៥រឿងត្រូវហាម...ពេល “លួងលោមចិត្ត”

អ្នកអាចមិនដឹងឡើយថា ពេលមានមនុស្សជិតស្និតខ្លួនយើង ខូចចិត្ត ឬត្រូវប្រឈមមុខជាមួយនឹងបញ្ហា។ វិធីសាស្ត្រដែលយើង ត្រូវទៅលួងលោមគេនោះ អាចធ្វើឲ្យស្ថានការណ៍មានការពិបាកជាងមុន ទាំងដែលយើងគ្មានចេតនាណាមួយចង់ឲ្យកើតឡើង សូម្បីតែបន្តិច។ គោលគំនិតល្អដើម្បីជីវិត សូមលើកយកទិចនិក ដែលជួយដល់អ្នកលួងលោមចិត្តដ៏ល្អបំផុត និងមិនឲ្យធ្វើ ៥រឿងត្រូវហាម... ពេលលួងលោមចិត្តមនុស្ស ដូចខាងក្រោម៖

១) ហាមនិយាយ៖  “កុំគិតច្រើនពេក”

ស្ថានការណ៍ឧទាហរណ៍ៈ ពេលផ្ទះមិត្តអ្នកត្រូវគេរើបអួស

A : “ចេះចុះ...អ្នកកុំទៅគិតច្រើនឡើយ”

B : “មិនគិតច្រើនម៉េចទៅ អ្នកមិនបានជួបបញ្ហាដូចជាខ្ញុំនេះទេ”

គួរធ្វើៈ ឲ្យកម្លាំងចិត្ត

ក្នុងពេលដែលមនុស្សជិតស្និតរបស់យើងកំពុងខូចចិត្ត ព្យាយាមលួងលោមចិត្តដោយពាក្យថា “កុំ”  ហាក់ដូចជាមានអារម្មណ៍ ដូចត្រូវគេកំពុងមកបង្គាប់បញ្ជា ឬបញ្ជាច្រើនជាងការលួងលោមចិត្ត។ ដូចនោះ បើសិនជួបស្ថានការណ៍បែបនេះ គួរផ្ដល់កម្លាំងចិត្ត និងសាកល្បងរកសកម្មភាពថ្មីៗធ្វើវិញម្ដង គួរនាំពួកគេគេចចេញពីសេចក្ដីទុក្ខបាន ដូចជា ធ្វើសកម្មភាពផ្សេងៗ ធ្វើបុណ្យដាក់បាត្រ  ទៅដាំកូនឈើ ធ្វើអាហារលៀងក្មេងៗកំព្រា។ល។...

 ២) ហាមនិយាយ៖ អ្នកខុសខ្លួនឯង

ស្ថានការណ៍ឧទាហរណ៍ៈ ពេលមិត្តរបស់អ្នកខូចចិត្ត

A : “អ្នកទៅក្បត់ចិត្តគេមុនធ្វើអីទៅ... ម្លោះហើយត្រូវគេបោះចោល ទាល់តែមកអង្គុយទួញយំនៅបែបនេះ”

B : “នោះអ្នកព្រមធ្វើជាមិត្តខ្ញុំអត់ហ្នឹង?”

គួរធ្វើៈ ប្រាប់រឿងដែលគួរធ្វើ

ការស្វែងរកកំហុស ឬនាំយកកំហុសរបស់គេមកនិយាយចាក់ចំណុចរសើបរបស់គេម្ដងហើយម្ដងទៀត មិនអាចជួយអ្វីគេបានឡើយ ព្រោះភាគច្រើន មនុស្សដែលធ្វើខុស ច្រើនតែដឹងកំហុសរបស់ខ្លួនឯងច្បាស់ស្រាប់ហើយ រឿងដែលគួរធ្វើគឺ ប្រាប់រឿងដែលត្រូវ ឲ្យគេស្តាប់ជំនួស ដូចជា ប្រាប់ដល់គេថា “ការស្មោះត្រង់ និងភតក្ដីភាព អាចធ្វើឲ្យអ្នកមានសេ្នហាដ៏សែនវិសេសក៏ថាបានណ៎ា”។

៣) ហាមនិយាយ ៖ ខ្ញុំក៏ដូចគ្នា

ស្ថានការណ៍ឧទាហរណ៍ៈ សត្វចិញ្ចឹមដ៏សែនសំណព្វចិត្តរបស់មិត្តអ្នក ទើបតែងាប់ទៅ និងគេមកបន្ធូរអារម្មណ៍ជាមួយអ្នកថា...

A :  “ហ៊ឺ ហ៊ឺ! ឆ្កែរបស់ខ្ញុំទើបតែងាប់ទៅពីម្សិលមិញនេះឯង”

B : “មួយខែមុននេះ ឆ្កែរបស់យើងក៏ទើបតែងាប់ទៅដែរ ដោយរថយន្តកិនស្លាប់ទៅដូចគ្នា វាគួរឲ្យអាណិតណាស់ វាជាឆ្កែសំណព្វចិត្តរបស់ខ្ញុំផង”។

គួរធ្វើ ស្ដាប់ឲ្យបានច្រើនជាងនិយាយ

ការលួងលោមដ៏ល្អបំផុតគឺ ការទទួលស្ដាប់ក្នុងរឿងដែលគេនិយាយ ព្រោះពេលខ្លះ មនុស្សដែលកំពុងសោកសៅខូចចិត្ត មិនចង់បានវិធីដោះស្រាយបញ្ហាអ្វីទាំងអស់ គ្រាន់តែត្រូវការមនុស្សដែលមកទទួលស្ដាប់ និងនៅក្បែរគេប៉ុណ្ណោះ។

៤) ហាមនិយាយ៖ ហេតុអ្វី- ហេតុអ្វី- ហេតុអ្វី?

ស្ថានការណ៍ឧទាហរណ៍ៈ ពេលមិត្តនិយាយអំពីបញ្ហាជីវិតឲ្យអ្នកស្ដាប់

A :  “ស្ត្រេសខ្លាំងណាស់  ខ្ញុំត្រូវមិត្តកន្លែងធ្វើការងាររើសអើង មិនមានអ្នកណាព្រមនិយាយជាមួយខ្ញុំឡើយ”

B :  “ហេតុអ្វីអ្នកមិនចូលទៅនិយាយជាមួយគេមុនទៅ គេអាចព្រមនិយាយជាមួយអ្នកក៏ថាបានណ៎ា...”

គួរធ្វើៈ មានអារម្មណ៍យ៉ាងម៉េចដែរ?

រាល់ពេលដែលលួងលោម ព្យាយាមចៀសវាង កុំប្រើសំនួរ ដែលចាប់ផ្ដើមដោយពាក្យថា “ហេតុអ្វី” ព្រោះអាចធ្វើឲ្យអ្នក ស្ដាប់មានអារម្មណ៍ ដូចត្រូវគេនិន្ទារិះគន់បន្ទរ តែឲ្យសួរថា មានអារម្មណ៍យ៉ាងម៉េចដែរ ជាមួយហេតុការណ៍នោះ” ដើម្បីឲ្យអ្នកដែលកំពុងសោកសៅបានធូរអារម្មណ៍តានតឹងចិត្ត និងបានរំលឹកដាស់តឿនចិត្តខ្លួនឯងឡើងវិញ។

៥) ហាមនិយាយ៖ លួងលោមហើយ ត្រូវធូរស្រាលវិញ (ប៉ុណ្ណោះ)

ស្ថានការណ៍ឧទាហរណ៍ៈ ក្រោយពីការលួងលោមមកបីថ្ងៃ

A : “ហ៊ឺ- អ-អ-អ-អ-អ ហេតុអ្វីគេថ្នាក់ហ៊ានធ្វើដាក់ខ្ញុំយ៉ាងនេះ...

B :  “កម្មពៀរ! លួងលោមមកបីថ្ងៃហើយ នៅមិនទាន់បាត់កើតទុក្ខទៀត... ចុះអារឿងដែលខ្ញុំបានណែនាំអ្នកនុ៎ះ បានស្តាប់ខ្លះទេ?”

គួរធ្វើៈ លួងលោមហើយ ដាក់ចុះ

កុំសង្ឃឹមផលនៃការលួងលោមចិត្តហួសហេតុពេកថា នឹងធ្វើឲ្យមនុស្សជិតស្និតរបស់យើង បានបាត់ពីអាការៈសោកសៅបានភ្លាមទាន់ ចិត្តខ្លួននោះអី ចួនកាលមនុស្សយើង ត្រូវការប្រើពេលក្នុងការដាស់សតិខ្លួន និងត្រូវរង់ចាំឲ្យគំនិតគិតចេញដោយខ្លួនឯង  ទោះបីជា ការឆ្លងកាត់ពេលវេលានៃការឈឺចាប់នោះក៏ដោយ។

សម្រាប់អ្នកលួងលោមចិត្តនោះ មានតួនាទីត្រឹមតែជួយឈឺឆ្អាលគេតាមដែលខ្លួនជួយបាន បើមិនបានសម្រេចទេ គួរទម្លាក់ចោល មុនវានឹងក្លាយជាសមាជិកដែលអាស្រ័យសំយ៉ាបដំបូល “សាលាវិបត្តិស្នេហ៍” ទៅម្នាក់ទៀត។ គ្រាន់តែមិនធ្វើរឿងទាំង៥ ប្រការនេះ “សមាជិកសាលាវិបត្តិស្នេហ៍” ក៏រួចរបូតចេញទៅបានម្នាក់ទៀត។