តាមពិតទៅ ជីវិតដូចជាល្បែងហ្គេមតចំណុច
បើប្រៀបធៀបការប្រើជីវិតរបស់យើង
ដូចជាល្បែងហ្គេមតចំណុច
នឹងមើលឃើញបានច្បាស់ក្រឡែតថា
យើងមិនគួរនៅស្ងៀមមួយកន្លែងសោះឡើយ
។
បើសម្លឹងមើលខ្លួនឯង
ដូចជាចំណុចមួយៗ
ការចេញដំណើរទៅជួបមនុស្សម្នាថ្មីៗ
ក៏ដូចជាការបន្ថែមចំណុចផ្សេងៗរបស់ជីវិតអ៊ីចឹងដែរ
។
យើងមិនដឹងទេថា
តើពេលណា
ដែលជីវិតនឹងគួសខ្សែតភ្ជាប់ចំណុចផ្សេងៗ
ឲ្យចូលជាប់គ្នាតែមួយបាន?
ការចេញទៅធ្វើអ្វីថ្មីៗ
ស្វែងរកបទពិសោធថ្មីៗលើភពផែនដីមូលមួយនេះ
ក៏ដូចជារកចំណុចថ្មីៗមកទុក……
ជីវិតដែលមានចំណុចច្រើនៗ
ក៏នឹងមានជម្រើសត្រូវជ្រើសរើសថ្មីៗកើតឡើងយ៉ាងច្រើនដែរ
ដើម្បីបង្កាទុកឲ្យយើងបានជ្រើសរើសដើរក្នុងថ្ងៃណាមួយនៅពេលខាងមុខ
។
យើងមិនមានថ្ងៃបានដឹងថា
ក្លិនក្រអូបរបស់ផ្កាឡើយ
ដោយយើងគ្រាន់តែបានអានឈ្មោះរបស់ផ្កា
។
យើងមិនមានថ្ងៃបានដឹងថា
ក្លិនឆ្អាបរបស់សមុទ្រ
បានល្អស្មើ
ដូចជាការនាំខ្លួនយើងទៅឈរលាតសន្ធឹងដៃកន្ធែកជើង
ឈរនៅត្រង់មាត់ឆ្នេររបស់សមុទ្រនោះឡើយ
។
មើលរូបភាពក្នុងហ្គោហ្គលយ៉ាងណា
ក៏មិនដូចជាការនាំខ្លួនឯងទៅនៅក្នុងស្ថានភាពដែលពិតនោះដែរ
។
ជីវិតដែលយើងប្រើ
ក្នុងការទស្សនាភាពយន្ត
បទចំរៀងដែលយើងស្ដាប់
ការប្រគំតន្រ្តីកំសាន្តដែលយើងមើល
និងការងារអត្ថិភាពដែលយើងប្រើពេលទៅជាមួយវាយ៉ាងមានក្ដីសុខ
។
អាហារដែលយើងទទួលទាន
មនុស្សម្នាថ្មីៗដែលយើងបានជួប… …
រូបដែលយើងផ្ចិតផ្ចង់ថត
និងមានប្រការសព្វបែបយ៉ាងច្រើនទៀត
ដែលយើងធ្លាប់បានទទួល
ពីការធ្វើដំណើរ ពីការងារទាំងឡាយ
ប្រៀបបានដូចជាវត្ថុធាតុដើម
ដែលយើងបានរក្សាទុក
ហើយរក្សាទុកក្នុងកាបូបវ៉ាលី
។
យើងមិនដឹងទេថា
តើវានឹងមានប្រយោជន៍ដល់យើងនៅពេលណាទេ?
ប៉ុន្តែតាមការពិតទៅ
បើសិនមិនមានវត្ថុធាតុដើមទាំងអស់នេះទេ
ក៏មិនអាចសាងរូបភាពផ្សេងៗគ្នាបានដែរ
។
ការមានវត្ថុធាតុដើមទាំងអស់នេះ
នឹងធ្វើឲ្យវត្ថុដែលយើងបានធ្វើគួរឲ្យចាប់អារម្មណ៍ច្រើនឡើង
មានរង្វាស់រង្វល់ផ្សេងៗគ្នា
និងមានភាពជ្រាលជ្រៅគួរឲ្យចាប់អារម្មណ៍ ។
អ្នកវិទ្យាសាស្ត្រដែលអាចលេងតន្ត្រីបាន
នឹងសាងសមិទ្ធផលការងារដែលអាចជ្រាបចូល
ដល់ដួងចិត្តមនុស្សបានយ៉ាងច្រើន
។
អ្នកឃោសនា
ដែលអាចក្លាយជាអ្នកនិពន្ធបាន
ក៏នឹងដឹងច្បាស់
និងយល់ចិត្តការដាក់ចំណងជើងសៀវភៅ
ឲ្យញែកដាច់ជាង
ដែលធ្លាប់ដាក់លក់ក្នុងទីផ្សារ ។
អ្នកចាត់ការទូទៅដែលមានព្រះធម៌ក្នុងចិត្ត
ក៏នឹងគ្រប់គ្រងចាត់ការបានតាមរបៀបយល់ចិត្តមនុស្ស
ផ្ដល់កិត្តិយសដល់បុគ្គលិករបស់ខ្លួន
មិនគិតធ្ងន់ទៅតែម្ខាងៗ
។
កុំភ្លេចឲ្យសោះណ៎ា
តាមពិតទៅ
ជីវិតគឺជាល្បែងហ្គេមតចំណុច… …
“សួរខ្លួនឯងថា
បើសិនថ្ងៃនេះ
គឺជាថ្ងៃចុងក្រោយនៃជីវិត
តើយើងនឹងបានធ្វើអ្វីខ្លះ
និងធ្វើយ៉ាងដូចម្ដេច?”
“មនុស្សដែលគិតតែពីភាពអវិជ្ជមាន
គេពិបាកនឹងយកជោគជ័យក្នុងជីវិតណាស់”
។
“មិនមានភាពជោគជ័យដ៏ធំណា
ដែលបានមកពីការឆ្លងកាត់ដំណើរងាយៗនោះឡើយ”
៕
គោលគំនិតល្អដើម្បីជីវិត
No comments:
Post a Comment