អំណាចបុណ្យដែលខ្លួនយើងម្នាក់ៗបំពេញហើយ

រាល់អំពើល្អ សេចក្ដីល្អ ដែលយើងគ្រប់គ្នាបានបំពេញហើយដោយកាយ វាចា ចិត្ត គឺសុទ្ធតែជាបុណ្យកុសលទាំងអស់ ។ បុណ្យនេះឯង ជាមិត្តជាប់តាមខ្លួនយើងទៅក្នុងជាតិខាងមុខ ។ បុណ្យអាចអភិសេកយើង ឲ្យបានទៅជាព្រះពុទ្ធ ព្រះបច្ចេកពុទ្ធ ជាអគ្គសាវក ជាសាវកសាវិកាដ៏ល្អក៏បាន ព្រោះហេតុនោះ នៅក្នុងនិធិកណ្ឌសូត្រ ឬគម្ពីរឃ្លាំងបរិយត្តិភាគពីរ លោកសំដែងអំណាចបុណ្យថា

-បុណ្យមិនមានអ្នកអាចមកដណ្ដើមបាន

-បុណ្យជាប់តាមខ្លួនទៅគ្រប់ជំហាន

-បុណ្យនាំទៅកាន់ទេវលោក

-បុណ្យមិនជារបស់សាធារណដល់ជនដទៃ

-បុណ្យចោរនាំទៅមិនបាន

-បុណ្យធ្វើឲ្យសម្រេចនូវសេចក្ដីប្រាថ្នាទាំងពួងបាន

-បុណ្យប្រាថ្នារបស់ណារមែងបានរបស់នោះ

-បុណ្យជាពាក្យសម្បុរសល្អ

-បុណ្យ ធ្វើឲ្យមានសម្លេងពីរោះ

-បុណ្យ ធ្វើឲ្យមានទ្រទ្រាយល្អ

-បុណ្យធ្វើរូបល្អ

-បុណ្យ បានជាអ្នកធំ

-បុណ្យ ធ្វើឲ្យមានបរិវារជាទីស្រឡាញ់

-បុណ្យ ធ្វើឲ្យបានជាព្រះរាជា

-បុណ្យ ធ្វើឲ្យបានឥស្សរយស

-បុណ្យ ធ្វើឲ្យបានកើតជាមនុស្ស

-បុណ្យធ្វើឲ្យកើតជាទវតា

-បុណ្យ ធ្វើឲ្យបានជាស្ដេចនៃទេវតា

-បុណ្យ ធ្វើឲ្យបានដល់ទីរំលត់ទុក្ខ (និព្វាន)

-បុណ្យ ធ្វើឲ្យមានកល្យាណមិត្ត

-បុណ្យ ធ្វើឲ្យសម្រេចបានវិជ្ជា និងវិមិត្ត

-បុណ្យ ធ្វើឲ្យបែកធ្លាយក្នុងបដិសម្ភិទាទាំង ៤

-បុណ្យ ធ្វើឲ្យសម្រេចវិមោក្ខ ៣ វិមោក្ខ ៨

-បុណ្យ ធ្វើឲ្យសម្រេចជាពុទ្ធសាវក

-បុណ្យ ធ្វើឲ្យសម្រចបានជាព្រះបច្ចេកពុទ្ធ

-បុណ្យ ធ្វើឲ្យសម្រេចបានជាព្រះពុទ្ធ ។

ជីវិតរបស់បុគ្គលដែលមានបុណ្យ គឺជីវិតដែលមាននូវអ្វីៗទាំងអស់ ហើយជាជីវិតដែលពោរពេញទៅដោយសេចក្ដីសុខ មិនមែនដូចពាក្យគេថា មានលុយមានអ្វីៗទាំងអស់អស់នោះ ព្រោះលុយមិនអាចធ្វើឲ្យយើងគេចផុតពីកើត ចាស់ ឈឺ ស្លាប់បានទេ មានតែបុណ្យប៉ុណ្ណោះ ដែលធ្វើឲ្យយើងរួចពផុតពីការកើត ចាស់ ឈឺ ស្លាប់ និងសេចក្ដីទុក្ខទាំងឡាយទាំងពួងបាន ៕

-----------------------------------------

ស្រ.ស.ភ.ឧបមាជីវិត

Cr. គោលគំនិតល្អដើម្បីជីវិត

រូបភាព ហ្វេសប៊ុក