ប្រយោគដាស់ចិត្តខ្លួនឯងឱ្យមានកម្លាំង

ប្រយោគដាស់ចិត្តខ្លួនឯងឱ្យមានកម្លាំង

កុំរំពឹងតែសេចក្តីសុខស្រួល ព្រោះផ្លូវទៅកាន់ភាពជោគជ័យត្រូវប្រកបព្រមដោយពាក្យថា តស៊ូ ពុះពារព្យាយាម។

កុំបណ្តោយឲ្យអ្នកដទៃគ្រប់គ្រងជីវិតអ្នក ព្រោះជោគវាសនារបស់អ្នក ស្ថិតនៅក្នុងដៃអ្នកផ្ទាល់។

កុំធ្លាក់ខ្លួនជាទាសកររបស់លុយ ព្រោះពាក្យថាសេចក្តីសុខបានមកពីពាក្យថាគ្រប់គ្រាន់។

កុំបណ្តោយឲ្យកំហឹងក្លាយជាមហារីកមកបំផ្លាញជីវិតអ្នក

ព្រោះសេចក្តីស្ងប់សុខនឹងកើតឡើងមួយរំពេចនៅពេលដែលអ្នកចេះដោះលែងចិត្តឲ្យស្ងប់។

កុំពាក់ស្រោមមុខតួឯកដើម្បីតែភាពអាត្មានិយម ព្រោះពេលណាមួយដែលស្រោមមុខអ្នករបូតចេញឃើញមុខដ៏កខ្វក់របស់អ្នក ពិតជាធ្វើឲ្យគេពិបាកទទួលយកណាស់ ។

ភាពរឹងមាំរបស់មនុស្សយើង

ក្រៅពីជំនឿចិត្តលើខ្លួនឯង ភាពមោះមុតដាច់ខាត ក៏នៅមានកើតចេញពីកត្តាសំខាន់មួយទៀតដែរគឺការទទួលស្គាល់ភាពឯកា។

បើទោះបីថាមានឬគ្មាន អ្នកដែលគេដឹង គេយល់ពីអារម្មណ៍នៃការឈឺចាប់ដែលយើងបានឆ្លងកាត់កន្លងមកក្តី

អ្វីដែលយើងត្រូវចេះគឺការលួងលោម មើលថែព្យាបាលស្នាមរបួសខ្លួនឯងដោយខ្លួនឯង។

ពាក្យថាឯកា

ស្តាប់មើលទៅហាប់បីដូចជាការរស់នៅដោយកណ្តោចកណ្តែងតែម្នាក់ឯង

តែការពិតទៅ វាគឺជាទំនាក់ទំនងកាន់តែជិតដិតទៅកាន់ខ្លួនឯងទៅវិញទេ

ព្រោះភាពឯកា គឺជាការស្វែងយល់ពីខ្លួនឯងបានយ៉ាងប្រត្យក្ស ។

មនុស្សដែលនឹករលឹកអ្នកពិត គេនឹងមានពេលទំនេរសំរាប់អ្នកជានិច្ច

អ្នកដែលចង់ជួយអ្នកពិត ទោះបីជាមានការលំបាកប៉ុនណាក៏គេនៅតែព្យាយាមរកផ្លូវដោះស្រាយបញ្ហាជួយអ្នកឲ្យទាល់តែបាន។

អ្នកដែលនិយាយស៊ីចង្វាក់គ្នាជាមួយអ្នក គឺជាមនុស្សដែលមិនខ្វល់ថាអ្នកលើកប្រធានបទអំពីអ្វី ព្រោះគេតែងតែមានវាចាស្តីជាមួយអ្នកបានគ្រប់រឿង។

មនុស្សដែលលង់ស្រលាញ់អ្នក នឹងព្យាយាមរកវិធីចូលមកក្បែរអ្នក និងធ្វើឲ្យអ្នករីករាយ។ 

មនុស្សដែលចូលចិត្តអ្នក ទោះអ្នកជាមនុស្សបែបណាក៏ក្នុងចិត្តដ៏ជ្រាលជ្រៅរបស់គេនៅតែចូលចិត្តអ្នក។

មនុស្សដែលស្អប់អ្នក ទោះបីជាអ្នកធ្វើល្អកំរិតណាក៏គ្មានពាក្យថាវិជ្ជមានសំរាប់អ្នក ក្នុងផ្នត់គំនិតរបស់គេ។

ចូរមានជីវិតដើម្បីខ្លួនឯង

កុំប្តូរខ្លួនឯងដើម្បីទាក់ទាញការស្រលាញ់ការចូលចិត្តពីអ្នកដទៃ។

ដើមឈើ អាចលាស់កោងដំណេកទៅតាមកំលាំងខ្យល់បក់

តែជីវិតខ្ញុំផ្ទាល់ គឺខ្ញុំជាអ្នកកំណត់ដោយខ្លួនឯង។

វាសនាអ្នកណាក៏មាន ប៉ុន្តែឲ្យវាសនារត់តាមយើង

ឬក៏យើងដើរតាមវាសនាអាស្រ័យលើការតស៊ូព្យាយាម

ធ្វើជាខ្លួនឯងឲ្យបានពេញលេញ កុំគិតតែបំពេញក្តីស្រមៃអ្នកដទៃ ។

ថ្ងៃណាដែលបានសម្រេចបំណងសមប្រាថ្នា

កុំភ្លេចដាស់តឿនខ្លួនងឯងផងណា កុំឱ្យភាពជោគជ័យដែលសំរេចក្តីប្រាថ្នានោះមកបិតបាំងសតិបញ្ញាស្មារតីរបស់អ្នក។

ថ្ងៃណាដែលខកបំណងប្រាថ្នា

ត្រូវចេះប្រយ័ត្នប្រយែងខ្លួនឯង កុំឱ្យភាពចំបែងសោកសៅមកបំផ្លាញគោលដៅជីវិតដែលបានកំណត់។

ថ្ងៃណាដែលមានស្តុកស្តម្ភធូរធារ

កុំធ្វើជាអឿអត់ចិត្តភ្លេចគ្រាកំសត់ កុំឱ្យលុយកាក់ទ្រព្យធនដែលពីមុនធ្លាប់អត់ ក្លាយជាអាវុធមកបំផ្លាញខ្លួនឯងនិងមនុស្សជុំវិញខ្លួន។

ថ្ងៃណាដែលក្រលំបាកកំសត់

ត្រូវចេះអត់ធ្មត់រឹងមាំតស៊ូ កុំបណ្តោយឱ្យផ្លូវដែលកំពុងដើរឆ្ពោះទៅក្លាយជាផ្លូវទាល់។

ថ្ងៃណាដែលឈឺចាប់

ត្រូវចេះផ្គាប់លួងលោមខ្លួនឯង កុំបណ្តោយឱ្យភាពចំបែងសៅហ្មងចងរិតបំផ្លាញជីវិតចិត្តគ្មានសល់អ្វី។

កុំរំពឹងចង់បានអ្វីមួយខ្លាំងជ្រុលពេក

ព្រោះថ្ងៃណាមួយដែលបានមកហើយ ក៏គង់តែបាត់នាថ្ងៃណាមួយវិញដូចគ្នា។

កុំទុកចិត្តមនុស្សដោយភាពស្មោះហួស

ព្រោះថ្ងៃណាមួយដែលគេធ្វើខុស អ្នកនឹងក្លាយជាមនុស្សខ្លាក់ខ្លៅការពារគេ។

មាសប្រាក់លុយកាក់ទ្រព្យសម្បត្តិ នៅពេលដែលផុតដង្ហើមបាត់ មិនអាចវេចខ្ចប់យកទៅបាន

ចូរចេះបំលែងលុយឱ្យក្លាយជាបុណ្យ ធ្វើគុណជាប្រយោជន៍ដល់មនុស្សទូទៅ។

កេរ្តិ៍ឈ្មោះកិត្តិយសល្បីរន្ទឺ

លេចលឺថ្ងៃនេះបានហើយ ក៏អាចស្ងប់រលាបនៅថ្ងៃស្អែកក៏ថាបាន។

ភាពជោគជ័យប្រៀបដូចជាផ្លែផ្កា ដែលបានមកពីការដាំដុះភ្ជួររាស់ កសិផលដែលទទួលមិនមែនមានគ្រប់រដូវនោះទេ

លុះត្រាតែអ្នកដាំដុះកសិផលនានាជាច្រើនប្រភេទមិនមែនតែមួយមុខ។

ជីវិតដូចជារង្វង់

ចំនុចចាប់ផ្តើមគឺជាចំនុចបញ្ចប់ ចប់ហើយក៏ចាប់ផ្តើមជាថ្មី

អ្នកចេះនូវអ្វីដែលអ្នកបានធ្វើ អ្នកធ្វើនូវអ្វីដែលធ្លាប់ជាខ្លួនអ្នក

ជ្រើសធ្វើនូវអ្វីដែលល្អប្រសើរ រឿងដែលល្អប្រសើរនោះនឹងកើតឡើងចេញពីបុណ្យដែលអ្នកធ្លាប់សាង ។

បើមិនស្រលាញ់ខ្លួនឯង ចាំឱ្យអ្នកណាស្រលាញ់

បើមិនលើកទឹកចិត្តខ្លួនឯង ចាំឱ្យអ្នកណាមកជួយលើក

មិនជឿជាក់លើខ្លួន រងចាំអ្នកណាគេមកជឿ

ដួលដោយខ្លួនឯង ក្រោយដោយខ្លួនឯង ដើរបន្តដោយខ្លួនឯង

វិថីនៃជីវិត ជ្រើសដោយខ្លួនឯង ត្រូវតែដើរដោយខ្លួនឯង ។

ប្រសិនបើអ្នកមិនអាចហោះបាន

គួរតែចេះគ្រប់គ្រងអារម្មណ៍ត្រូវការចង់បានរបស់អ្នក

របស់ឬក៏វត្ថុខ្លះវាទាក់ទាញ រហូតឱ្យស្រក់ទឹកមាត់ចង់លេប

ប៉ុន្តែវាអាចនឹងមិនសក្តិសមជាមួយអ្នក។

ត្រូវចាំទុកថា

ពេលដែលអ្នកគ្មានលទ្ធិភាពតតាំងជាមួយនិងការវិនាសខូចខាតដែលនឹងកើតឡើង

ក៏គួរតែគ្រប់គ្រងអារម្មណ៍តណ្ហានៃការចង់មានចង់បានមកគ្រប់គ្រងរបស់អ្នកឱ្យបានគ្រប់គ្រាន់

កុំបណ្តោយឱ្យអារម្មណ៍ត្រូវការបំផ្លាញអនាគតរបស់អ្នក។

ព្រោះទោះបីជាអ្នកតម្កើងខ្លួនគិតថាអ្នកគឺជា

សត្វចចកដ៏រឹងមាំអង់អាចអស្ចារ្យ

តែកុំភ្លេចថា អ្នកក៏អាចស្លាប់ដោយសារតែសត្វស្លាបតូចល្អិតដែលគ្មានតម្លៃមួយក្បាលដូចគ្នា ។

ចង់បានតែមិនបាន ទើបធ្វើឱ្យកើតទុក្ខ

ទទួលបានមកហើយ

បារម្ភខ្លាចបាត់បង់ទៅវិញ

ទើបធ្វើឱ្យកើតទុក្ខ

ទទួលបានមកហើយ

តែបាត់បង់ទៅវិញ

ទើបធ្វើឱ្យកើតទុក្ខ

កាន់តែខំក្តាប់វាឱ្យណែនជាប់ខ្លាំងប៉ុនណា

ការឈឺចាប់និងសេចក្តីទុក្ខ ធ្វើឱ្យយើងមិនបានសុខប៉ុណ្ណោះ

គិតត្រឡប់មកក្រោយឡើងវិញ

តាំងពីដើមដំបូង

គ្មានអ្វីដែលជារបស់យើង

វាគឺជារឿងធម្មតាស្រាប់ទៅហើយ

ដូចនេះ កុំកើតទុក្ខ ៕