តើយើងអាចធ្វើអ្វីបានខ្លះ?
រឿងសំខាន់បំផុត
ដែលយើងច្រើនតែភ្លេចសួរខ្លួនឯង
គឺរឿងតូចតាច
រឿងដែលមើលទៅមិនសូវសំខាន់នេះឯង ។
ក្នុងនាទីណាក៏ដោយនៃជីវិត
នៅពេលមានអ្នកដទៃ
តាំងសំនួរសួរយើងថា
តើខ្លួនយើងហ្នឹងអាចធ្វើអ្វីបានខ្លះ?
តាមពិតទៅ
វាជាសំនួរសំខាន់ខ្លាំងណាស់
សម្រាប់ជីវិតរបស់យើង
។
បើគ្មានអ្នកណាសួរយើងទេ
យើងអាចសាកយកសំនួរនេះ
មកសួរខ្លួនឯងបាន
រួចហើយឆ្លើយជាមួយវាត្រង់ទៅត្រង់មក
គ្មានអ្នកណាមកកុហកបោកប្រាសយើងបានឡើយ
។
ពេលយើងឆ្លើយសំនួរនេះចំពោះខ្លួនឯងដោយស្មោះត្រង់ហើយ
វានឹងធ្វើឲ្យខ្លួនយើងអាចសាងពុម្ពនៃជីវិតឡើងមកបាន
ហើយវានឹងធ្វើឲ្យខ្លួនយើងដឹងថា
តើយើងគួរយកខ្លួនមួយនេះទៅទុកក្នុងទីណា?
ពីចំណុចខ្លាំងដែលខ្លួនឯងមាន
មកបង្កើនឡើង មកជួយជម្រុញវាឲ្យកាន់តែរឹងមំាំឡើង
ឬចំណុចខ្សោយដែលខ្លួនឯងមាន
នឹងបានកែតម្រូវ កែលម្អ បានបំប៉នឡើង
និងប៉ះប៉ូវ
ឲ្យវាកាន់តែល្អប្រសើរឡើងជាងមុន ។
សំនួរដែលពោលមកនេះ
អាចក្លាយជាសំនួរមួយផ្លាស់ប្ដូរជីវិតរបស់អ្នកណាម្នាក់
ក៏អាចថាបាន
។
គឺនៅពេលដែលយើងដឹងខ្លួនថា
តើយើងអាចធ្វើអ្វីបាន?
នឹងចូលចិត្តធ្វើអ្វី?
ក៏នឹងដឹងច្បាស់ខ្លួនឯងថា
តើនឹងប្រើប្រាស់ខ្យល់ដង្ហើមនៃជីវិតនេះ
ឲ្យវាប្រព្រឹត្តទៅជាមួយរឿងអ្វីខ្លះ?
មានអ្នកខ្លះចូលចិត្តប្រាប់ថា
ការធ្វើរឿងដែលខ្លួនឯងចូលចិត្ត
វាមិនសូវហត់នឿយទេ
។ តាមពិតទៅ រឿងនេះគ្រាន់តែជាចំណែកខ្លះៗប៉ុណ្ណោះ
ព្រោះបើធ្វើមែនទែនទៅ
គឺវាមានការហត់នឿយដូចតែគ្នាទាំងអស់ហ្នឹង ។
ប៉ុន្តែយើងអាចមានជម្រើសក្នុងការហត់នឿយនេះបាន
គឺហត់នឿយតាមរបៀបមានសេចក្ដីសុខ
ឬនឹងហត់នឿយដោយគ្មានសេចក្ដីសុខនេះបាន
បើចង់ស៊ូទ្រាំធន់ធ្វើនៅជាមួយរឿងដែលខ្លួនមិនចូលចិត្តនោះ
។
ការសាកសួរខ្លួនឯងខ្លះៗក៏ជារឿងល្អមួយដែរ
បើយើងអាចកំណត់គោលដៅនៃជីវិតនេះបាន
។
យើងនឹងបានចម្លើយថា
តើរឿងដែលខ្លួនកំពុងធ្វើនៅពេលនេះ
វានឹងមានគាំទ្រឲ្យយើងធ្វើដំណើរទៅដល់ក្ដីសុបិនបានឬទេ?
ឬថាជីវិតដែលកំពុងប្រើប្រាស់នេះ
មានតែធ្វើឲ្យយើងចេញឆ្ងាយពីគោលដៅគ្រប់ៗជំហាន
។
នាឡិកាជីវិត
មានតែការធ្វើដំណើរទៅខាងមុខ
គ្រប់ពេលវេលា
និងក្ដីសុបិនមិនធ្លាប់រង់ចាំនរណាមួយឡើយ…
“ជីវិតជារបស់យើង
បើមិនចេះប្រើវាឲ្យសមតម្លៃទេ
វាគួរឲ្យសោកស្ដាយណាស់”
។
“កុំសង្ស័យខ្លួនឯងថា
ត្រូវតស៊ូឲ្យអស់ពីសមត្ថភាព
លទ្ធភាព
លទ្ធផលបានយ៉ាងណានោះ
ស្រេចតែវាទៅចុះ…” ៕
រូបភាព៖ Google research
គោលគំនិតល្អដើម្បីជីវិត
No comments:
Post a Comment