រៀនធ្វើចិត្តនឹងន…រួចនឹងជួបនូវគន្លឹះដោះស្រាយ

នាវាដែលចេញដំណើរទៅកាន់មហាសមុទ្រ

ពេលត្រូវខ្យល់ព្យុះបក់បោកមកត្រូវ

គេនឹងសំចតនាវា រង់ចាំឲ្យខ្យល់ស្ងប់សិន

គេទើបនឹងចេញដំណើរនាវាបន្តទៅយ៉ាងណា

ដូចគ្នានេះដែរ នៅពេលណាដែលយើង

ជួបបញ្ហាឧបសគ្គផ្សេងៗបុកសម្រុកចូលមក

យើងត្រូវយកចិត្តទុកលើទីតាំងដែលមាំមួន ធ្វើចិត្តឲ្យនឹងន

ក៏អាចកែប្រែបញ្ហាផ្សេងៗទៅបានដោយរលូនដូចនោះដែរ។

ពេលយើងធ្វើការងារ ពេលយើងសម្រុកទៅខាងមុខ អាចនឹងជួបជាមួយឧបសគ្គផ្សេងៗ ដូចជា ការមិនយល់ចិត្តរបស់មិត្តភក្តិរួមអាជីពការងារ ពាក្យសម្តីរបស់បុគ្គលិកខ្លះ ការមិនសុខចិត្តរបស់ស្ថាប័ន ឧបករណ៍ ។ល។ ដែលអាចជាមូលហេតុធ្វើឲ្យយើងប៉ះទង្គិចផ្លូវចិត្តារម្មណ៍ខ្លះៗ។

ពេលជួបព្យុះបញ្ហានៃការធ្វើការងារធ្ងន់ធ្ងូររបៀបនេះ យើងមិនអាចនឹងសម្រុកបើនាវាទៅខាងមុខបានឡើយ ឲ្យរកទីសុវត្ថិភាពដែលអាចត្រូវសំចតសម្រាកបាន គឺត្រង់ផ្ចិតនៃកាយទីតាំងទី៧ នេះឯង។ ពេលសម្រុកទៅខាងមុខមិនបាន ឲ្យយកចិត្តរបស់យើងទុកត្រង់ផ្ចិតនៃកាយនោះចុះ៕

 

ប្រភព៖ គ្រូតូច

ប្រែ.ចាន់