តើធ្លាប់អានរឿងរ៉ាវបែបនេះពីមុនខ្លះទេ?

ក្មេងកម្លោះម្នាក់មានអាយុ២៤ឆ្នាំចោលកន្ទុយភ្នែកមើលទៅឯមាត់បង្អួចរថភ្លើង និងស្រែកថា

“ពុក មើលនេះ ដើមឈើវាកំពុងរត់ទៅក្រោយ វារត់លឿនខ្លាំងណាស់ពុក!”

បុរសជាឪពុកបានតែសម្លឹងមើលគេដោយកែវភ្នែកពោរពេញទៅដោយសេចក្ដីសុខ និងស្នាមញញឹម។

មានស្វាមីភរិយាមួយគូដែលអង្គុយជិត សម្លឹងមើលប្រុសកម្លោះ ដែលមានអាយុ២៤ឆ្នាំម្នាក់នេះ និងគិតក្នុងចិត្តថា

អីគេនេះ ធំប៉ុនណាប៉ុនណីហើយ នៅធ្វើខ្លួនដូចជាកូនក្មេង សង្ស័យថាមានបញ្ហារោគចិត្តហើយមើល៍ទៅ។ ឪពុកកម្លោះនោះធ្វើជាមិនចាប់អារម្មណ៍ពួកគេឡើយ

រំពេចនោះ ប្រុសកម្លោះក៏ឧទានឡើងឮសម្លេងខ្លាំងៗម្តងទៀត

“ពុក មើលនុ៎ះ ដុំពពួកកំពុងរត់មកជាមួយពួកយើងដែរ”

ស្វាមីភរិយាមួយគូអត់ទ្រាំមិនបាន ទើបនិយាយជាមួយបុរសជាឪពុកថា

“តើហេតុបានជាអ្នកមិននាំកូនប្រុសទៅរកពេទ្យល្អ ដូចជាពេទ្យរោគចិត្ត វាប្រសើរជាជាង?”

បុរសជាឪពុកញញឹម និងឆ្លើយថា “ខ្ញុំទើបតែចេញពីទេព្យមកទេ”

យើងទើបនាំគ្នាមកពីជួបដុកទ័រទេ ប៉ុន្តែមិនមែនពេទ្យរោគចិត្តទេ

យើងទើបនាំគ្នាចេញពីមន្ទីរពេទ្យមកទេ

កូនប្រុសខ្ញុំពិការភ្នែកតាំងពីកំណើតមកម្ល៉េះ

គេទើបបានមើលឃើញអ្វីៗជាលើកដំបូង

ប្រព្រឹត្តិកម្មរបស់គេអាចមើលដូចមនុស្សឡប់ៗសម្រាប់ពួកអ្នក ប៉ុន្តែវាគឺជាបដិហារ្យដ៏អស្ចារ្យសម្រាប់ខ្ញុំ”

ស្វាមីភរិយានោះអង្គុយទ្រឹង មាត់ដូចគេញ៉ុក

មានភ្នែករលីងរលោង និងមានអារម្មណ៍ខ្មាសអៀនយ៉ាងខ្លាំង។

-------------------------

មនុស្សគ្រប់គ្នារស់នៅលើលោកមួយនេះ ម្នាក់ៗសុទ្ធតែមានរឿងរ៉ាវរបស់ខ្លួន។

កុំសម្រេចអារកាត់អ្នកដទៃលឿនពេក កុំបន្ទាន់ឆាប់សរុបរឿងដែលអ្នកមិនទាន់ដឹងច្បាស់ក្នុងរឿងដែលបានកើតផ្ទាល់ខ្លួនរបស់ពួកគេ។

អ្នកគ្មានផ្លូវបានដឹងទេថា តើគេមានប្រវត្តិមកយ៉ាងម៉េច ឬគេត្រូវប្រឈមមុខជាមួយអ្វីខ្លះមកទេ?

នៅពេលសច្ចភាពរឿងរ៉ាវអាថ៌កំបាំងរបស់គេត្រូវបានបើកបង្ហាញ អ្នកអាចនឹងចម្លែកចិត្តជាក់ជាមិនខានឡើយ។

សូមចិត្តមេត្តាធ្វើខ្លួនឲ្យសប្បាយៗជាមួយអ្នកដទៃ(ចង់មានន័យថាគឺ កុំគិតអាក្រក់ កុំបង្ករឿង) ទោះបីជាអ្នកមានជីវិតដ៏សម្បូណ៌បែបក៏ដោយ។

សូមចិត្តមេត្តាជួយគ្នាសាងតែអំពើល្អចូលទៅក្នុងសង្គមយើងទាំងអស់គ្នា។

រឿងនេះស្រង់ចេញពី for word mail  និងចុងក្រោយបង្អស់ជាវិញ្ញាសាប្រឡងមួយ TU STAR ឆ្នាំនេះ។