ធ្លាប់ដាក់ចិត្តសង្ស័យទេថា តើហេតុអ្វីយើងមិនមានបានទាំងដែលខ្លួនខិតខំសន្សំស៊ីអត់ស៊ីឃ្លាន
ឬសូម្បីតែប្រាក់ខែកើនរាល់ឆ្នាំ ប៉ុន្តែលុយប្រហែលសល់នៅតែក្នុងបញ្ជីក៏មិនសូវច្រើនតាមប្រាក់ខែសោះ។
តាមពិតទៅគេអ្នកមានមិនបានស្ថិតនៅជាមួយការខិតខំសន្សំឬប្រាក់ខែកើនឡើងតែម្យ៉ាងទេ ប៉ុន្តែស្ថិតនៅជាមួយ
“ប្រព្រឹត្តិកម្មក្នុងការប្រើលុយ” ព្រោះគេអ្នកមានពិតប្រាកដមិនពូកែសន្សំទេ តែពួកគេ “ចេះជ្រើសរើសចាយវាយលុយឲ្យកើតអត្ថប្រយោជន៍ខ្ពស់បំផុត”។ TerraBKK Research នឹងសូមណែនាំ៥
ប្រព្រឹត្តិកម្មក្នុងការចាយវាយលុយ ដែលគេអ្នកមានចាយ។
១) អ្នកមានគេមិនចេះនៅស្ងៀមទេ ប៉ុន្តែគេចេះដាក់ទុនលើខ្លួនឯង៖ ការដាក់ទុនឲ្យស័ក្តិសមបំផុត មិនមែនជាការដាក់ទុនលើទ្រព្យសម្បត្តិមានមូលតម្លៃរយលាន
ពាន់លាន ប៉ុន្តែគឺ “ការដាក់ទុនលើខ្លួនឯង” ដែលអាចចាត់ទុកបានថា ជាទ្រព្យសម្បត្តិដ៏មានតម្លៃសំខាន់បំផុតក្នុងជីវិត។
វ៉រេន បាហ្វហ្វេត នាយកប្រត្តិបត្តិ មានវ័យ ៨៤ឆ្នាំ នៃក្រុមហ៊ុន Berkshire
Hathaway ដែលជាបុគ្គលមួយរូបត្រូវបានគេលើកសរសើរឲ្យស្ថិតនៅលំដាប់លេខរៀងទីមួយក្នុងចំណោមអ្នកវិនិយោគិនដែលមានឥទ្ធិពល
និងទទួលបានភាពជោគជ័យបំផុតរបស់ពិភពលោក បាននិយាយទុកថា ការធ្វើវិនិយោគទុនល្អបំផុត ស័ក្តិសមបំផុត
ហើយបានផលកម្រៃច្រើនបំផុត គឺការធ្វើវិនិយោគទុនលើខ្លួនរបស់អ្នក វាមានន័យថា ការសិក្សាស្វែងរកចំណេះដឹងថ្មីៗ
មកដាក់ក្នុងខ្លួនឯងជានិច្ច មិនថាចំណេះក្នុងសាលារៀន ឬក៏ចំណេះដែលមាននៅជុំវិញពិភពលោក ក្រៅពីសៀវភៅនោះក៏បានដែរ។
“ការធ្វើវិនិយោគលើខ្លួនឯងឲ្យបានច្រើនបំផុតតាមដែលអាចធ្វើទៅបាន
ពីព្រោះខ្លួនអ្នកគឺជាទ្រព្យសម្បត្តិដ៏ធំមហាសាល”
-វ៉រេន បាហ្វហ្វេត-
ប្រភពរូបភាព : thelegacyproject.co.za
អានអត្ថបទបន្ថែមក្នុង : TerraBKK.com - http://terrabkk.com
២) អ្នកមានមិនលង់សប្បាយហ៊ឺហាភ្លេចខ្លួនទៅជាមួយរឿងកំសាន្តទេ ប៉ុន្តែគេចេះគ្រប់គ្រាន់ជាមួយរបស់របរខ្ជីខ្ជា ត្រូវព្រមទទួលថា
គ្រឿងជន្លជន្លេញកិលេសក្នុងលោកបច្ចុប្បន្ននេះមានច្រើនណាស់ មនុស្សសម័យថ្មីច្រើនតែឈ្លក់វង្វេងទៅលើគ្រឿងស្រើបស្រាលទាំងនោះ
ប្រើលុយទៅលើរឿងកំសាន្តច្រើនហួសពេក រត់ដេញតាមលំហូនៃការដាក់បង្ហាញម៉ូដ និងភាពស៊ីវិល័យរបស់បច្ចេកវិជ្ជាដោយគ្មានពាក្យថាគ្រប់គ្រាន់
ក្នុងខណៈពេលដែលអ្នកមានគេចេះប្រើលុយទៅលើការធ្វើវិនិយោគទុន ដើម្បីបង្កបង្កើតឲ្យកើតបានប្រយោជន៍ច្រើនជាជាងចាយលុយខ្ជះខ្ជាយលើគ្រឿងទាំងអស់នេះ។
៣) អ្នកមានពុំបានរើសទិញរបស់ថោក ប៉ុន្តែគេចេះទិញរបស់ដែលមាន
“គុណតម្លៃ”។ បើអ្នកណាចង់មានត្រូវតែទិញរបស់ថោក របស់បញ្ចុះតម្លៃប៉ុណ្ណោះ
បែរជាអ្នកមានគេមិនបានរើសទិញរបស់ថោកធូរថ្លៃទេ ប៉ុន្តែគេទិញរបស់ដែលមានគុណតម្លៃ សមតម្លៃ
ប្រាកដការប្រើការងារបានយូរអង្វែង ថ្លៃមែន តែប្រើការបានល្អជាជាងខាតទាំងពេលវេលា បង់ទាំងលុយកាក់
បានរបស់របរថ្មីយកមកប្រើការមិនកើតទៅវិញនោះទេ។
៤) អ្នកមានមិនធ្លាប់ពេញចិត្តជាមួយផលចំណេញដដែលៗ ប៉ុន្តែគេនឹងសម្លឹងរកមើលផ្លូវដែលឲ្យមានបានបន្ថែមឡើង ទោះបីជាលំហូសាច់ប្រាក់សុតមិនជាប់គាំង
និងមានចំណូលដដែលជារឿយៗមកក៏ដោយ។ ប៉ុន្តែកុំភ្លេចថាអតិផរណាខាំស៊ីលុយកាក់របស់អ្នកបន្តិចម្តងៗរហូតសល់នៅតែដុំតូចចុះរឿយៗ
កុំសង្ងំដេកស្លាប់ចិត្តជាមួយចំណូលដែលគាំងទ្រឹង ព្រោះថាអ្នកមាននឹងព្យាយាមរកឱកាស និងរកច្រកចេញថ្មីៗដើម្បីបន្ថែមប្រាក់ចំណូលបានគ្រប់ពេលវេលា។
៥) អ្នកមានមិនធ្វើការដើម្បីតែលុយទេ ប៉ុន្តែគេឲ្យលុយធ្វើការងារជំនួសវិញ អ្នកមានភាគច្រើន ច្រើនតែធ្វើការងារដើម្បីរកលុយ ផ្ទុយពីអ្នកមានដែលឲ្យលុយធ្វើការជំនួសខ្លួនគេវិញ
នោះគឺការនាំយកលុយទៅធ្វើវិនិយោគ ឬស្ថាបនាឲ្យមានផលប្រយោជន៍អ្វីម្យ៉ាង ដើម្បីឲ្យផលចំណេញតបស្នងត្រឡប់មកវិញ
ជាលំហូសាច់ប្រាក់សុត ហើយការឲ្យលុយធ្វើការជំនួស ឬការដាក់វិនិយោគទុនដែលជាទីពេញនិយមនោះ។
ឧទាហរណ៍ដូចជា ការធ្វើវិនិយោគទុនលើភាគហ៊ុនមួយ ក្រុមអ្នកមានទុន ការធ្វើវិនិយោគទុនទៅលើអចលនទ្រព្យ
ឬការដាក់ទុនលើជំនូញមាសជាដើម។
“បើអ្នកមិនទាន់រកឃើញពីវិធីបង្កើតលុយបានក្នុងខណៈដេកលក់ទេ អ្នកត្រូវធ្វើការងាររហូតទៅដល់ថ្ងៃស្លាប់”
-វ៉រេន ប័ហ្វហ្វេត-
ប្រភពរូបភាព : iphoneincanada.ca
ចាប់ផ្តើមផ្លាស់ប្តូរប្រព្រឹត្តិកម្មការចាយវាយលុយ
និងជៀសវាងចំណុចខុសឆ្គងទាំងនេះ ដោយកត់ចំណាំទុកថា យើងមិនអាចមានបានក្នុងមួយប៉ប្រិចភ្នែកបានទេ
ប៉ុន្តែត្រូវអាស្រ័យលើភាពអត់ធ្មត់ដើម្បីចេះរៀនសូត្រ កែលម្អ ដោះស្រាយកំហុសឆ្គងរបស់ខ្លួន
ដើម្បីភាពជោគជ័យក្នុងរយៈពេលវែង។-ថេរ៉ា ប៊ីខេខេ
............................
ប្រែ.ចាន់
No comments:
Post a Comment