គ្មានអ្នកណាកើតមកដើម្បីចុះចាញ់គ្រប់ពេលនោះទេ

គ្មានអ្នកណាកើតមកដើម្បីចុះចាញ់គ្រប់ពេលនោះទេ

ភាពជាក់ស្ដែងដ៏សំខាន់បំផុតគឺ

លោកនេះមិនមែនបង្កើតអ្នកណាមួយឲ្យកើតមក

ដើម្បីជាបុគ្គលចុះចាញ់នោះទេ ។

ភាពបរាជ័យនឹងបំផ្លាញយើងឲ្យរលាយរលត់បាន

បើសិនជាយើងនៅទន់ជ្រាយ

តែបើសិនយើងរឹងមាំគ្រប់គ្រាន់វិញ

យើងអាចឈានឆ្លងផុតពីភាពបរាជ័យទៅដោយក្លាហាន ។

ព្រោះចេតនារម្មណ៍គឺជាមិត្តភក្ដិដ៏ពិត

ភាពភ័យខ្លាចគឺជាសត្រូវដ៏កាចសាហាវ ។

បើយើងគិតសុបិនគិតដល់រឿងណាមួយឲ្យបានច្បាស់លាស់ឡើង

ថ្ងៃណាមួយរឿងនោះ នឹងក្លាយជាការពិត ។

ចំណែកខាងភាពភ័យខ្លាចនោះមានតែជួយកាត់បន្ថយសក្ដានុពលរបស់យើង

ការដែលមានកង្វល់ និងការច្របូកច្របល់ក្នុងកន្លៀតនៃការភ័យខ្លាច ។

ការមិនប្រាកដចិត្តមានតែធ្វើឲ្យយើងឃ្លាតឆ្ងាយ

ពីភាពជោគជ័យ ពីគោលដៅដែលខ្លួនបានរំពឹងទុក ។

ក្នុងជីវិតរបស់យើង មានតែមនុស្សម្នាក់គត់

ដែលអាចផ្លាស់ប្ដូរជីវិតរបស់យើងទៅបានគ្រប់ពេល

មានឥទ្ធិពលអំណាចដែលអាចផ្លាស់ប្ដូរយើងឲ្យទៅដល់ភាពជោគជ័យ

អូសទាញនាំយើងឲ្យទៅដល់គោលដៅដ៏ធំបាន

និងទៅដល់ក្ដីសុបិនដែលយើងរំពឹងទុកបាន

មនុស្សម្នាក់នោះគឺ “ខ្លួនយើងផ្ទាល់នេះឯង” ។

បើយើងច្បាស់ក្នុងគោលដៅគ្រប់គ្រាន់ហើយ

លោកនេះទាំងមូលនឹងតបស្នងចំពោះតម្រូវការនោះៗ

មកដល់យើងយ៉ាងសមរម្យ ។

លោកនេះនឹងអូសទាញមនុស្សដែលមានចិត្តពិត

គឺមនុស្សដែលចូលមកព្រមជាមួយឱកាសល្អៗ ។

គំនិតល្អៗ

នឹងដឹកនាំយើងឲ្យចូលទៅក្នុងស្ថានការណ៍មួយដ៏សមរម្យ

រហូតដល់មើលទៅដូចជាភាពចៃដន្យ ។

តាមការពិតទៅមិនអ៊ីចឹងទេ

មិនមាននរណាជួបភាពជោគជ័យដោយការចៃដន្យនោះឡើយ ។

ធ្លាប់បានចុះចាញ់ពីមុន ធ្លាប់បានឈឺចាប់ពីមុន

នោះជារឿងល្អមួយ ព្រោះនោះជាសញ្ញាញាណថា

យើងកំពុងមានជីវិតរស់

ហើយជ្រើសរើសរស់នៅដូចជាអ្នកតស៊ូ

និងរស់នៅដូចជាអ្នកមានក្ដីសុបិន ។

មនុស្សដែលមិនធ្លាប់ឈឺចាប់អ្វី

មនុស្សដែលមិនធ្លាប់ជំពប់ដួលវារក្រោកពីមុន

ប្រហែលមិនមែនមនុស្សដែលសុខចិត្តលះបង់ភាពជោគជ័យ

ដែលគួរឲ្យចងចាំទុកក្នុងលោកមួយនេះទេ ។

ភាពជោគជ័យដ៏ធំក្រៃលែងក្នុងលោកមួយនេះ

សុទ្ធតែមានប្រភពមកពីការដែលអ្នកណាម្នាក់

ហ៊ានសុបិន ហ៊ានគិត នឹកភ្នកដល់រឿងនោះឡើងប៉ុណ្ណោះ

រួចហើយចេញដំណើរទៅតាមរកសុបិន ចាក់បំពេញបន្ថែម

ដើម្បីឲ្យរឿងនោះបានក្លាយជាការពិត ។

ហើយចុះអ្នកវិញ… …?

កុំរវល់តែរង់ចាំ បារម្ភពេលវេលាឲ្យមានសំបូរបែប

មុននឹងចេញដំណើរទៅ

ព្រោះតែការបារម្ភពេលវេលាបែបនេះហើយ

ទើបមិនធ្លាប់មានពិត ។

“កុំរុញរា

បើមិនហ៊ានធ្វើអ្វីដែលចិត្តគិត ដែលចិត្តសុបិន

ព្រោះបើកាលដល់ដង្ហើមចុងក្រោយមកដល់

ជឿទេថា យើងនឹងសោកស្ដាយ

ជាមួយរឿងដែលមិនបានធ្វើ ច្រើនជាងរឿង

ដែលបានធ្វើខុសភ្លាំងភ្លាត់” ។

“សម្លក់សម្លឹងភ្នែកដាក់ជាមួយឧបសគ្គ

កុំទៅខ្លាចវាធ្វើអ្វី……” ។

“កុំអំនួតខ្លួនពូកែ កុំអំនួតខ្លួនចេះ

បើយើងគិតថា យើងមិនទាន់ចេះ

យើងអាចនឹងសល់កន្លែងទំនេរ

ល្មមឲ្យយើងរកអ្វីថ្មីៗ មកដាក់បំពេញបានទៀត” ៕

គោលគំនិតល្អដើម្បីជីវិត