គំនិតគួរពិចារណាខ្លឹមសារនៃជីវិត (៧២)

គំនិតគួរពិចារណាខ្លឹមសារនៃជីវិត (៧២)

“... បុគ្គលណាតាមដានត្រួតពិនិត្យមើលចិត្តរបស់ខ្លួនឯង  បុគ្គលនោះ រមែងរួចផុតអំពីអន្ទាក់នៃមារ ព្រោះចិត្ត ជាអ្នកទទួលដឹង ជាអ្នកទទួលឮ ជាអ្នកទទួលយកនូវសេចក្ដីសុខ និងទុក្ខ។ បើសិនជាយើងត្រួត ពិនិត្យតាមដាន ក្លំមើលចិត្តរបស់យើង  យើងក៏ មិនក្លាយជាមនុស្សអនាថាប៉ុណ្ណោះឯង។

កិលេសទាំងឡាយ ដែលមកដេកត្រាំនៅក្នុងខន្ធសន្ដានចិត្តយើង ធ្វើឲ្យចិត្តយើងសៅហ្មង មិនឲ្យផូរផង់ វាមិន ឲ្យចិត្តយើងបាន បរិសុទ្ធស្អាតឡើយ  វាអាចប្រព្រឹត្តទៅបាន លុះត្រាណាតែមានពុទ្ធិ អ្នកដឹង អ្នកភ្ញាក់ កំពុងឃើញ កំពុងឮ ទាំងការដេក ដើរ ឈរ និងអង្គុយ កើតមានដូចនេះ នោះគឺផល នៃការប្រតិបត្តិឲ្យចូលដល់ សេចក្ដីស្ងប់របស់ចិត្តនុ៎ះឯង...”៕