ឃ្លាជំនួយសតិ (ត)

ចូរញ៉ាំងជីវិតមួយនេះឲ្យប្រព្រឹត្តទៅដោយសេចក្ដីមិនប្រមាទ ។

អនាគតរបស់យើងៗជាអ្នកគូសវាសដោយខ្លួនឯង ត្រូវមានសតិជានិច្ចមុននឹងសម្រេចចិត្តធ្វើអ្វីមួយ ថាថ្ងៃស្អែកនេះវាប្រព្រឹត្តទៅយ៉ាងណា វាអាស្រ័យលើការសម្រេចចិត្តរបស់យើង ។

កាន់តែធ្វើល្អបានច្រើនប៉ុនណា មានសេចក្ដីសុខកាន់តែច្រើនឡើងប៉ុណ្ណោះ ។

បើចេះទម្លាក់ចោលរបស់ខ្លះ ប្រាកដណាស់ពិតជាស្រាលខ្លួន ។

មានសេចក្ដីទុក្ខតិច ព្រោះគ្រប់យ៉ាងធ្វើដោយមានសតិស្មារតីជាប់ជានិច្ច ​ ។

មានបញ្ហាធំត្រូវចេះបំបែកវាឲ្យតូចៗ ចាំដោះស្រាយបញ្ហាតូចនោះបន្តិចម្ដងៗ មិនយូរក៏អស់ ។

បើចេះឲ្យអភ័យបាន ក៏ដេកនៅជាសុខ ។

គេមើលមកយើងក្នុងផ្លូវបែបណាមិនសំខាន់ ប្រសិនបើអំពើនោះត្រឹមត្រូវ មិនបៀតបៀនខ្លួនឯង និងមិនបៀតបៀនអ្នកដទៃ ចូរប្រឹងធ្វើវាចុះ ។

កំហឹង កើតឡើងក្នុងពេលដែលខ្លួនខ្វះសតិ ។

សុខ និងទុក្ខ បន្តិចក៏រលាយបាត់ទៅ គ្មានអ្វីដែលអាចស្ថិតនៅជានិរន្តរ៍ទេ ។

ទុក្ខចាកឆ្ងាយទៅ រួចហើយចិត្តក៏មានក្ដីសុខ ។

ការឲ្យ ជាហេតុនាំសុខមកឲ្យ ។

អ្នកពូកែគ្រប់គ្រង មិនមែនពូកែគ្រប់គ្រងអ្នកដទៃទេ តែពូកែទាំងគ្រប់គ្រងចិត្តខ្លួនឯងបានទៀតផង ។

ក្នុងជីវិតជាក់ស្ដែង មនុស្សគ្រប់គ្នារមែងជួបឥដ្ឋារម្មណ៍ និងអនិដ្ឋារម្មណ៍ ប្ដូរផ្លាស់គ្នាក្លាយជារឿងធម្មតាទៅហើយ ៕