អង្គ ៣ របស់សត្វទ្រាយ

រូបភាពតំណាងបណ្ដោះអាសន្នសិន ព្រោះមិនមានរូបភាពសត្វទ្រាយដាក់ បើសិនប្រិយមិត្តណាមានរូបសត្វទ្រាយនេះ ​អាចសិនចូលក្នុងមិសសិនជើហ្វេសប៊ូក លឿង ចាន់ បាន សូមអរគុណទុកជាមុន 

១- នៅក្នុងព្រៃតែវេលាថ្ងៃ លុះដល់យប់តែងចេញទៅនៅក្នុងទីវាល ។

២- គេចចៀសលំពែង ឬកូនសរដែលធ្លាក់មកត្រូវលើខ្លួនផុតរបូតទៅបាន ហើយមិនដែលបង្អោនកាយទៅរកកូនសរនោះឡើយ ។

៣- កាលបានមកប្រទះនឹងមនុស្សហើយ ក៏លាក់ខ្លួនពួនសំងំក្នុងទីណានីមួយ មិនឲ្យមនុស្សមើលឃើញខ្លួនឡើយ ។

          ប្រៀបដូចអ្នកប្រតិបត្តិប្រកបដោយអង្គសម្បត្តិ ៣ ប្រការ គឺ៖

១- វេលាថ្ងៃនៅតែក្នុងព្រៃ ដល់យប់ចេញមកនៅកណ្ដាលវាល ។

២- កាលកិលេសកើតឡើង ក៏ចៀសគេចរត់ចេញមិនបង្អោនចិត្ត ទៅច្របូកច្របល់នឹងកិលេសទាំងនោះឡើយ ។

៣- ឃើញជនដទៃបង្កជំលោះវិវាទ ឬទ្រុស្តសីលខ្ជិលច្រអូស ក៏គេចចៀសវាងឲ្យឆ្ងាយទៅ មិនឲ្យជនទាំងនោះឃើញ ទាំងខ្លួនឯងសោត ក៏មិនចង់ជួបប្រទះជនទាំងនោះឡើយ ៕