ច្បាប់សមណព្រាហ្មណ៍សង្រ្គោះគ្រហស្ថ ៦ យ៉ាង

(បទព្រហ្មគីតិ)

១_     ការណាជាបាប                  ត្រូវប្រាបប្រាមហាមគ្រប់មុខ

          ព្រោះជាកម្មនាំមុខ              តទៅមុខមានវេរា ។

២_     ការជាកុសល                    ជួយនាំផ្ដល់ផ្ដើមសទ្ធា

          សាងទានសីលភាវនា          ដើម្បីជាទីពឹងប្រាណ ។

៣_     បានជួយសង្រ្គោះ                ចិត្តចំពោះធម៌កល្យាណ

          មិនធ្វើឲ្យរំខាន                   ជួយប្រោសប្រាណដោយស្មោះសរ ។

៤_     បើមិនដែលស្ដាប់               នូវសូរសព្ទធម៌បវរ

          ដឹកនាំឲ្យស្ដាប់ធម៌              ណាដែលល្អប្រសើរគាប់ ។

៥_     ជួយប្រាប់ពន្យល់                ធម៌ដែលឆ្វល់ឲ្យយល់ឆាប់

          ធម៌ណាដែលធ្លាប់ស្ដាប់      ក៏ជួយប្រាប់ឲ្យយល់ឆ្ងាយ ។

៦_     ជួយប្រាប់ផ្លូវធម៌                 ណាដែលល្អកើតសប្បាយ

          ឲ្យបានជនទាំងឡាយ           ស្ដាប់បរិយាយនៃខ្លួនអើយ ៕

ដ.ដ.ទំ.៤០៣