ប្រសិនបើយើងដឹងខ្លួនថា ស្ទាត់ជំនាញក្នុងរឿងអ្វីមួយ ហើយយើងក៏គួរនឹងធ្វើរឿងនោះ
ដើម្បីបានជាប្រយោជន៍ និងនាំយកសមត្ថភាពរបស់យើងចេញមកប្រើការឲ្យបានច្រើនបំផុត ចំពោះស្ថាប័ន ឬអង្គភាពនោះៗ
ហើយមានសេចក្ដីសុខនៅត្រង់នោះដែលយើងបានធ្វើវា។
កូនអូដ្ឋៈ កួនចង់សួរនូវសំនួរខ្លះៗបានទេ? ម៉ែ
មេអូដ្ឋៈ ពិតជាបានណ៎ា! តើកូនម៉ែមានអ្វីមករំខានកូនឬ?
កូនអូដ្ឋៈ តើហេតុអ្វីបានជាយើងមានដុំពក?
មេអូដ្ឋៈ ច៎ាកូន! ពួកយើងគឺជាសត្វដែលត្រូវនៅក្នុងសមុទ្រខ្សាច់
ពួកយើងត្រូវមានដុំពករក្សាទុកទឹក ហើយពួកយើងគឺជាសត្វដែលមនុស្សគ្រប់គ្នាដឹងថា យើងអាចរស់ដោយគ្មានទឹកបាន។
កូនអូដ្ឋៈ បាទម៉ែ ចុះហេតុអ្វីជើងពួកយើងវែង និងមានជើងរៀងមូល?
មេអូដ្ឋៈ ច៎ាកូន វាច្បាស់ណាស់ហើយថា ពួកយើងមានជើងវែងនិងរៀងមូលសម្រាប់ដើរក្នុងសមុទ្រខ្សាច់បានល្អជាងគេ។
កូនអូដ្ឋៈ បាទម៉ែ ចុះហេតុអីបានជារោមភ្នែកយើងវែងម្ល៉េះ? ពេលខ្លះវារំខានដល់ការមើលរបស់កូនផងណា។
មេអូដ្ឋៈ ច៎ាកូនម៉ែ! រោមភ្នែកវែងៗ ទាំងនោះណ៎ា គឺជាគ្រឿងការពារភ្នែករបស់យើង
ពួកវាជួយការពារបិទបាំងផង់ធូលីខ្សាច់ និងខ្យល់បាន......
កូនអូដ្ឋៈ បាទម៉ែ! កូនដឹងហើយថា មានដុំពកសម្រាប់ផ្ទុករក្សាទឹក
នៅពេលពួកយើងនៅកណ្តាលសមុទ្រខ្សាច់ មានជើងសម្រាប់ដើរឆ្លងកាត់សមុទ្រខ្សាច់ និងមានរោមភ្នែកវែងទាំងអស់នេះសម្រាប់ការពារដីធូលីពីសមុទ្រខ្សាច់។
កូនអូដ្ឋៈ ម៉ែ! ចុះពួកយើងមកនៅក្នុងសួនសត្វនេះធ្វើអ្វី?!
មេអូដ្ឋៈ ???
ការណ៍ដែលយើងមានសក្តានុពល សមត្ថភាព ភាពពូកែក្នុងផ្នែកណាហើយ
បើយើងនៅខុសកន្លែង ក៏មិនបានសម្តែងសក្តានុពលនោះៗចេញបានឡើយ ប៉ុន្តែបើត្រូវនៅខុសកន្លែងពិតមែននោះ
ក៏គួររកឱកាសសម្តែងចេញនូវសមត្ថភាពទាំងអស់នោះ។ ឥឡូវនេះវេទិការបើកឱកាសឲ្យយើងមានច្រើនឡើង។
សូមត្រឹមតែអត់ទ្រាំធ្វើក្នុងរឿងដែលល្អ និងរង់ចាំពេលវេលាដ៏ស័ក្តិសមដែលយើងនឹងសម្តែងបង្ហាញអំពីសមត្ថភាពរបស់យើងឲ្យកើតជាប្រយោជន៍បានច្រើនបំផុត។
ហើយបើប្រៀបធៀបជាមួយទ្រឹស្តីព្រះពុទ្ធសាសនាវិញ
ព្រះពុទ្ធបានសម្តែងអំពីបដិរូបទេស៤យ៉ាងគឺ
១) មានអាវាស(ទីនៅ)ជាទីសប្បាយ
២) មានអាហារជាទីសប្បាយ
៣) មានបុគ្គលជាទីសប្បាយ
៤) មានព្រះធម៌ជាទីសប្បាយ
ដូច្នោះ នៅពេលយើងដឹងពីសក្តានុពលរបស់យើងពិតប្រាកដហើយ
នឹងអាចជ្រើសរើសវាទាំងអស់នោះតាមលំអានបដិរូបទេស៤ប្រការ បានយ៉ាងសមរម្យ។ ជីវិតរបស់យើងក៏នឹងមានសេចក្ដីសុខច្រើនឡើង។
(មើលពីជ្រុងម្ខាងទៀតគឺសួនសត្វជារឿងចាំបាច់ណាស់ចំពោះការសិក្សាជីវិតសត្វនិងថែមទាំងជាកន្លែងសម្រាកលំហែកាយចិត្ត
ប៉ុន្តែត្រូវចាត់ចែងឲ្យបានល្អ សមស្របជាមួយជីវិតរបស់សត្វផងដែរ។ ប្រសិនបើមានសួនសត្វបើក
ឬជាដែនអភិរ័ក្សពូជសត្វហើយ ឲ្យយើងពួនសង្កេតមើលដោយមិនធ្វើបាបវា វាក៏គួរជាដំណោះស្រាយដ៏ល្អទាំងចំពោះសត្វ
និងមនុស្សផងដែរ)៕
សូមអរគុណអ្នកនូវមេរៀនល្អពី http://www.cmadong.com
No comments:
Post a Comment