ការទូន្មានចិត្ត ពិតជាកំពូលកិច្ច

ការទូន្មានចិត្ត ពិតជាកំពូលកិច្ច

ពេទ្យប្រាប់ឱ្យយើងរក្សាឧស្សាហ៍ហាត់ប្រាណ ដើម្បីសុខភាពរបស់កាយ ត្រូវព្យាយាមរាល់ៗថ្ងៃ ។

ក្នុងព្រះពុទ្ធសាសនា បានប្រាប់ឱ្យយើងឧស្សាហ៍ព្យាយាមហ្វឹកហាត់អប់រំចិត្ត ដើម្បីសុខភាពផ្លូវចិត្ត ។ ការហ្វឹកហាត់ចិត្តមានច្រើនវិធី តែវិធីដែលល្អជាទីបំផុត គឺធ្វើសមាធិ និងវិបស្សនា គួរព្យាយាមធ្វើរាល់ថ្ងៃ ។

សុខភាពផ្លូវកាយមានឧបការៈដល់រូបរាងកាយយ៉ាងណា សុខភាពផ្លូវចិត្តក៏មានគុណ មានឧបការៈដល់ចិត្តវិញ្ញាណយ៉ាងនោះដែរ ។

ចិត្តមនុស្សយើង មានសេចក្ដីសំខាន់ដល់សុខទុក្ខ ក្នុងជីវិតប្រចាំថ្ងៃរបស់យើងខ្លាំងណាស់ មិនគួរឱ្យរំលងនូវការហ្វឹកហាត់អប់រំផ្លូវចិត្តនេះឡើយ ចិត្តដែលហ្វឹកហាត់អប់រំបានល្អហើយ រមែងនាំសេចក្ដីសុខមកប្រគល់ឱ្យចិត្ត ដែលហ្វឹកហាត់បានល្អ មានតម្លៃដ៏ក្រៃលែងបំផុតក្នុងជីវិតមនុស្ស ៕

អប់រំដោយ

គ្រូ ប៊ុត សាវង្ស

ស.ភ.មេរៀនជីវិត ទំ.៤០