អនុទិនទស្សនជីវិត ១

ត្រូវសម្លឹងមើលជីវិតក្នុងខាងក្នុង ទើបនឹងជួបប្រសប់ជាមួយសេចក្ដីស្ងប់សុខដ៏ពិតប្រាកដ ទោះបីជីវិតខាងក្រៅនឹងសំបូរសេចក្ដីសុខយ៉ាងណា តែបើខាងក្នុងនៅតែមានភាពក្ដៅក្រហាយ ក៏រកស្ងប់សុខមិនបានដែរ ។

     សូមពន្យល់បន្ថែមលើសេចក្ដីនេះបន្តិចចុះថា ជីវិតខាងក្រៅ អាស្រ័យដោយបច្ច័យ ៤ តែជីវិតខាងក្នុង ត្រូវអាស្រ័យធម្មអាហារ-អាហារ គឺធម៌ ។

     ប្រៀបបានដូចជាមនុស្សដែលមានអាហារឆ្ងាញ់ពិសារ មានសម្លៀកបំពាក់ល្អ កន្លែងរស់នៅប្រណីត តែរោគខាងក្នុងកាយកំពុងរុករានទន្រ្ទានបៀតបៀន តើនឹងរកសេចក្ដីសុខឲ្យពេញបរិបូណ៌យ៉ាងណាបាន បើរោគផ្លូវចិត្តអាក្រក់ខ្លាំងជាងរោគផ្លូវកាយនោះទៅទៀត ។