ទោះបីអ្នកគឺជាមនុស្សល្អយ៉ាងណាក៏ដោយ ក៏ពុំមែនមានន័យថា
មនុស្សគ្រប់រូប សុទ្ធតែស្រលាញ់ចូលចិត្តអ្នកទាំងអស់ដែរ
វាតែងតែចៀសមិនរួច
គេចមិនផុតពី មានអ្នកស្រលាញ់ មានអ្នកចូលចិត្ត មានអ្នកចាំគិតនិន្ទាឈ្នានីស
មានអ្នកចាំជិះជាន់ពន្លិចអ្នកផងដែរ។
ចូរចាំរឿងយើងដែលចេញពីមាត់អ្នកដទៃ មិនមានអ្វីដែលជាខ្លួនយើងទេ
មនុស្សយើងមានភ្នែកមួយគូដូចគ្នា តែមើលមិនឃើញដូចគ្នា
មានមាត់ដូចគ្នា តែសម្តីខុសគ្នា
មានចិត្តសម្រាប់គិតដូចគ្នា តែមានគំនិតមិនស្របគ្នា មានលុយដូចគ្នា
តែចាយមិនដូចគ្នា
មនុស្សដូចគ្នា តែវិធីប្រើប្រាស់ជីវិត នៃការរស់នៅប្រចាំថ្ងៃមិនដូចគ្នាទេ។
បើអ្នកគិតថា វាជាសេចក្តីសុខ ចូរស្វែងរក និងពុះពារយកវាឲ្យបាន
បើអ្នកគិតថា វាគ្រប់គ្រាន់ សក្តិសមសម្រាប់អ្នកហើយ ក៏គួរតែថែរក្សារឲ្យគង់
បើអ្នកគិតថា វាគឺជាវាសនា ត្រូវចេះទទួលយកដោយស្ងប់ចិត្ត។
គ្មានអ្នកណាអាចចៀសវាងរួចផុតពីការសង្ស័យរបស់អ្នកដទៃ
គ្មានរឿងណាដែលបែកធ្លាយ ដែលគ្មានការលើកយកមកវិភាគវែកញ៉ែក
កុំឆាប់ទោរទន់តាមសម្តី កុំឆាប់គិតកាត់ន័យទៅក្នុងរឿងអា្រកក់ ធ្វើអ្វីដែលជាខ្លួនឯង
លើគោលជំហរខ្លួនឯង មិននាំទោសដាក់ខ្លួនឯង
កុំឲ្យគេក្តៅក្រហាយ
កុំធ្វើហើយ នាំឲ្យមានការសោកស្តាយ និងខ្មាស់ខ្លួនឯង
ទឹកនៅតែជាទឹក ទោះបីនាចឬជោរក្តី៕
No comments:
Post a Comment