អនុទិនទស្សនជីវិត ៩

ល្អឬអាក្រក់អាស្រ័យនៅត្រង់ខ្លួនយើង មិនមែនល្អព្រោះមានគេសរសើរ ឬអាក្រក់ព្រោះមានគេរិះគន់ ស្តីបន្ទោសនោះទេ ។ ត្រង់នេះចូលក្នុងគន្លងផ្លូវរបស់ព្រះពុទ្ធជាម្ចាស់ ទ្រង់ត្រាស់សំដែងថា សុទ្ធិ អសុទ្ធិ បច្ចត្តំ ប្រែថា បរិសុទ្ធ ឬមិនបរិសុទ្ធ អាស្រ័យលើខ្លួនឯង ។

កាលណាកើតមានដូច្នេះ ចូរធ្វើនាទីរបស់ខ្លួនឲ្យល្អបំផុត ពេញបរិបូណ៌បំផុត ហើយគ្រប់យ៉ាងនឹងល្អឡើង មិនចាំបាច់បារម្ភចំពោះពាក្យសរសើរ ឬរិះគន់ពីអ្នកដទៃនោះទេ ។