ចង់មានបានត្រូវចាយវាយតាមបែបសេដ្ឋី

ចង់មានបានត្រូវចាយវាយតាមបែបសេដ្ឋី

មនុស្សយើងគ្រប់គ្នា

រមែងត្រូវឈានជើងដើរឡើង និង

ឈានជើងដើរចុះនៃជីវិតទាំងអស់គ្នា ។

គ្មានអ្នកណាមួយមានជីវិតបែបរមៀលចុះរកចំណុចផ្លាស់ប្ដូរមិនបានទេ

ហើយប្រហែលជាគ្មានអ្នកណាមួយមានជីវិតរុងរឿងគ្រប់ពេល និង

បែបមិនធ្លាប់ឈានជើងដើរចុះដែរ ។

យើងខំតស៊ូពុះពារមកយ៉ាងខ្លាំង

ដើម្បីសាងឋានៈជីវភាពរបស់ខ្លួន និង

ដើម្បីសាងមុខងារតួនាទីឲ្យមានស្ថិរភាពឡើង

ប៉ុន្តែកុំភ្លេចថា ការគ្រប់គ្រង់ប្រាក់ចំណូលឲ្យមានសមតុល្យ

ក៏ជារឿងមួយខ្លួនត្រូវគិតផងដែរ ។

មានមនុស្សច្រើនណាស់​ដែលមិនធ្លាប់មាន

កាលបើមានមុខងារឋានៈតួនាទីរីកចម្រើនឡើង

មានជីវភាពឋិតថេរល្អប្រសើរឡើង

មានប្រាក់ចំណូលកាន់តែច្រើនឡើងជាងដែលខ្លួនមិនធ្លាប់មាន ។

ស្រួលមិនស្រួល ត្រឡប់ក្លាយទៅជា

មានប្រាក់ចំណូលកើនឡើង ប៉ុន្តែត្រូវខ្លួនចាយវាយខ្ជះខ្ជាយទៅវិញ

ត្រូវបង់ខាតប្រាក់ចំណូលទៅលើរឿងផ្សេងដោយខ្ជីខ្ជា ។

ដល់ពេលភ្ញាក់ខ្លួនឡើងវិញ លុយកាក់ទាំងប៉ុន្មាន

សឹងតែរកមួយកាក់មួយសែនគ្មាន

ថែមទាំងត្រូវជំពាក់បំណុលគេជុំទិសទៅទៀត ។

ធ្លាប់ជួបនិយាយជាមួយសេដ្ឋីលំដាប់លេខមួយនៃប្រទេសមួយ

គាត់បានមានប្រសាសន៍ថា ពិតមែនហើយ

អាថ៌កំបាំងនេះមិនមែនជារឿងអីត្រូវពិបាកយល់ទេ ។

បើចង់មានបានត្រូវចេះចាយលុយតាមបែបសេដ្ឋីគេចាយ

កុំរៀនចាយលុយតាមកូនសេដ្ឋីគេចាយ

តើវាមានន័យច្បាស់ និងស៊ីជម្រៅណាស់

ពីគោលជំហរ ចំណុចពិសេសនេះមែនទេ?

សេដ្ឋីនោះ

ទម្រាំនឹងឆ្លងកាត់ មានបានដូចថ្ងៃនេះ

ដែលមានខឿនប្រាក់ចំណូលរឹងមាំ មានស្ថិរភាពនេះ

ត្រូវបានបណ្ដាក់ទុនអស់រាប់សិបឆ្នាំ

ប្រើកម្លាំងកាយ កម្លាំងចិត្ត

កសាងជីវភាពឲ្យដល់ចំណុចមានបានដូចសព្វថ្ងៃនេះ ។

ឬត្រូវជួបការហ៊ានប្រថុយប្រថាផ្សេងព្រេង ហ៊ានកាត់ចិត្ត មិនរាថយ

រួចហើយប្រឹងប្រែងធ្វើឲ្យបានសម្រេច

តែងតែមើលឃើញពីគុណតម្លៃនៃប្រាក់ចំណូល

ដោយការចេះចាយវាយសន្សំសំចៃត្បិតត្បៀតបំផុត ។

ប៉ុន្តែកូនសេដ្ឋីវិញ

ធំធាត់ឡើងមកឃើញតែភាពស្រណុកស្រួល

ពិតណាស់​ដែលភូមិគ្រឹះដ៏ស្កឹមស្កៃ

ជិះរថយន្ដម៉ាកស៊េរីខ្ពស់ តម្លៃថ្លៃ ទូរស័ព្ទល្អប្រណីត

គឺទទួលបានពីការបង្ហូរញើសឈាមរបស់ឪពុកម្ដាយខ្លួនប៉ុណ្ណោះ ។

គេចាយលុយកាក់ទៅដោយមិនចាំបាច់គិតច្រើន

ផ្នត់គំនិតនេះខុសគ្នាដាច់ស្រឡះ……

សម្រាប់មនុស្សដែលរស់នៅក្នុងពេល

នៃការសាងជីវភាពឲ្យមានបានឡើង ។

យ៉ាងណាក៏ដោយ កុំភ្លេចគិតអំពីការរៀបចំខ្ទងចំណូលចំណាយខ្លួន

ការបែងចែកទៅជាប្រាក់សន្សំ ជាប្រាក់ក្នុងការបណ្ដាក់ទុន និង

ជាប្រាក់លើកទឹកចិត្តឲ្យខ្លួនឯង ព្រមទាំងគ្រួសារ ។

កុំចាយវាយប្រាក់ដោយខ្ជះខ្ជាយ

ពេលវេលាជាមាសប្រាក់ អាចផ្លាស់ប្តូរជីវិតរបស់យើងបាន

ក្លាយទៅជាអតីត ដែលយើងអាចធ្វើបានត្រឹមតែការនិយាយដល់

ឬសម្លឹងមើលទៅវាត្រឹមតែមានចិត្តសោកស្តាយប៉ុណ្ណោះ ។

តើជីវិតនេះនឹងបានល្អប្រសើរឡើងបានទេ?

តើជីវិតនេះនឹងឋិតថេរគង់វង់បានដែរទេ?

ខ្លួនយើងហ្នឹងឯង គឺជាអ្នកឆ្លើយសំនួរនេះ ។

“ណាៗ នឹងមានអាយុក្ខ័យ្យច្រើនឡើង

យើងក៏នឹងមានភាពវៃឆ្លាត និងពូកែឡើងផងដែរ

បើខ្លួនចាស់ទៅ ឲ្យក្មេងគេរាប់អាន

ល្អជាងចាស់ទៅ បែបក្មេងគេមិនលើកដៃសំពះគោរព” ។

“មានតែថ្ងៃនេះទេ

ដែលមានសារៈសំខាន់ជាងម្សិលមិញ

និងថ្ងៃស្អែក” ។

“ការជំពប់ជើងដួល

វាមិនថ្វីទេ

គ្រាន់តែបោសធុលីចោល

ក្រោកឡើងស៊ូ ចាប់ផ្ដើមសាជាថ្មីម្ដងទៀត” ៕

គោលគំនិតល្អដើម្បីជីវិត