គំនិតគួរពិចារណាខ្លឹមសារនៃជីវិត (១១៥)

 “…សង្ខារការតាក់តែង ជាការសន្មតថា នោះជារបស់យើង នោះជាយើង ជាគេ ជាសត្វ ជាបុគ្គល ជាសភាពមិនទៀង អាស្រ័យលើឧបាទាន ភាពតោងប្រកាន់មាំ ទើបកើតទុក្ខ ។

ក៏ស្រេចហើយតែធាតុទាំងឡាយ ដែលមាន ដែលកើតមកយ៉ាងនេះតាំងពីណាពីណីមកហើយ ការកើត ចាស់ ឈឺ ស្លាប់ កើតឡើង ទ្រុឌទ្រោមគ្រាំគ្រា មានរួចស្រេចហើយ មុននឹងយើងកើតឡើងមកម្ល៉េះ មានតាំងពីបុរមបុរាណមកហើយ ។

អាស្រ័យអាការរបស់ចិត្ត របស់ខន្ធ ៥ បានដល់ រូប វេទនា សញ្ញា សង្ខារ វិញ្ញាណ ទៅតាក់តែង គ្រប់ជាតិភព រាប់បានថា អនេកជាតិ រកប្រមាណមិនបាន រហូតមកដល់ពេលបច្ចុប្បន្នជាតិ ទើបធ្វើឲ្យចិត្តវង្វេងតាមការសន្មតឡើងប៉ុណ្ណោះ…”។

អប់រំដោយ

លោកឪ ម៉ាន់ ភូរទត្តោ