ចេះសមាគមមនុស្សច្រើនគ្នា រកជំនួយពីចាស់ទុំ

ចេះសមាគមមនុស្សច្រើនគ្នា រកជំនួយពីចាស់ទុំ

ចង់បានជោគជ័យត្រូវចេះសមាគម

ត្រូវចេះជ្រើសរើសរាប់អានមនុស្សម្នាផងទាំងពួង ។

បើចង់ជោគជ័យ

កុំរវល់តែរាប់អានមនុស្សប្រភេទដូចគ្នា

មានវ័យស្របាៗគ្នាឡើយ ។

យើងអាចនឹងមានចិត្តមុះមុតជាង និងរឹងមាំជាង

ក្នុងដំណាក់កាលណាមួយនៃជីវិត

ប៉ុន្តែយើងវិលវល់ទៅមកៗ

អាចទៅមិនបានឆ្ងាយ ដូចអ្វីដែលបានកំណត់ទុក

ដូចពាក្យចាស់ខ្មែរយើងពោលថា

មុចមិនជ្រៅ ទៅមិនឆ្ងាយ ។

តើជឿដែរទេថា

បើសិនជាយើងចង់រត់បានឆ្ងាយ និងបានលឿន

គឺត្រូវចេះធ្វើខ្លួនឲ្យដូចជាគ្រាប់ព្រួញអ៊ីចឹងដែរ?

គ្រាប់ព្រួញដែលល្អ ត្រូវរត់ហោះពុះជ្រែកខ្យល់អាកាស

ទៅបានដោយអស្ចារ្យ ។

ប៉ុន្តែកុំភ្លេចថា

គ្រាប់ព្រួញដែលរត់ទៅបានល្អ ហោះទៅចំគោលដៅបាន

តែងតែពឹងអាស្រ័យលើដងធ្នូល្អ

ហើយរឹងមាំមកជាជំនួយផងដែរ ។

ក្នុងជីវិតជាក់ស្ដែង

យើងត្រូវចេះរកពឹងពរចាស់ៗដែលមានពុទ្ធិល្អ

មានសមត្ថិភាព និងបទពិសោធច្រើន

មកធ្វើជាកល្យាណមិត្ត មកគាំទ្រ

ដែលអាចជួយយើងក្នុងការពន្លឿនភាពជោគជ័យ។

ការចេះឱនលំទោនបន្ទាបនូវខ្លួន អាចជាចំណុចមួយ

ក្នុងការស្វះស្វែងរកចំណុចខ្សោយ​ចំណុចខ្លាំងរបស់ខ្លួនឃើញ

មិនខុសអីពីការយកគ្រាប់ព្រួញ

មកដាក់ជាមួយដងធ្នូដ៏សក្ដិសមនោះទេ ។

ល្មមដល់ពេលវេលាបាញ់

គ្រាប់ព្រួញត្រង់ល្អ

ត្រូវបានបាញ់បញ្ជូនទៅដោយដងធ្នូល្អ

រមែងរត់ហោះទៅបានឆ្ងាយ និងរត់ត្រង់ល្អ

ចូលចំគោលដៅដោយគ្មានអ្វីលំបាកឡើយ ។

ការហ្វឹកហ្វឺនខ្លួនឲ្យទន់ទោរដែលចេះពីខាងក្នុង

កុំបីមានអំនួតអួតក្អេងក្អាងថា គ្មានអ្នកណាមួយដល់ខ្លួន ។

ការចូលជំនុំចាស់ៗបាន

បញ្ជាក់ពីសមត្ថភាពដែលអាចទទួលយកបាន

មិនមែនជាការប្រចុបប្រចែងនោះទេ ។

ធ្វើបែបនេះឲ្យជាទម្លាប់ ដល់ថ្ងៃរះពេលណា

អ្នកជាមួយចាស់ៗជាដៃគូសហការគ្នាដ៏ជិតដិត

ក្នុងការជួប និងជួយលើកស្ទួយអ្នក

ឲ្យរីកចម្រើនបានយ៉ាងឆាប់រហ័ស ។

តើអ្នកណាចេះ

ពីគន្លឹះមុខវិជ្ជាជោគជ័យនេះដែរទេ?

អាចជួយបំព្រួញសង្ខេបឲ្យសល់ត្រឹមតែមិនប៉ុន្មានថ្ងៃ មិនប៉ុន្មានឆ្នាំ

កាលណាទទួលបានពាក្យដំបូន្មានល្អៗហើយ

ឬឱកាស ឬមួយក៏ទទួលបានការគាំទ្រចូលរួមសហការណ៍គ្នា

ពីការរាប់អានចាស់ទុំ ដែលពួកគាត់មានក្ដីមេត្តា

និងមើលឃើញពីសមត្ថភាព ដែលចេញពីចិត្ត

ក្នុងការយល់ឃើញថា គួរឲ្យជួយគាំទ្រ ។

“ចាប់ផ្ដើមធ្វើភ្លាមៗ ដែលមានឱកាសហុចឲ្យ

កុំទុកបណ្ដោយឲ្យខ្លួនឯងជាអ្នកគិត

តែមិនមែនជាអ្នកចាប់ផ្ដើមធ្វើ

មិនអ៊ីចឹងទេ អ្នកគ្មានថ្ងៃឈ្នះបានឡើយ” ។

“បើសិនមិនហ៊ានចាប់ផ្ដើមធ្វើទេ

ចុះនឹងបានជោគជ័យដូចម្ដេច?”

“ការរាប់អានមនុស្សបែបណា

ជីវិតអ្នកនឹងក្លាយជាបែបនោះផងដែរ” ៕

គោលគំនិតល្អដើម្បីជីវិត