៧ វិធី ឈប់ពីការមើលលោកនេះក្នុងផ្លូវអវិជ្ជមាន

៧ វិធី ឈប់ពីការមើលលោកនេះក្នុងផ្លូវអវិជ្ជមាន

ដោយសារតែមានការសិក្សាស្រាវជ្រាវរកឃើញថា ការសម្លឹងមើលលោកនេះក្នុងផ្លូវអវិជ្ជមាន ឬពេលមនុស្សយើងមានចេតនានឹកដល់រឿងរ៉ាវ និងជាមនុស្សចូលចិត្តប្រើអារម្មណ៍ យកអារម្មណ៍ខ្លួនជាធំ ពូកែក្រេវក្រោធ ឬយំខ្សឹកខ្សួលអួនអាក់ជារឿយៗ ខួរក្បាលចំណែកស៊ីរីបរាំ និងស៊ីរីបែលឡាំ រួមទាំងខួរក្បាលផ្នែកខាងឆ្វេង (ដែលមានទំនាក់ទំនងដល់ការចងចាំ និងការគិតវិភាគ) នឹងធ្លាក់ខ្សោយចុះ។ ផ្ទុយមកវិញ ពេលមនុស្សយើងមានចេតនានឹកដល់រឿងរ៉ាវល្អ សេចក្ដីសុខ សេចក្ដីរីករាយសប្បាយ និងជាមនុស្សមានអារម្មណ៍ល្អ ត្រជាក់ចិត្ត ម៉ត់ចត់ ខួរក្បាលទាំងបីថតនោះក៏មានកម្លាំងឡើង ។

លោកវិជ្ជបណ្ឌិត ដេនៀល ជី.អេមែន អ្នកនិពន្ធសៀវភៅ ដែលមានចំណងជើងថា ការបង្កើតឱ្យមានខួរក្បាលល្អ (Making a Good Brain Great) ទើបមានវិធីកែសម្រួលអកម៉ូនដែលមានផលវិជ្ជមានចំពោះអារម្មណ៍ក្នុងខួរក្បាល រួមទាំងវិធីគិតរបស់ខួរក្បាល ដើម្បីបន្ថែមប្រសិទ្ធភាពការធ្វើការងាររបស់ខួរក្បាល ដែលគោលគំនិតល្អដើម្បីជីវិត បានកំពុងស្វែងរកសរសេរយកមកចុះផ្សាយក្នុងគេហទំព័ររបស់ខ្លួន ដើម្បីជាប្រយោជន៍ដល់ប្រិយមិត្តអ្នកអាន ដែលជាអ្នកចូលចិត្តមើលលោកនេះ ក្នុងផ្លូវអាក្រក់ចំពោះជីវិត និងមើលឃើញរឿងរ៉ាវក្នុងជីវិតដែលខ្លួនចូលចិត្តគិតថា ខ្លួនមិនដូចអ្នកដទៃ ខ្លួនមិនមានដូចអ្នកដទៃ អ្នកដទៃគេល្អជាងខ្លួន។ល។

១) កុំលង់ជឿការគិតមួយវឹបដំបូងរបស់ខ្លួន

កាលបើរូប រស ក្លិន សំឡេង និងសម្ផស្សដំបូង បញ្ជូនទិន្នន័យមកដល់ខួរក្បាលហើយខួរក្បាលនឹងតភ្ជាប់ពត៌មានទាំងអស់នេះ បញ្ចូលជាមួយបទពិសោធដើមដែលធ្លាប់កើតមានឡើង ហើយយើងទើបដឹងពីស្ថានការណ៍ ឬរឿងរ៉ាវចំពោះមុខច្រើន ឬតិចបាន សុទ្ធតែអាចមានភាពយល់ច្រឡំបានទាំងអស់ ។ លោកវិជ្ជបណ្ឌិត អេមែន បានថ្លែងថា មធ្យោបាយដ៏ល្អបំផុត យើងគួរសាកសួររកហេតុផលនៃស្ថានការណ៍ ឬរឿងរ៉ាវដែលទើបនឹងកើតឡើងថ្មីថ្មោង ដើម្បីកត់ត្រាទុកជាទិន្នន័យក្នុងហេតុផលដ៏ត្រឹមត្រូវ ច្រើនជាងអារម្មណ៍ ទទួលដឹងឮក្នុងផ្លូវអវិជ្ជមាន។

២) ជឿថា គំនិតរបស់យើងមានកម្លាំងពិសេស

ពេលយើងគិតម្ដងៗ ខួរក្បាលនឹងបញ្ចេញសារធាតុគីមីម្យ៉ាងចេញមក ក្នុងជំពួកខ្លះក្នុងសៀវភៅ Making a Good Brain Great  បានសរសេរលើកឡើងថា បើសិនគិតក្នុងផ្លូវវិជ្ជមានជារឿងមានក្ដីសុខ ជាក្ដីសង្ឃឹម ខួរក្បាលក៏នឹងបញ្ចេញសារៈធាតុគីមី ដែលធ្វើឱ្យយើងមានអារម្មណ៍ល្អប្រសើរ និងប្រព័ន្ធធ្វើការងាររបស់ខួរក្បាល ក៏នឹងមានប្រសិទ្ធភាព ផ្ទុយទៅវិញ បើសិនគិតក្នុងផ្លូវអវិជ្ជមានជារឿងខុសបំណង ខកចិត្ត អស់សង្ឃឹម សោកសៅខូចចិត្ត ខួរក្បាលនឹងបញ្ចេញសារៈធាតុគីមី ដែលធ្វើឱ្យអារម្មណ៍យើងដុនដាប យ៉ាប់យ៉ឺន និងប្រព័ន្ធធ្វើការងាររបស់ខួរក្បាល ក៏មានសភាពរខេករខាកធូរលុងទៅតាមនោះដែរ ។ ដូចនោះ សាកល្បងបញ្ជាចង្អុលទិសឱ្យខួរក្បាលមានសកម្មភាពចលនាទៅតាមកម្លាំងវិជ្ជមានល្អជាជាង!

៣) ភ្លាមៗដែលមានគំនិតអវិជ្ជមាន សេចក្ដីសុខក៏អស់ទៅភ្លាមៗដែរ

មនុស្សមួយចំនួនត្រូវរងទុក្ខវេទនា ជាមួយសម្ពាធក្រវល់ក្រវាយចិត្ត និងមានកង្វល់ព្រួយចិត្តយ៉ាងធ្ងន់ធ្ងរ។ ការកើតមានព្រឹត្តិកម្មរបៀបនេះឡើង ព្រោះពួកគេឈឺចាប់ដោយអាការៈការគិតអវិជ្ជមានស្វ័យប្រវត្តិ (ANTs  ឬ Automatic Negative Thoughts) ។ មនុស្សមួយក្រុមនេះ ច្រើនតែតាំងចិត្ត និងចងចាំនៅជាមួយនឹងជ្រុងផ្នែកខាងអវិជ្ជមាននៃហេតុការណ៍ ឬរឿងរ៉ាវដែលបានកើតឡើង និងមានគំនិតបែបនេះ វានឹងស្រូបទាញយកកម្លាំងជីវិតចេញពីខួរក្បាលទៅ ។ បើសិនមានមនុស្សណាមានអាការៈបែបនេះ ត្រូវសេចក្ដីព្យាយាមនាំខ្លួនឯងឡើងពីរណ្ដៅភក់ជ្រាំខ្មៅងងឹតក្នុងចិត្ត ដែលខ្លួនបានកកាយទុកកប់ខ្លួនឯង ដោយប្រើប្រាស់វិធីងាយគឺ ភ្លាមៗដែលមានអារម្មណ៍អវិជ្ជមានកើតឡើង ក៏ប្រញាប់ប្រញាល់ទាញប៊ិកក្រដាសសរសេររឿងដែលមានក្នុងចិត្តឡើង។ អ្នកអាចរកឃើញគំនិតគ្មានហេតុផលយ៉ាងច្រើន ដែលកំពុងចោមរោមវាយសម្រុកចូលមកធ្វើបាបចិត្តខ្លួន ក្រៅពីនេះក៏ប្រើគំនិតវិជ្ជមានចូលមកជំនួស និងព្យាបាលរក្សាចិត្តដែលមានដំបៅនេះដោយខ្លួនឯង ។ លោកវិជ្ជបណ្ឌិតខាងលើនេះបាននិយាយថា “ចូរបំផ្លាញ ANTs ប្តូរខួរក្បាលខ្លួនអ្នកទៅចុះ!

៤) សាកល្បងបោកបញ្ឆោតខ្លួនឯងលោមើលខ្លះ

ភ្លាមៗ ដែលខួរក្បាលគិតក្នុងក្ដីមានសង្ឃឹម ស្ថានភាព ឬរឿងរ៉ាវអាចកើតឡើងពិតប្រាកដ បើសិនខួរក្បាលគិតអវិជ្ជមាន ស្ថានភាពឬរឿងរ៉ាវក្នុងផ្នែកអវិជ្ជមានក៏ក្លាយជាការពិតដែរ។ ផ្ទុយមកវិញ បើសិនខួរក្បាលគិតតែខាងវិជ្ជមាន ស្ថានភាព ឬរឿងរ៉ាវក្នុងផ្នែកវិជ្ជមាននឹងកើតឡើង។ ច្រើនសតវត្សមកនេះ ដែលអ្នកចិត្តវិទ្យាដឹងរឿងនេះ ទើបនាំមកនូវក្ដីសង្ឃឹមក្នុងផ្នែកវិជ្ជមាន មកប្រើព្យាបាលបំបាត់អាការៈឈឺចាប់ច្រើនមុខសញ្ញា ហើយកាលពី១៥០ឆ្នាំមុនកន្លងមកនេះ ក្នុងការព្យាបាលបំបាត់ឱ្យដល់អ្នកជំងឺ ពេទ្យត្រូវធ្វើជាមួយគ្នាឯង និងជាមួយអ្នកជំងឺ ហើយបង្កើតបានជាគំនិតបោកបញ្ឆោតនេះឡើង។

គំនិតបោកបញ្ឆោតនេះ គឺសាងភាពមានក្ដីសង្ឃឹម និងមានសង្ឃឹមឡើង ចន្លោះពេលដែលពេទ្យកំពុងព្យាបាលអ្នកជំងឺ វិជ្ជបណ្ឌិត ទី.ហ្វិនដ៍ឡេយ៍ មកពីសហរដ្ឋអាមេរិច បានថ្លែងថា “ទាំងពិធីកម្ម ជំនឿ និងភាពប្រឹងប្រែង សុទ្ធតែសាងកម្លាំងជីវិត” ។ ខាងវិជ្ជសាស្ត្របានរកឃើញថា ការសាងក្ដីសង្ឃឹម និងការមានសង្ឃឹមគឺជាគ្រឿងជំនួយដ៏សំខាន់ ក្នុងការព្យាបាលអ្នកជំងឺឱ្យជាសះស្បើយ មានកម្លាំងមួយភាគបួន ឬពីរភាគបីនៃការប្រើឱសថញៀនបំបាត់អាការៈឈឺចាប់ និងមានអ្នកជំងឺមួយភាគបីដែលកំពុងប្រើប្រាស់វា ។

ការគិតបោកបញ្ឆោតហើយបានផលនោះបាន ព្រោះការគិតបោកបញ្ឆោតអាចផ្លាស់ប្ដូរបដិកិរិយា និងសារធាតុគីមីក្នុងរាងកាយ ពីតួអង្គអាក្រក់ក្លាយជាតួអង្គល្អបានពិតមែន ។ ពេលរាងកាយមានសភាពជាស្រួលបួលឡើងវិញ ប្រព័ន្ធការងាររបស់ខួរក្បាលក៏ប្រែប្រួលផ្លាស់ប្តូរទៅតាមនោះភ្លាមៗដែរ ។

៥) បញ្ជាខួរក្បាលសម្របនិស្ស័យដើម្បីឱ្យមានសង្ឃឹម

យើងប្រើខួរក្បាលផ្នែកខរ៍ថេកស៍ពេលត្រូវការដាក់ផែនការជីវិត ដោយសារខួរក្បាលផ្នែកនេះ នឹងបំពេញមុខងារក្នុងការស្វែងរកទិន្នន័យ និងវិធីសាស្រ្ត ដើម្បីឱ្យផែនការដែលព្រាងទុកបានសម្រេចមុនកាលកំណត់ ដូច្នោះការដាក់ទិសដៅក្នុងជីវិត ហើយការសម្របផ្លាស់ប្ដូរនិស្ស័យទម្លាប់មួយនេះឱ្យបាន ទើបជារឿងធ្វើបានពិតមែន។ ពេលខួរក្បាលមានលំនឹកយ៉ាងណា ស្ថានភាពឬរឿងរ៉ាងទាំងឡាយនោះ ក៏កើតឡើងបាន ។

៦) លិខិតជីវិតខ្លួនឯង

លោកវិជ្ជបណ្ឌិតអេមែនបានណែនាំថា បើសិនយើងសរសេររឿងដែលខ្លួនឯងត្រូវការ និងរឿងដែលខ្លួនឯងចង់ឱ្យកើតឡើងនៅលើក្រដាសរាល់ថ្ងៃ/សប្ដាហ៍ ភាពអស្ចារ្យក្នុងជីវិត វានឹងកើតឡើង ។ ដោយការសរសេរបែងចែកជារឿងសម្ព័ន្ធភាពរវាងខ្លួនឯង និងមនុស្សនៅជិតខ្លួន ការងារ លុយកាក់ រួមទាំងរឿងតម្រូវការផ្នែកស៊ីជម្រៅ ដូចជាអារម្មណ៍មនោចេតនា រាងកាយ ព្រមទាំងចិត្តសន្ដានផង។

៧) ជឿភាពមហស្ចារ្យជីវិត

រឿងដែលខ្ញុំត្រូវការ និងរឿងដែលខ្ញុំកំពុងធ្វើឱ្យកើតឡើងសម្ព័ន្ធភាពគូស្នេហ៍ កូន ម្ដាយឪពុក មិត្តភ័ក្ដិ ការងារ លុយកាក់ ខួរក្បាល រាងកាយ ការចាប់អារម្មណ៍ យកចិត្តទុកដាក់ ។ ពេលដែលគិតអាចកំណត់គុណភាពខួរក្បាលបាន ទើបគួរដល់ការគិតក្នុងរឿងល្អៗ បង្កបរិយាកាសរីករាយ ស្រស់ស្រាយ ស្រស់បំព្រង តាមរបៀបលោកគ្រូសាទិតអ៊ិនថនណែនាំជារឿយៗថា ដើម្បីប្រព័ន្ធធ្វើការងាររបស់ខួរក្បាលល្អ អាចឱ្យផលល្អចំពោះគុណភាពខួរក្បាលគ្រប់ពេល ៕