អនុទិនទស្សនជីវិត ១១

មានរឿងជន្លជន្លេញនៅចំពោះមុខ តែខ្លួនអត់ទ្រាំបាន ។ ការអត់ធ្មត់របស់បុគ្គលនោះ លោកហៅថា ប្រសើរ ។ រឿងជន្លជន្លេញនេះមានទាំងគាប់ចិត្ត និងទាំងមិនគាប់ចិត្ត ។ ការអត់ទ្រាំចំពោះរឿងដែលមិនគាប់ចិត្តក៏អាចរាប់ថាល្អណាស់ហើយ តែប្រសិនបើអត់ទ្រាំចំពោះរឿងជាទីគាប់ចិត្តបានទៀតនុ៎ះ កាន់តែប្រសើរឡើងទៀត ព្រោះត្រូវចំណាយកម្លាំងចិត្តខ្ពស់ជាងការអត់ទ្រាំចំពោះភាពបរាជ័យ  សេចក្ដីមិនសមបំណងប្រាថ្នា សូម្បីតែមនុស្សទន់ជ្រាយក៏ល្មមធ្វើបាន ព្រោះតែត្រូវអត់ធ្មត់ ។ ចំណែកការអត់ធន់ចំពោះភាពជោគជ័យ សេចក្ដីសមបំណងប្រាថ្នា ធ្វើចិត្តឲ្យតាំងនៅក្នុងឧបេក្ខាញាណបាននោះ មានតែមនុស្សចិត្តរឹងមាំប៉ុណ្ណោះ ទើបអាចធ្វើបាន ។