បើមិនផ្សងព្រេងទេ រមែងមិនបានអ្វីឡើយ

បើមិនផ្សងព្រេងទេ រមែងមិនបានអ្វីឡើយ

រឿងកម្លែងដ៏អាក្រក់ម្យ៉ាងក្នុងលោកមួយនេះគឺ

ការចាប់ផ្ដើមបោះជំហានថ្មី ដែលមនុស្សជាច្រើនណាស់

ខ្លាចរអាបំផុត ។

បើក្នុងប្រវត្តិសាស្រ្តពិភពលោកវិញ

ពោរពេញទៅដោយការភ័យខ្លាច

មិនហ៊ានពង្រឹងជំហរដើម្បីសុបិនរបស់ខ្លួនឯងទេ

មិនហ៊ានតស៊ូថា ក្ដីសុបិនមានភាពប្រាកដប្រជា

ដែលអាចទៅរួចទេ ។

ពិភពលោកថ្ងៃនេះ ប្រហែលជាមិនមានភ្លើងអគ្គិសនីប្រើប្រាស់ទេ

ពិភពលោកថ្ងៃនេះ ប្រហែលជាមិនមានយន្តហោះ ដែលអាច

ដឹកជញ្ជូនមនុស្សម្នាឆ្លងទ្វីបមួយទៅទ្វីបមួយទៀតបានទេ

ពិភពលោកនេះ ប្រហែលជាមិនមានរថយន្តបើកបរទេ

និងប្រហែលជាគ្មាននាវាចរខ្នាតយក្ខ ដែលអាចគោចរកាត់មហាសមុទ្របាននោះដែរ ។

ហើយប្រហែលជាមិនមានមនុស្សជឿទេថា គេអាចកសាងប្រសាទពីរិមីតដ៏ធំមហិមាបាន

មិនជឿតទេថា គេអាចកសាងកំផែងនៃក្រវាត់ប្រទេសចិនបាន,

មិនជឿទេថា គេអាចកសាងសាលទជ្ជមាអនុសារណៈនៃក្ដីស្រឡាញ់បាន,

និងមិនជឿទេថា ដូនតាខ្មែរយើង អាចកសាងប្រសាទអង្គរវត្តដ៏ល្អវិចិត្របាន,

ក្នុងថ្ងៃនេះ ក៏ប្រហែលជាមិនមានរឿងដ៏អស្ចារ្យ

ធ្វើឲ្យមនុស្សក្នុងលោកអត់ចម្លែកបានមើលបានឃើញបានឮដែរទេមើល៍ទៅ ។

ភាពជោគជ័យ

ទើបជាផលចុងក្រោយរបស់មនុស្ស

ដែលហ៊ានសម្រេចចិត្តធ្វើ ។

មនុស្សដែលមានភាពជោគជ័យ

ពុំមានចិត្តស្ទាក់ស្ទើររារែក ដែលខ្លួនត្រូវប្រថុញប្រថានផ្សងព្រេងឡើយ

និងហ៊ានពង្រឹងជំហរខ្លួនឯង ដើម្បីធ្វើរឿងដែលខ្លួនឯងបានជឿជាក់ ។

សួរថា តើពួកគេទាំងនោះមានអំណាចពិសេសអ្វីឬ

ដែលបានដឹងរឿង ដែលខ្លួនធ្វើបានសម្រេចទាំងអស់?

ចម្លើយគឺ ពួកគេគ្មានអំណាចពិសេសអ្វីទាំងអស់ ។

គ្រាន់តែពួកគេមានបេះដូងដ៏ពិសេស

ដែលអាចមើលឃើញពីភាពបរាជ័យដូចជាមិត្តជិតស្និតម្នាក់

មើលឃើញពីកំហុសឆ្គាំឆ្គងដែលបានកើតឡើងទុកដូចជាគ្រូ

ហើយហ៊ានបោះជំហានដើរបន្ត ធ្វើបន្តប្រកបដោយចិត្តជឿជាក់លើខ្លួនឯង

រហូតដល់ថ្ងៃនឹងបានជោគជ័យ ។

យើងម្នាក់ៗក្នុងពេលឥឡូវនេះក៏មិនខុសពីនេះដែរ

បើមិនរកឲ្យឃើញពីគោលដៅនៃជីវិត

រឿងដែលមានន័យសម្រាប់ខ្លួនយើងទេ ។

មិនថា យើងជានរណាទេ

បើសិនយើងមានផែនការល្អ រួចដេញតាមរកក្ដីសុបិននោះ

យើងរមែងបានជាអ្នកកីឡាករដ៏ពូកែឡើង

បានជាសិស្សរៀនពូកែឡើង និងបានជាឪពុកម្ដាយ

ដែលពូកែមើលថែទាំរក្សាកូនចៅល្អឡើង

និងបានជាបុគ្គលិកដែលអាចបំពេញការងារបានល្អឡើង

ព្រមទាំងមានឱកាសរីកចម្រើនឡើងជាលំដាប់ ។

បើសិនមានរឿងណាមួយ ដែលវាវិលវល់នៅក្នុងគំនិត

ស្រែកហៅនៅក្នុងអារម្មណ៍របស់យើងជានិច្ច ។

ចូរធ្វើការតបស្នងចំពោះវត្ថុនោះ

អាចជាទៅរួចថា វាសមតម្លៃខ្លាំងណាស់

កាលបើយើងធ្វើរឿងនោះបានសម្រេច ។

បើយើងមិនហ៊ាន សូម្បីតែការបង្ហើបប្រាប់អារម្មណ៍របស់ខ្លួនឯងឲ្យចេញមក

តើយើងពិតជាខូចចិត្ត អាក់់អន់ស្រពន់ចិត្តមែនទេ?

នឹងមានវិប្បដិសារីមែនឬ?

បើមនុស្សដែលខ្លួនស្រឡាញ់ មិនធ្លាប់ផ្ដល់ឱកាស

បានទទួលដឹងនូវអារម្មណ៍របស់ខ្លួនឯងទេ ។

គ្រប់កាលៈទេសៈដែលផ្សងព្រេងប្រថុញប្រថាន

គឺជាការកំចាត់បង់ភាពភ័យខ្លាចឲ្យចេញពីចិត្តយើង ។

មិនថា ចាញ់ឬឈ្នះទេ

ជួនកាល វាអាចមិនមែនជារឿងសំខាន់

ស្មើនឹងការដែលយើងយកឈ្នះខ្លួនឯងឡើយ ។

ដូចជាទស្សនវិទូគ្រប់យុគសម័យកាលពោលទុក

មនុស្សដែលគិតតែពីភាពភ័យខ្លាចថា គឺជាមនុស្សបរាជ័យ ។

រមែងមិនមានឱកាសបានភ្លក់រសជាតទឹកដម

នៃការបារម្ភពីពេលវេលានៃភាពជោគជ័យដ៏ធំមហិមាឡើយ ។

“បើមានមនុស្សណាមើលងាយមើលថោកយើង

ការឆ្លើយតបដ៏ល្អបំផុតនោះគឺ

ពិសោធវាឲ្យបានឃើញថា ក្នុងថ្ងៃមួយ

យើងអាចនឹងធ្វើវាបានជោគជ័យ” ។

“ធ្វើការងារ​ព្រោះតែខ្លួនត្រូវធ្វើ

ជាមួយធ្វើការងារព្រោះតែខ្លួនស្រឡាញ់

វាធ្វើឲ្យខ្លួនមានអារម្មណ៍ផ្សេងៗគ្នា

ហើយផលរបស់វា ក៏ចេញមកផ្សេងគ្នាដែរ” ៕

រូបភាព៖ Google search

គោលគំនិតល្អដើម្បីជីវិត