កុំវិលវល់នៅជុំវិញបញ្ហា
បើយើងដឹងថា
អ្វីដែលខ្លួនកំពុងបានធ្វើនោះ
វាមិនមែនទេ
ឲ្យផ្លាស់ប្តូរវាចេញទៅ
រកដំណោះស្រាយ
រកឱកាសក្នុងការផ្លាស់ប្តូរ
កែសម្រួលវាឲ្យបាន
។
កុំឲ្យខាតពេលវេលា
កុំគិតតែពីរអ៊ូរទាំ
តែមិនគិតរកមធ្យោបាយដោះស្រាយ
កែប្រែវាចេញទេ ។
ធ្វើបែបនោះ
វាមិនបានជួយដោះស្រាយអ្វីទេ
មានតែធ្វើឲ្យយើងវិលវល់នៅជុំវិញបញ្ហានោះ
ដោយមិនហ៊ានគិត
មិនហ៊ានចូលមកដោះស្រាយ
តើនឹងឲ្យរឿងនោះបានល្អប្រសើរយ៉ាងម៉េច?
ក្នុងគ្រាមួយនោះ
ជាចៃដន្យ
ខ្ញុំបានអង្គុយស៊ីបាយនៅជាប់ក្បែរនៃគ្រួសារមួយ
ក្នុងពេលនោះ
ខ្ញុំំគ្មានចេតនាបំណងណាមួយ ទៅលួចស្ដាប់រឿងគ្រួសារគេទេ
តែអង្គុយនៅក្បែរនោះ
ហើយក៏បានស្ដាប់ បានជ្រុងមួយនៃការគិត
យកមកចែករំលែកទៅ
។
សាច់រឿងនោះគឺបែបនេះ
គឺជាអ្នកប្រពន្ធ ជាម្ដាយម្នាក់ពូកែរអ៊ូរហូត
គាត់រអ៊ូពីរឿងធ្វើការងាររបស់គាត់
ធ្វើការមិនល្អយ៉ាងនេះយ៉ាងនោះ
ចូលចិត្តធ្វើការងារយ៉ាងនេះ
មិនចូលចិត្តធ្វើការងាយយ៉ាងនោះ
ខណៈដែលប្ដីរបស់គាត់អង្គុយញញឹមតែម្យ៉ាងគិត
ចំណែកខាងលោកកូនវិញ
គិតតែពីឆ្ងាញ់ម្ហូបអាហារមាន់អាំងនៅចំពោះមុខគេ ។
កន្លងផុតទៅច្រើននាទី
ភាគីប្រពន្ធនៅតែរអ៊ូមិនចេះចប់មិនចេះហើយ
ដៃកាន់ចុចលើអេក្រង់អាយផេតផងដែរ
រឿងនោះបញ្ចប់នៅត្រង់ថា
ក្នុងទីបំផុត
កូនតូចរបស់គាត់ងើបងើយមើលមុខម៉ែខ្លួន
រួចហើយក៏និយាយឡើងថា
“ចុះហេតុអ្វីអ្នកម៉ាក់មិនសុំគេលាឈប់ពីការងារហ្នឹងទៅបាទ”
។
ត្រឹមតែសម្ដីប៉ុណ្ណឹង
ឪពុកគេបុកពោះខឹកឡើង
ចំណែកខាងខ្ញុំក៏បានលួចញញឹមទុកក្នុងចិត្ត
សើចចំអក់មិនបាន
តិចលោត្រូវមួយកំផ្លៀងឥឡូវ ។
កម្រិតនៃការគិតដោះស្រាយរបស់ក្មេង
ជារឿងគួរឲ្យអស្ចារ្យណាស់នៃពិភពលោក
។
ក្មេងៗវាមានតម្រូវការ
ការទាមទារដើម្បីឲ្យបានវត្ថុតបស្នងដ៏ច្បាស់លាស់មួយ
ពេលនៅជាទារក
គេស្រេកឃ្លាន គេឈឺនោម គេឈឺជុះ
ក៏ស្រែកហៅឪម៉ែរបស់គេ
ពេលបានប៉ៅ
បានផ្លាស់ប្ដូរក្រណាត់រុំខ្លួន
វាក៏មានអារម្មណ៍ស្រួលខ្លួន
ក៏សម្ងំដេកស្ងាត់ឈឹងទៅ ។
ពេលមនុស្សយើងធំឡើង
ពេលខ្លះក៏ភ្លេចវង្វេង
យកខ្លួនឯងទៅចង់ឱបជាប់ជាមួយបញ្ហាច្រើនហួសហេតុពេក
ថែមទាំងធ្វើឲ្យខ្លួនឯងនៅជាប់វិលវល់នៅជុំវិញនៃបញ្ហា
រអ៊ូរទាំមិនចេះចប់ម្ដងណាឡើយ មិនគិតរកវិធីដោះស្រាយទេ ។
សាកមើលទៅជុំវិញខ្លួនសិន
តើមានមនុស្សប៉ុន្មាននាក់ដែលនៅជុំវិញខ្លួនយើង?
ដែលគិតតែពីរអ៊ូរឿងបញ្ហាធ្វើការងារជាមួយមិត្តភក្ដិ
ជាមួយគ្រួសារ
ប៉ុន្តែនៅពេលអង្គុយនៅក្នុងបន្ទប់ប្រជុំ
ពេលគេបើកឱកាសឲ្យឡើងចេញមតិយោបល់
ត្រឡប់បែរជានៅស្ងាត់សូន្យឈឹងទៅវិញ
។
អាចទៅរួចទេថា
គ្រប់ទីកន្លែងដែលធ្វើការងារ
ក៏មានបញ្ហាទៅតាមការងារកន្លែងនោះៗ
បែបបទ
និងភាពច្របូកច្របល់នៃបញ្ហាមិនដូចគ្នា
វាអាចមានលក្ខណៈផ្សេងៗគ្នា
។
ហើយបើយើងស្វះស្វែងរកឃើញថា
ទីកន្លែងនោះវាមិនមែនជាបរិស្ថានអំណោយផល
ដល់ការរីកចម្រើនរបស់យើងទេ
យើងគួរគិតពិចារណារឿងផ្លាស់ប្តូរ
។
ព្រោះជីវិតរបស់មនុស្សយើងមានកំណត់
មិនមែនមានជីវិតណាតាំងបានជារៀងរហូតទេ
។
ប៉ុន្តែវាត្រូវតែប្រាកដក្នុងចិត្តផងដែរ
ព្រោះទោះជាឲ្យផ្លាស់ទៅទីណាកន្លែងណាក៏ដោយ
យើងអាចជួបថា
បញ្ហាប្រហែលកើតតាមមកដែរ ។
បើសិនកើតមានដូច្នេះ
ត្រូវងាកបែរមករំលឹកសិនថា
ប្រភពការមើលឃើញនៃបញ្ហា
គឺខ្លួនយើងមិនមែនឬ?
ប៉ុន្តែ
អង្គភាពធំៗ ឬស្ថាប័នធំៗ
មិនបានបើកឱកាសឲ្យក្មេងថ្មីៗ
ស្នើមតិយោបល់អ្វីឲ្យជាដុំកំភួនឡើយ
អាចមិនមែនផ្លូវជ្រើសរើសសម្រាប់អ្នកណាម្នាក់ឡើយ
។
ឬថាអង្គភាព
ឬស្ថាប័នខ្លះ មើលពីសំបកក្រៅទៅល្អអស់ទាស់
ប៉ុន្តែពេលចូលទៅធ្វើការ
វាមិនអាចដូចអ្វីដែលខ្លួនគិតឡើយ ។
រកចំណុចពិត
មកសម្រេចរឿងដែលខ្លួនឯងពេញចិត្ត
ហើយជីវិតក៏នឹងស្រុតចុះមក
មានសេចក្ដីសុខនៅពេលនៅជាមួយមិត្តភក្ដិ
ជាមួយគ្រួសារ
មិនត្រូវលើកយកបញ្ហាមុនៗ
មកនិយាយច្រំដែលនោះទេ ។
“កុំគិតថា
ការធ្វើកិច្ចការណានីមួយដូចអ្នកដទៃ
គឺការមានសុវត្ថិភាព
វាមិនមានអ្វីផ្សេងគ្នាទេ
ម្លោះហើយវាក៏មានជីវិតរស់ដូចជាអ្នកដទៃអ៊ីចឹងដែរ”
។
“ពេលមានបញ្ហា
ត្រូវស្វែងរកមូលហេតុរបស់វា
មិនមែនរកមនុស្សឲ្យមកទទួលខុសត្រូវនោះទេ”
៕
គោលគំនិតល្អដើម្បីជីវិត
No comments:
Post a Comment