួង ដែលត្រូវបំពេញ។ ត្រូវសម្រាក់ឲ្យគ្រប់គ្រាន់ គឺសម្រាក់អំពីអកុសលនីវរណៈ ឬអកុសលវិតក្កៈ ដោយសមាធិភាវនា ព្រោះកាមឆន្ទៈ ព្យាបាទនីវរណៈជាដើមនេះ នាំឲ្យខូចសុខភាពផ្លូវចិត្ត ដូចអ្នកដែលទទួលទានដំណេកមិនលក់ នាំឲ្យខូចសុខភាពផ្លូវកាយដូច្នោះដែរ។

សំខាន់បំផុតគឺ ចិត្តមិនមានរោគ។ កិលេសគ្រប់ប្រភេទគឺជារោគរបស់ចិត្ត ដូច្នេះត្រូវអប់រំចំរើនវិបស្សនា ដើម្បីសេចក្ដីសុខរបស់ចិត្តនៅត្រង់មិនមានរោគ៕ [edit]

.........................

ស្រង់ចេញពីសៀវភៅ៖ ជីវិតរស់នៅប្រចាំថ្ងៃ ភាគ១

ទំព័រ ៥២

បោះពុម្ព ព.ស ២៥៥៦ គ.ស ២០១៣

រោងពុម្ព ម៉ៅ ផុន (ពុយ)

រៀប. យ៉ូន ដារា (សាមណេរ មនោរថ)

រូបភាពហ្វេសប៊ុកផេក