អង្គ ៤ របស់ស្ដេចចក្រពត្តិ

១- ទ្រង់ថែរក្សាទឹកចិត្តរបស់ប្រជាជន ដោយសង្គហវត្ថុ ៤ ប្រការ មានការឲ្យទានជាដើម ។

២- ពួកចោរជាសត្រូវនឹងផែនដីមិនមានកើតឡើងក្នុងរាជអាណាចក្រឡើយ ។

៣- តែងទ្រង់ពិចារណាអំពីសេចក្ដីល្អអាក្រក់ ទ្រង់ណែនាំប្រជានុរាស្ត្រទាំងផែនដីដ៏ធំទូលាយ  មានមហាសមុទ្រជាទីបំផុត ឲ្យប្រតិបត្តិតាមគន្លងធម៌ ។

៤- ទ្រង់ចាត់ការគ្រប់គ្រងការពាររាជអាណាចក្រយ៉ាងម៉ឺងម៉ាត់ ឲ្យមានអារក្ខាទាំងខាងក្នុងទាំងខាងក្រៅ ។

          ប្រៀបដូចអ្នកប្រតិបត្តិប្រកបដោយអង្គសម្បត្តិ ៤ ប្រការ គឺ៖

១- ថែរក្សាទឹកចិត្តរបស់បរិស័ទ អនុគ្រោះបរិស័ទឲ្យមានចិត្តសប្បាយរីករាយ ។

២- កាមវិតក្ក ព្យាបាទវិតក្ក វិហិង្សាវិតក្ក ដូចជាខ្មាំងសត្រូវ មិនមានកើតឡើងក្នុងសន្តានចិត្តឡើយ ។

៣- តែងពិចារណាជម្រុះដុសខាត់កាយកម្ម វចីកម្ម មនោកម្មសព្វៗថ្ងៃថា យប់ថ្ងៃដែលកន្លងទៅ មានបើប៉ះពាល់ដោយហេតុទាំង ៣ នេះខ្លះឬទេ?

៤- តាំងប្រុងស្មារតី  ដូចជានាយទ្វារឲ្យនៅចាំប្រាបប្រាម កងកិលេសទាំងខាងក្នុង ទាំងខាងក្រៅ ៕