១) ការមកយឺតយ៉ាវ៖ ប្រហែលជាអ្នកមិនចូលចិត្តក្រោកពីព្រលឹម
ប៉ុន្តែអ្នកគួរអនុវត្តចាប់ពីពេលនេះទៅ
ប្រសិនបើអ្នកចង់រក្សាការងារ នេះបន្តទៀត។
ការមកយឺតជារឿយៗមិនគ្រាន់តែបង្ហាញការខ្វះខាតវិន័យប៉ុណ្ណោះទេ
ថែមទាំងបង្ហាញពីការមិនគោរពអ្នកគ្រប់គ្រង និងអ្នករួមការងារទៀតផង។
ប៉ុន្តែប្រសិនបើអ្នកមានហេតុផលសមរម្យសម្រាប់ការមកយឺតនោះ
អ្នកគួរពិភាក្សាវាជាមួយអ្នកគ្រប់គ្រងរបស់អ្នក
ដោយមិនគួរទុកបញ្ហានេះចោលមិនអើពើនោះទេ។
២) ការស្លៀកពាក់មិនសមរម្យ៖
ការស្លៀកពាក់សមរម្យបង្ហាញពីការគោរពចំពោះអ្នករួមការងារជាមួយគ្នា
និងការយកចិត្តទុកដាក់ចំពោះការងាររបស់អ្នក។
មិនថាអ្នកមានអាជីពប្រភេទណានោះទេ
តែងតែមានសម្លៀកបំពាក់ត្រូវនឹងអាជីពនោះ។
៣) ការបដិសេធមិនធ្វើការងារជាក្រុម៖ ទោះបីជាអ្នកមិនចូលចិត្តធ្វើការជាមួយអ្នកដទៃក៏ដោយ
វាជាការសំខាន់ណាស់ដែលអ្នកត្រូវរៀនធ្វើការឲ្យបានល្អជាមួយមិត្តរួមការងារ។
ត្រូវធ្វើឥរិយាបថរបស់អ្នកឲ្យល្អប្រសើរជាងមុន
ឬក៏ធ្វើការស្រាវជ្រាវថាតើអាជីពរបស់អ្នកវាសក្ដិសមនឹងអ្នកឬក៏អត់?
៤) ការសម្រាកច្រើនដង៖
វាមិនមែនជារឿងអាក្រក់នោះទេ ដែលអ្នកត្រូវក្រោកពីកៅអីហើយសម្រួលឥរិយាបថ
ផ្ទុយទៅវិញវាក៏អាចជួយឲ្យយើងមានផលិតភាពកាន់តែប្រសើរឡើងដែរ។
ការសម្រាករយៈពេលខ្លីអាចជួយឲ្យអ្នកកាន់តែផ្តោតទៅលើកិច្ចការកាន់តែច្រើន។
ប៉ុន្តែប្រសិនបើអ្នកមានទំលាប់សម្រាកយូរ
ឬក៏សម្រាកច្រើនដងទៅលើរឿងដែលមិនចាំបាច់នោះ
វាជាពេលវេលាដែលអ្នកត្រូវផ្លាស់ប្តូរហើយ។
វាជារឿងពិបាកណាស់ដែលប្រមូលអារម្មណ៍យកចិត្តទុកដាក់លើការងារ ប្រសិនបើអ្នកចេះតែងើបទៅឆុងកាហ្វេ
ញ៉ាំអាហារសម្រន់ ឬក៏ជជែកជាមួយមិត្តរួមការងារ។ វាក៏មិនស្មើរភាពគ្នាដែរ ដែលត្រូវអ្នករួមការងារមកទទួលការងារជំនួសនៅពេលដែលអ្នកមិននៅ។
៥) ការរអ៊ូរទាំ៖ ចួនការវាជាការល្អដែរ ដែលធ្វើតាមសុភាសិតមួយថា
ប្រសិនបើអ្នកមិនមានអ្វីល្អនិយាយទេ កុំនិយាយឲ្យសោះ។ ការរអ៊ូមិនចេះដាច់
អាចបំបាក់ទឹកចិត្តនៅក្នុងក្រុមការងាររបស់អ្នក
ហើយវាក៏បង្ហាញពីការមិនពេញចិត្តនឹងការងាររបស់អ្នកដែរ។
ជំនួស ឲ្យការរអ៊ូមិនចេះចប់ អ្នកគួរចេះរកដំណោះស្រាយ។
ការរអ៊ូច្រើនពេកក៏អាចធ្វើឲ្យគេមិនចូលចិត្តអ្នកដែរ។ ចូរជួយសម្រួលដល់ខ្លួនឯង
ក៏ដូចជាក្រុមការងាររបស់អ្នកដោយការស្ងៀមស្ងាត់ ហើយស្វែងរកដំណោះស្រាយ។
៦) ការនិយាយច្រើនពេក៖
នៅគ្រប់ការិយាល័យតែងតែមានបុគ្គលិកម្នាក់ដែលមិនចេះស្ងាត់។
សង្ឃឹមថាអ្នកមិនមែនជាបុគ្គលិកនោះ ដែលគ្រប់គ្នាមិនចង់នៅក្បែរនោះទេ។
ការជជែកច្រើនពេក នឹងរាំងស្ទះការងាររបស់អ្នក និងការងារអ្នកដទៃមិនឲ្យចេញផ្លែផ្កាផងដែរ។
៧) និយាយទូរស័ព្ទរឿងផ្ទាល់ខ្លួនច្រើនពេក៖
ចូរចងចាំថាអ្នកនៅកន្លែងធ្វើការ មិនមែននៅ ផ្ទះទេ។
វាជាការប្រសើរណាស់ដែលអ្នកផ្ទះទូរស័ព្ទមកសួរពីសុខទុក្ខរបស់អ្នក
ប៉ុន្តែបើនិយាយយូរពេក និងរំខានដល់ការងាររបស់អ្នក
និងមិត្តរួមការងារផ្សេងទៀត។
អ្នកអាចនិយាយជាមួយអ្នកផ្ទះនៅពេលញ៉ាំអាហារថ្ងៃត្រង់។
លើកលែងតែករណីបន្ទាន់ចេញ
ការនិយាយទូរស័ព្ទពីរឿងផ្ទាល់ខ្លួនយូរពេកគួរជៀសវាងនៅកន្លែងការងារ៕
ប្រភព៖
This and That
No comments:
Post a Comment