មើលអ្នកមុខ មើលអ្នកក្រោយ ដើម្បីសាងកម្លាំងចិត្តឲ្យខ្លួនឯង

មើលអ្នកមុខ មើលអ្នកក្រោយ ដើម្បីសាងកម្លាំងចិត្តឲ្យខ្លួនឯង

មនុស្សយើងគ្រប់គ្នាមកឈរនៅត្រង់នេះបាន

ប្រហែលជាធ្លាប់ឆ្លងកាត់ពាក្យមួយថា

ចុះចាញ់រាថយ ដកខ្លួន រអាចិត្ត

ក្នុងចង្វាក់ខ្លះៗក្នុងជីវិតហើយមើល៍ទៅ ។

ក្នុងន័យនេះ វាមិនមែនជាអ្វីថ្មីស្រឡាងនោះទេ

ដែលកំពុងធ្វើដំណើរក្នុងវិថីនៃជីវិតរបស់យើងម្នាក់ៗ

ស្រាប់តែមកជួបចង្វាក់ខ្លះនៃជីវិត

ដូចជាមានអារម្មណ៍ថា ចង់សម្រាក

ឬអស់សង្ឃឹមមែនទែន ។

ប្រសិនពេលណាមួយ ដែលយើងធ្លាក់ចូលក្នុងស្ថានភាពអង់សង្ឃឹម

សូមឲ្យអ្នកសំឡឹងមើលអ្នកនៅខាងក្រោយ

ដែលមានឋានៈជីវភាពតូចទាបជាងយើង

បើមើលរួចហើយ សូមឲ្យគិតថា

ខ្លួនយើងពិតជាមានសំណាងណាស់ ដែលមានអ្នកដទៃតូចទាប

លំបាកលំបិន ក្រតោកយ៉ាកជាងយើងយ៉ាងច្រើន ។

បើចង់មានពន្លឺភ្លឺស្វាង ឲ្យមើលអ្នកដែលពូកែ មានបាន និងល្អជាងយើង

មើលមនុស្សដែលនៅខាងមុខយើង

មើលពួកគេរួចហើយ ឲ្យគិតពិចារណាមើលថា

តើខ្លួនត្រូវធ្វើយ៉ាងម៉េច

ដើម្បីឲ្យខ្លួនអាចដើរទៅដល់គោលដៅ

ដែលពួកគេកំពុងមាន កំពុងឈរ ។

សូមហ្វឹកហ្វឺនសម្លឹងមើលទាំងពីរផ្នែកនេះ

ឲ្យសមស្របតាមចង្វាក់នៃការគិត

ឲ្យស៊ីគ្នាទៅនឹងដំណើរការនៃជីវិត

ហើយកុំភ្លេចខ្លួនក្នុងពេលណាដែលខ្លួនសប្បាយ

ហើយមិនសុខចិត្តដកថយ ក្នុងគ្រាដែលជួបផលលំបាក ។

ដូចគ្នាទៅនឹងការអប់រំរបស់ជនជាតិចិនថា

បានព្រំកុំភ្លេចកន្ទេល

បានអាវកុំភ្លេចពាក់

បានឡើងធំកុំភ្លេចអាត្មា ។

កុំធ្វើជាមនុស្សភ្លេចអាត្មា

កុំធ្វើជាគោភ្លេចស្នឹង

កុំបានជាមេអំបៅ ភ្លេចដង្កូវ

សូមឲ្យគិតពិចារណាឲ្យឃើញបែបនេះជារឿយៗ

ដើម្បីជាការដាស់តឿនចិត្តខ្លួនឯង ។

ក្នុងពេលដំណាលគ្នានេះ

ពេលណាចិត្តខ្លួនអស់សង្ឃឹម កុំទៅចុះចាញ់អ្វីងាយៗ

កុំសុខចិត្តចុះចាញ់ បើសិនយើងនៅមិនទាន់បានចាប់ផ្ដើមធ្វើ ។

ក្នុងពេលណាដែលមានសេចក្ដីទុក្ខ ​សូមឲ្យក្រោកឡើង

កុំគិតរវល់តែអស់សង្ឃឹម សូញសាញចិត្ត

គ្មានមនុស្សណាជួបហេងស៊យពេញមួយឆ្នាំទេ

ហើយក៏គ្មានមនុស្សណាគេហេងៗពេញមួយឆ្នាំដែរ ។

យើងចង់មានសេចក្ដីសុខ

ត្រូវរៀនស្គាល់ពីសេចក្ដីទុក្ខ ​រួចដើរឆ្លងកាត់វាឲ្យបាន

គឺត្រូវដើរចេញពីជីវិតដែលមានភាពទន់ជ្រាយនេះ ។

ឲ្យរៀនសម្លឹងមើលជាថ្មី

ថាតើបញ្ហា​ឬឧបសគ្គ

គឺជារឿងនាំឲ្យយើងឈានជើងទៅដល់ភាពជោគជ័យ?

បើសិនជាយើងមិនព្រមដកថយទេ

នឹងមើលឃើញឱកាសដែលកំពុងកប់ក្នុងនោះជានិច្ច ។

លើមាគានៃជីវិត

ពិតណាស់ថា វាគ្មានផ្លូវណាមួយទាល់ទេ

ដរាបណាជីវិតយើង នៅមានខ្យល់ដង្ហើម ។

មិនមានអ្នកណាអាចត្រឡប់ទៅចាប់ផ្ដើមជាថ្មីបាន

ប៉ុន្តែយើងគ្រប់គ្នាអាចចាប់ផ្ដើមជាថ្មីក្នុងថ្ងៃនេះបានតើ

ដើម្បីកំណត់ទិសដៅដែលមានចំណុចខុសគ្នា

កុំព្រមចុះចាញ់ យើងអាចផ្លាស់ប្តូរជោគជតា

ជីវិតយើងជាក់ជាមិនខាន ។

ហត់នឿយខ្លាំង អស់សង្ឃឹមខ្លាំង

គួរតែរកពេលសម្រាក លំហែកាយចិត្តខ្លួនបានខ្លះដែរតើ

សូមប្រាប់ខ្លួនឯងថា យើងធ្វើអ្វីត្រូវតែហត់នឿយខ្លាំង

វានៅគ្រាន់បើជាងមនុស្សមួយចំនួនគ្មានអ្វីធ្វើដែរ

ព្រមទាំងគ្នាគ្មានជម្រើសធ្វើច្រើនយ៉ាងទៀត ។

សូមឲ្យប្រាប់ខ្លួនឯងថា ភាពជោគជ័យដ៏ធំ

វាប្រហែលជាមិនអាចសម្រេចបានត្រឹមតែប្រើពេលមួយថ្ងៃនោះទេ ។

ពេលជួបជាមួយបញ្ហា កុំមានចិត្តភ័័យខ្លាច

សូមឲ្យសម្លឹងមើលទៅមនុស្សខាងមុខដោយមានក្ដីសង្ឃឹម

សូមឲ្យសម្លឹងមើលមនុស្សនៅខាងក្រោយទុកជាមេរៀន ។

កុំភ្លេចឲ្យសោះថា

ជម្រើសមើលមនុស្សដែលនៅខាងមុខ

មើលមនុស្សនៅខាងក្រោយឲ្យត្រូវចង្វាក់ ។

វាងាយៗប៉ុណ្ណេះឯង

រួចហើយកម្លាំងចិត្តក៏កើតមានឡើង ។

“គាថាមហាមាន

មានការអត់ធ្មត់ មានក្ដីសុបិន ហ៊ានតស៊ូពុះពារគ្រប់ឧបសគ្គ” ។

កុំរៀនមើលងាយខ្លួនឯង

មនុស្សដែលគ្មានទំនុកចិត្តលើខ្លួនឯង

ស្មើនឹងស្លាប់ទៅទាំងរស់” ៕

គោលគំនិតល្អដើម្បីជីវិត