១៥វិធីជួយឲ្យកូនមានមោទនភាពចំពោះខ្លួនឯង

តើលោកឪពុកអ្នកម្ដាយគ្រប់រូបធ្លាប់ធ្វើឲ្យកូនៗរបស់ខ្លួនមានមោទនភាពចំពោះខ្លួនឯងទេ? បើនៅ គោលគំនិតល្អដើម្បីជីវិត សូមណែនាំវិធីទាំង១៥ចំនុច ដែលអាចជួយពង្រឹងពង្រីកចំណេះដឹងដល់ឪពុកអ្នកម្ដាយឲ្យបានឈ្វេងយល់ មុនឈានទៅដល់ការអនុវត្តឲ្យកូនៗជាទីស្រឡាញ់របស់ខ្លួនមានមោទនភាពចំពោះឪពុកម្ដាយ ក៏ដូចជាខ្លួនកូនៗផ្ទាល់ផងដែរ។ វិធីទាំង១៥ មានការសរសេររៀបរាប់ដូចខាងក្រោម៖

១) ហ្វឹកហាត់កូនឲ្យធ្វើសកម្មភាពផ្សេងៗដែលត្រូវធ្វើក្នុងជីវិតជាប្រចាំថ្ងៃ ដូចជាដាក់ឡេវអាវដោយខ្លួនឯង សៀកពាក់ដោយខ្លួនឯង ដុសធ្មេញ កក់សក់ឲ្យកើតដោយខ្លួនឯង។

២) លើកទឹកចិត្តដល់កូន ពេលណាកូនត្រូវជួបជាមួយរឿងដ៏លំបាក។

៣) មិនត្រូវចូលទៅជួយ ឬធ្វើឲ្យកូនគ្រប់យ៉ាងនោះទេ។

៤) ស្តាប់រឿងដែលកូននិយាយប្រាប់ដោយយកចិត្តទុកដាក់ខ្ពស់។

៥) មិនអារកាត់ពីរឿងដែលកូននិយាយប្រាប់។

៦) ទុកតួនាទីដល់កូនជាអ្នកធ្វើដោយខ្លួនឯង។

៧) គោរពការសម្រេចចិត្តរបស់កូនប្រកបដោយហេតុផល។

៨) សង្កេតមើលថាកូនស្ទាត់ជំនាញរឿងណា រួចហើយជួយទាញយកគុណសម្បត្តិដែលកប់ក្នុងនោះចេញមក។

៩) ហ្វឹកហាត់ឲ្យកូនឲ្យចេះទទួលកំហុសឆ្គង ហើយប្រាប់ដល់កូនឲ្យយល់ថា មនុស្សគ្រប់គ្នាក៏អាចធ្វើខុសដូចគ្នា។

១០) បើគេមានប្អូន ប្រគល់តួនាទីឲ្យគេជាអ្នកជួយមើលប្អូន។

១១) លើកសរសើរដល់សេចក្ដីព្យាយាមរបស់កូន។

១២) មុនដែលកូននឹងមានមោទនភាពចំពោះខ្លួនឯង យើងជាឪពុកម្ដាយត្រូវមានមោទនភាពចំពោះខ្លួនឯងសិន ជាគំរូដល់កូនមើល។

១៣) បង្រៀនកូនឲ្យចេះធ្វើរឿងថ្មីៗ ដែលកំពុងមាន។

១៤) មិនប្រៀបធៀបកូនជាមួយនឹងបងប្អូន ឬក្មេងដទៃឡើយ។

១៥) លេងសើចជាមួយគ្នា និងប្រើពេលវេលារួមគ្នាឲ្យបានច្រើន៕