គំនិតគួរពិចារណាខ្លឹមសារនៃជីវិត (១០៤)

“...បុគ្គលអ្នកជួបភ័យវិបត្តិ ឬធ្លាក់ក្នុងសភាពក្រីក្រតោកយ៉ាក ក៏មិនគួរសម្រេចចិត្តស្លាប់ទៅដែរ គួរណាស់តែបានធ្វើចិត្តឲ្យស្ងប់រម្ងាប់ឲ្យបានស៊ប់សួន និងរកមធ្យោបាយដោះស្រាយសន្សឹមៗឲ្យដល់ខ្លួនឯងបាន ព្រោះថាបញ្ហាគ្រប់យ៉ាង ដែលមិនមានច្រកចេញ មិនមានទេក្នុងលោកមួយនេះ ។

មើលឧទាហរណ៍ស្រាប់ ទោះបីតែបញ្ហារឿងសេចក្ដីទុក្ខ ដែលកើតពីការកើត ចាស់ ឈឺ ស្លាប់នុ៎ះ ក៏ព្រះពុទ្ធអង្គជាម្ចាស់ ក៏នៅតែស្វែងរកវិធីដោះស្រាយចេញបានដែរ សម្រាប់បញ្ហាផ្សេងៗ ដែលមានទំហំតូចៗ ដូចនេះ មិនមានវិធីដោះស្រាយរួច ដូចជាមិនសូវសមសោះ ។ តាំងចិត្ត អំណត់ ព្យាយាម អ្នកនឹងរកឃើញពីវិធីដោះស្រាយទាំងអស់នោះបានហើយ ស៊ូកុំព្រមចុះចាញ់ចំពោះឧបសគ្គ ជីវិតគ្មានឧបសគ្គ ដូចជាសម្លខ្វះគ្រឿងអ៊ីចឹងដែរ…” ។

អប់រំដោយ

លោកឪ ឌូល្យ អតុលោ