១០ប្រការអស្ចារ្យគាថា “ធ្វើឲ្យមនុស្សស្រឡាញ់” ហើយមិនចាំបាច់ ទៅធ្វើវិធីឯណាឲ្យខាតពេលទេ

នរណាខ្លះ? កំពុងស្វែងរកវិធីឲ្យមានគេស្រឡាញ់ ហើយមិនចាំបាច់ទៅរកវិធីឯណាឲ្យតែខាតពេលទទេៗទេ។ 

១- ចេះរាក់ទាក់ ការរាក់ទាក់អ្នកណាគេមុន ជាសភាពមួយគួរឲ្យស្រឡាញ់ ឆ្លុះបញ្ចាំងឲ្យឃើញពីមិត្តភាព ធ្វើឲ្យអ្នកដែលត្រូវបានគេរាក់ទាក់រក មានអារម្មណ៍ល្អប្រសើរថា បានទទួលភាពយកចិត្តទុកដាក់ មានមនុស្សផ្ដល់នូវភាពសំខាន់ឲ្យ។ តើយើងនឹងចាំឈ្មោះមនុស្សឲ្យបានទៅធ្វើអ្វី បើចាំបានហើយ មិនចេះរាក់ទាក់រកគ្នានោះ?

២- ដាក់បន្ទាបខ្លួនឲ្យសប្បាយៗ បានឬទេ? ចូរធ្វើជាមនុស្ស ដែលចេះដាក់បន្ទាបនូវខ្លួនសប្បាយៗជានិច្ច ដើម្បីមិនឲ្យអ្នកដទៃនឹងមានអារម្មណ៍ធុញទ្រាន់ជិនឫក ពេលបាននៅជិតក្បែរ។ អ្នកចូលចិត្តចាត់ទុករឿងទាំងហ្នឹងដូចជាគ្នាឯង កុំប្រកាន់ឫកក្រអើតក្រទមអី។

៣- ចងចាំឈ្មោះគេឲ្យបាន បើនៅមិនទាន់បានចាំឈ្មោះនរណាមួយទេ ឬចាំប្រលំចាំខុស វាសបញ្ជាក់ឲ្យឃើញថា អ្នកមិនបានចាប់អារម្មណ៍យកចិត្តទុកដាក់ ឬផ្ដល់ភាពសំខាន់ដល់ខ្លួនគេបានច្រើនទេ។

៤- មាននិស្ស័យងាយៗ និស្ស័យងាយៗ កើតមានម្នាក់មួយរឿង បើអ្នកជាមនុស្សងាយ មានភាពប្រកាន់ខ្ពស់ និងចេះបន្ធូរបន្ថយអារម្មណ៍ មិនប្រែប្រួលទាល់តែពិបាក ដល់ការគ្រប់គ្រង ឬទុកចិត្ត។មនុស្សងាយៗច្រើនតែព្រមទទួលយក និងយល់ចូលចិត្តបាន។

៥- កុំមានអំណួតខ្លួន ចូរប្រយ័ត្ន កុំសម្ដែងបង្ហាញថា អ្នកដឹងអ្វីៗទាំងអស់គ្រប់រឿងរ៉ាវ មិនមានអ្នកណាប្រាថ្នាចូលចិត្ត ជាមួយមនុស្សឆ្លាតទៅ គ្រប់រឿងទាំងអស់ទេ រឿងខ្លះគេក៏ចង់ឆ្លាតដូចគ្នាដែរ។ ដូច្នោះសូមមេត្តាដាក់ខ្លួនទៅតាមធម្មជាតិ( គឺមានទាំងរឿងដែលខ្លួនដឹង និងរឿងដែលខ្លួនមិនដឹង) ដាក់ខ្លួនឲ្យទាប និងសុភាពទៅតាមកាលៈទេសៈ នឹងល្អជាជាង។

៦- ចូរមាននិស្ស័យរុះរាយ ដើម្បីមនុស្សទាំងឡាយ នឹងបានចូលចិត្តនៅជិតក្បែរ ហើយនឹង “ជាប់តាម” ក្នុងភាពរុះរាយដែលអ្នកមាន ហើយអ្នកនឹងបានទទួលអារម្មណ៍ល្អៗ បានចេះរៀនសូធ្យក្នុងរឿងល្អៗ ពីមនុស្សទាំងអស់នេះ នៅពេលសេពគប់រាប់អានរកគ្នា។

៧- ចូរព្យាយាមដោះស្រាយ ការយល់ចូលចិត្តខុស អ្នកអាចធ្លាប់សម្លឹងមើលនរណាមួយក្នុងផ្លូវអាក្រក់ខ្លះ អ្នកធ្លាប់មានការប្រកែប្រកាន់ នូវទង្វើនេះទង្វើនោះរបស់គេខ្លះ។ បើសិនជាអ្នកមានពេល ចូរព្យាយាមដោះស្រាយកែកុន ឬប្រកាន់ទោសអួសដំណើរនោះដែលធ្លាប់កើតមានចេញ។

៨- បោះចោលវាទៅ... ទម្លាប់អាក្រក់ៗ ជួនកាលយើងក៏មិនបានដឹងទេថា យើងនឹងមានទម្លាប់អ្វី ដែលជាប្រការខ្វះចន្លោះប្រហោង នៅក្នុងខ្លួនយើងខ្លះ។ ការផ្អៀងសោតាស្ដាប់ពីមនុស្សនៅជុំវិញខាង អាចនឹងជួយឲ្យយើងបានដឹង។ ពេលយើងបានដឹងហើយ យើងមានតួនាទីត្រូវកំចាត់បង់និស្ស័យទម្លាប់អាក្រក់ ដែលធ្វើឲ្យអ្នកដទៃ តាំងទុកប្រការស្អប់ខ្ពើមយើងចេញទៅ។ ទោះបីជាថា និស្ស័យទម្លាប់ខ្លះនោះ អាចមាននៅ ឬធ្វើបាន ដោយយើងមិនដឹងខ្លួន មករហូតក៏ដោយចុះ។

៩- ចូរហាត់រៀនចូលចិត្តអ្នកដទៃខ្លះ គួរឲ្យចម្លែកប្លែកចិត្ត... មនុស្សខ្លះស្អប់ខ្ពើមមិនដឹងក្បាលដឹងកន្ទុយប៉ាតណាប៉ាតណី សាកល្បងហាត់រៀនចូលចិត្តអ្នកដទៃ រហូតដល់ក្លាយជាទម្លាប់បានទេ??

១០- ចេះសរសើរឲ្យបាន កុំបោះបង់ឱកាស ដែលចេះពោលនិយាយពាក្យសរសើរ ពេលណាមនុស្សណាម្នាក់ជិតខ្លួនអ្នក បានធ្វើក្នុងរឿងល្អៗ ជាគំរូល្អដល់ជនដទៃ ឬធ្វើអ្វីបានសម្រេចជោគជ័យម្យ៉ាង ក្នុងពេលដំណាលគ្នា អ្នកក៏ត្រូវចេះសម្ដែងការយល់ចូលចិត្ត យល់ចិត្តយល់ថ្លើម ក្នុងភាពទុក្ខលំបាកក្រៀមក្រំចិត្ត និងភាពអស់សង្ឃឹមរបស់ពួកគេ។

បុគ្គលណាចូលចិត្តគិតថា យើងនឹងចូលចុះសម្រុងស៊ីធ្លុងជាមួយអ្នកដទៃមិនបាន សាកល្បងបែរមកសួរខ្លួនឯងម្តងទៀតថា តើហេតុអ្វីបានយើងមានសភាពលក្ខណៈបែបនោះ? យើងចូលចិត្តនិន្ទាគេឬអត់? យើងរក្សាការសំងាត់ ឬការទុកចិត្តរបស់មិត្តបាន ឬមិនបាន ឬមួយយើងមិនធ្លាប់និយាយ ឬមួយថាយើងមិនចេះញញឹមញញែមរុះរាយរាក់ទាក់រក... សាកល្បងសង្កេតត្រួតពិនិត្យមើលខ្លួនមើល៍ ហើយអ្នកនឹងដឹងហេតុផល នៃការមានមិត្តច្រើន ឬតិច វាអាស្រ័យនៅលើខ្លួនយើងនេះឯង៕ [edit]

ប្រភព៖ sakid.com