សុភាសិតចិន១៥ប្រការល្អចំពោះចិត្តពីអ្នកប្រាជ្ញក្នុងសម័យបុរាណ

សុភាសិតចិន១៥ប្រការល្អចំពោះចិត្តពីអ្នកប្រាជ្ញក្នុងសម័យបុរាណ

“អ្នកដែលស្គាល់អ្នកដទៃជាមនុស្សឆ្លាត អ្នកដែលស្គាល់ខ្លួនឯងជាមនុស្សមានសតិ” ឡៅជឺថា។ ទុកជាយ៉ាងនោះក៏ដោយ ប្រហែលជាល្អ ប្រសិនបើយើងបានរៀនសូធ្យពាក្យអប់រំនៃពួកអ្នកប្រាជ្ញ អ្នកមានទស្សនវិស័យយ៉ាងល្អិតល្អន់ រួមទាំងសុភាសិតចិន ដែលនឹងញ៉ាំងឲ្យយើងមានកម្លាំងចិត្ត ហើយថែមទាំងជាគោលគំនិតដាស់តឿនចិត្តឲ្យប្រើប្រាស់ជីវិតប្រកបដោយមានសតិ។

១- ចូរយកចិត្តទុកដាក់ថា អ្នកដទៃនឹងមើលមកថា តើយើងជាមនុស្សយ៉ាងម៉េច

មានឈ្មោះបោះសម្លេងតិចឬខ្លាំងកម្រិតណា ឬមានឋានៈជីវភាពយ៉ាងម៉េច

ប៉ុន្តែឲ្យចាប់អារម្មណ៍ថា តើខ្លួនយើងផ្ទាល់មានតម្លៃគួរដល់ការយកចិត្តទុកដាក់

ឬផ្ដល់នូវការគោរពរាប់អានហើយឬនៅ? (ខុងជឺ)

២- មនុស្សដែលមិនមានភាពរឹងមាំផ្នែកខាងផ្លូវចិត្ត ច្រើននឹងបរាជ័យកណ្តាលទី

ព្រោះគេវាយតម្លៃទុកឲ្យខ្លួនឯងតាំងពីដើមទីហើយថា

គេមិនមានផ្លូវណាមួយនឹងជួបភាពជោគជ័យឡើយ។ (ខុងជឺ)

៣- ពេលខឹងខ្លាំងកុំអាលឆ្លើយក្តីនរណា

ពេលសប្បាយចិត្តខ្លាំងកុំអាលផ្ដល់សន្យា

ពេលសោកាខ្លាំង កុំអាលសម្រេចចិត្ត។ (ឡៅជឺ)

 ៤- វត្ថុ៤យ៉ាងក្នុងលោកដែលលុយទិញមិនបានគឺ

- ស្នេហា

- ពេលវេលា

- ជីវិត និង

- កល្យាណមិត្ត។ (ខុងជឺ)

៥- មិនខ្លាចទេគ្មានតំណែង

ខ្លាចតែគ្មានសមត្ថភាព

ក្នុងការគ្រប់គ្រងតំណែង។ (ខុងជឺ)

៦- កាលណាទ្វារផ្ទះមួយបិទ ទ្វារផ្ទះមួយទៀតក៏បើក

ប៉ុន្តែជានិច្ចកាល យើងរវល់គិតតែសម្លឹងមើលទ្វារផ្ទះដែលបិទ

ទ័លតែមើលមិនឃើញថា មានទ្វារផ្ទះមួយទៀតកំពុងបើក។ (ខុងជឺ)

៧- ភាពទន់ភ្លន់គឺជាដាវដ៏មុតមួយ។ (កូវលេង)

៨- រើសការងារដែលខ្លួនចូលចិត្ត

ហើយជីវិតនេះ អ្នកនឹងមិនត្រូវធ្វើការងារមួយថ្ងៃណាឡើយ។ (ខុងជឺ)

៩- អ្នកដែលមានកិត្តិយស គឺអ្នកដែលផ្តល់កិត្តិយសឲ្យអ្នកដទៃ។ (ខុងបេង)

១០- ការឈ្នះដោយមិនចាំបាច់ច្បាំង

គឺជាវិធីដ៏ល្អបំផុតមួយក្នុងសង្គ្រាម។ (ស៊ុនវូ)

១១- មើលពិភពលោកក្នុងផ្លូវល្អ

ឲ្យលើកលែងទោសចំពោះកំហុសឆ្គងរបស់អ្នកដទៃ។ (ឡៅជឺ)

១២- ចូលចិត្តស្វែងរកអំពើល្អរបស់អ្នកដទៃ

ហ៊ានស្វែងរកចំណុចខ្សោយរបស់ខ្លួនឯង

ដើម្បីការកែលំអកែតម្រូវឲ្យល្អឡើងវិញ។ (ឡៅជឺ)

១៣- ទន់ជ្រាយទើបរួចផុត ទន់ភ្លន់កំពុងគ្រប់គ្រង

មិនមានអ្វីណាទន់ជាងទឹក

ប៉ុន្តែមិនមានភាពរឹងមាំណាមួយមកបំផ្លាញទឹកបាន

ចូរធ្វើខ្លួនឲ្យដូចជាទឹកចុះ។ (ឡៅជឺ)

១៤- រឿងពិបាកត្រូវធ្វើឲ្យងាយ

រឿងធំ ហើយសំខាន់ត្រូវតែធ្វើឲ្យម៉ត់ចត់។ (ឡៅជឺ)

១៥- ពេលនរណាម្នាក់ធ្វើខុស អ្នកកុំអាលស្ដីបន្ទោស

ឬជេរស្ដីថាគេ ព្រោះបើអ្នកជាគេវិញ ហើយធ្លាក់ក្នុងស្ថានភាពដូចជាគេ

អ្នកអាចនឹងសម្រេចចិត្តធ្វើដូចជាគេក៏ថាបាន៕ (ខុងបេង)[edit]

ប្រភព៖អ្នកគ្រប់គ្រង

រូបភាព៖ plus.google.com