មិនសង្ឃឹមទុក ក៏គ្មានផ្លូវខកបំណងដែរ!

១. អ្នកអាចទាបតម្លៃក្នុងកន្លែងមួយបាន ប៉ុន្តែកន្លែងផ្សេងទៀត អ្នកអាចមានតម្លៃយ៉ាងមហាសាល សូមឲ្យចងចាំទុកថា គ្រប់គ្នាសុទ្ធតែមានតម្លៃទាំងអស់ គ្រាន់តែឈរឲ្យចំទី ចំពេលវេលា ឬអត់ប៉ុណ្ណោះ ។

～

២. អារម្មណ៍ដ៏សែនឈឺចាប់គឺ ភាគីម្ខាងដឹងទាំងដឹងថា អ្នកកំពុងគិតអ្វី តែបែរជាគ្មានន័យសម្រាប់គេទៅវិញ? អ្នកខ្លះ ទោះជាឲ្យអ្នកធ្វើល្អចំពោះគេប៉ុនណាក្ដី ក៏គេត្រឡប់ជាមិនសូវចាប់អារម្មណ៍ ព្រោះនៅក្នុងខួរក្បាលរបស់គេ មិនធ្លាប់មានរូបអ្នកនៅក្នុងក្រសែភ្នែករបស់គេអីណាបន្តិចសោះឡើយ ។

～

៣. មនុស្សដែលគួរឲ្យវេទនាបំផុត គឺអ្នកដែលរមិលគុណលោកអ្នកមានព្រះគុណ អ្នកឈរនៅត្រង់ចំណុចនេះបាន ថ្ងៃនេះបានព្រោះតែអ្នកណា? មនុស្សដែលគួរឲ្យអាណិតបំផុតគឺមនុស្សដែលស្រវឹងនឹងខ្លួនឯង បោកប្រាស់ខ្លួនឯងថា ខ្ញុំនេះឯងដែលពូកែជាងគេ មនុស្សដែលគួរឲ្យវេទនាបំផុតគឺមនុស្សដែលបាត់អំណាច ក្នុងថ្ងៃណាដែលអ្នកគ្មានអំណាច អ្នកក៏មិនខុសអ្វីពី… ខ្លួនមួយ! គិតមុន ផ្លាស់ប្ដូរមុនៗគ្រប់យ៉ាងនឹងហួសពេល ។

～

៤. រឿងខ្លះ ទុកណាវាមានសោភ័ណភាពល្អក្នុងអារម្មណ៍ប៉ុនណាក៏ដោយ តែចុងក្រោយមិនបានជាលទ្ធផលអ្វីឡើយ កុំទាញវាឲ្យមករាំងស្ទះជាឧបសគ្គ ព្រោះកន្លងយូរថ្ងៃទៅ អ្នកប្រាកដជាមានចិត្តធុញទ្រាន់ និងហត់នឿយ ។ អ្នកខ្លះទៀត ទុកជាឲ្យអ្នកស្រឡាញ់ អ្នកឈ្លក់វង្វេងខ្លាំងប៉ុនណា បើវាមិនមែនហើយគឺវាមិនមែនហ្នឹងឯង ផលចុងក្រោយមានតែអ្នកខូចចិត្ត និងបាត់បង់មនុស្សនោះទៅវិញតែប៉ុណ្ណឹង ។

～

៥. ចួនកាល ការបណ្ដែតបណ្ដោយត្រឡប់ក្លាយជាការរក្សាទុកទៅវិញ មានរឿងខ្លះ មានមនុស្សខ្លះ ចុងក្រោយក៏ក្លាយជារឿងអនុស្សា កុំកើតទុក្ខកុំសោកសៅខ្លាំងពេក រៀនហ្វឹកហាត់លះ រៀនហ្វឹកហាត់ថយចេញបាននៅពេលណាមួយ ចិត្តរមែងធូរស្រាលសប្បាយឡើង ។

～

៦. ក្រោយពីអ្នកភ្ញាក់ពីដំណេកហើយ អ្នកមានផ្លូវពីរដែលត្រូវឲ្យខ្លួនជ្រើសរើស ១ ភ្ញាក់ហើយដេកបន្តទៅវិញ សូមដេកសុបិនល្អបន្តឲ្យបានយូរសែនយូរ និង១ ទៀតភ្ញាក់ហើយត្រូវក្រោកឡើងចេញពីគ្រែដេក ចាប់ផ្ដើមធ្វើតាមសុបិននោះឲ្យក្លាយជាការពិត ។

～

៧. មានមនុស្សខ្លះ រករឿងវិវាទទាស់ទែងខ្វែងគំនិតជាមួយអ្នករាល់ថ្ងៃ ប៉ុន្តែមិនធ្លាប់គេចចេញទៅណាឡើយ តែមានមនុស្សខ្លះ សូម្បីតែនឹងរករឿងឈ្លោះទាស់ក៏នៅមិនធ្លាប់បានគិត តែគិចដើរចេញទៅដោយមិនខ្វល់ និងគ្មានអាល័យអាឡោះសោះ តើអ្នកដឹងទេ ភាពស្ងាត់គួរឲ្យខ្លាចជាងសំឡេងវិវាទរកឈ្លោះជានិច្ច ។

～

៨. កុំរវល់តែផ្ដោតមើលទៅខាងមុខត្រឹមតែម្យ៉ាង បែរត្រឡប់មកមើលខាងក្រោយខ្លះ មិនដូចនោះទេ អ្នកគ្មានផ្លូវដឹងឡើយថា អ្នកកំពុងតែបាត់បង់អ្វីចោលទៅខ្លះ?

～

៩. ធ្វើល្អចំពោះមនុស្សដែលអ្នកមិនចូលចិត្ត អាចមិនមានន័យថា អ្នកជាមនុស្សក្លែង តែអាចកើតមានព្រោះតែបាតបេះដូងរបស់អ្នកធំទូលាយល្មមៗដែលវាគ្មានផលប៉ះពាល់ដល់អារម្មណ៍អ្វីណាទាំងអស់តទៅទៀត ។

～

១០. បើសិនរឿងអ្វីដែលមិនច្បាស់ក្នុងចិត្តទេ កុំទៅផ្ញើក្ដីសង្ឃឹមទុកឲ្យសោះ ដូចនេះក៏មិនមានផ្លូវខកចិត្តខុសបំណងប្រាថ្នា កុំស្រឡាញ់មនុស្សណាដែលមើលទៅគ្មានទំនងស្រឡាញ់អ្នក បែបនេះស្មើនឹងការបិទទ្វារនៃភាពខូចចិត្ត តែអ្នកក៏មិនមានថ្ងៃខូចចិត្តបាន ។ ជីវិតមនុស្សយើងមិនអាចគេចរួចផុតពីការខកចិត្តខុសបំណងបាន ប៉ុន្តែការខកចិត្តខូចចិត្តភាគច្រើន កើតក្រោយពីអ្នកសង្ឃឹមច្រើនជ្រុលហួសហេតុពេកតែប៉ុណ្ណោះ ៕