អនុទិនទស្សនជីវិត ៨

អាវម៉ូដតែមួយ ពេលមហាចោរពាក់ក៏ក្លាយជាមហាចោរ មនុស្សខ្ជិលពាក់ក៏ក្លាយជាមនុស្សខ្ជិល ពេលអ្នកចិត្តបុណ្យពាក់ក៏ក្លាយជាអ្នកចិត្តបុណ្យ មានមនុស្សបូជា ទីកន្លែងក៏ដូចគ្នា មនុស្សអាក្រក់ចូលមករស់នៅអាស្រ័យ ក៏ក្លាយជាទីកន្លែងគួរឲ្យស្អប់ខ្ពើម គួរឲ្យភ័យខ្លាចរអា តែពេលអ្នកចិត្តបុណ្យចូលទៅនៅអាស្រ័យក៏ក្លាយជាបូជនីយដ្ឋានទៅវិញ ។

មនុស្សយើងមានសាច់មានឈាម មានឆ្អឹងឆ្អែងដូចគ្នា អ្នកផងមើលងាយមើលថោក ឬគោរពបូជា គឺស្ថិតនៅត្រង់ចិត្តដែលនៅក្នុងកាយនុ៎ះឯង កាលណាសច្ចភាពបង្ហាញជាក់ច្បាស់យ៉ាងនេះ ចូរសម្រេចចិត្តជ្រើសរើសចុះថា តើខ្លួនគួរសម្រេចចិត្តរើសយកមួយណា?