បើគ្មានគោលដៅទេ ក៏ពិបាកនឹងទៅដល់ដែរ

បើគ្មានគោលដៅទេ ក៏ពិបាកនឹងទៅដល់ដែរ

មនុស្សដែលជោគជ័យក្នុងជីវិត

គឺជាមនុស្សដែលមានគោលដៅច្បាស់លាស់

គឺជាមនុស្សដែលដឹងខ្លួនឯងថា កំពុងនាំជីវិតខ្លួនទៅទីណា ។

ការដែលដឹងខ្លួនឯង នឹងបោះជំហានទៅទីណា វារឿងសំខាន់

ព្រោះថាជីវិតដែលយើងកំពុងរស់ មានខ្យល់ដង្ហើមកំពុងប្រើ

វានឹងមានទម្ងន់ស្រាលឡើង ទៅតាមអាយុកាល ដែលចេះតែកើនឡើង ។

ព្រោះថាមនុស្សគ្រប់រូប ម្នាក់ៗមានពេលកំណត់នៅក្នុងលោកនេះ

យើងម្នាក់ៗត្រូវស្វែរកនិយាមជោគជ័យ

និងគោលដៅរបស់ខ្លួន តាមរបៀបរបស់ខ្លួនឯង

ដែលមិនចាំបាច់ត្រូវដូចអ្នកដទៃនោះទេ ។

ហើយភាពជោគជ័យ

អាចមិនមែនត្រឹមតែរឿងការងារ ឬលុយកាក់ប៉ុណ្ណោះទេ ។

ភាពជោគជ័យដ៏ពិតប្រាកដ

សម្រាប់មនុស្សមួយចំនួន អាចគិតទៅលើខ្លួនបានធ្វើធុរកិច្ចដ៏ធំមហិមា

ក៏ប៉ុន្តែ ពុំមែនថា យើងនឹងជោគជ័យបំផុត ក្នុងឋានៈជាកូនឈ្នូលអាជីពគេទេ

នឹងមានអារម្មណ៍មានសេចក្ដីសុខ ដែលវាសម្រេចបាន ។

ឬមនុស្សដែលពេញចិត្តក្នុងការបើកហាងអាហារ

បម្រើអាហារដ៏ឆ្ងាញ់ពិសារដល់អតិថិជន

ក៏អាចមានសេចក្ដីសុខ មានស្នាមញញឹម

ព្រមជាមួយភាពជោគជ័យផ្នែកខាងប្រាក់ចំណូលផងដែរ ។

ហើយអាចមានន័យសម្រាប់ជីវិត

ជាមួយខ្លួនច្រើនជាងមនុស្សធ្វើការមិនច្បាស់លាស់

និងមិនមានគោលដៅឲ្យខ្លួនឯង ។

ថាពិតទៅចុះ តើជីវិតនឹងបោះជំហានដើរទៅទិសណា?

សាកប្រៀបធៀបឧបមាឲ្យឃើញច្បាស់ថា

យើងគ្រប់គ្នា ម្នាក់ៗក៏ព្រួយបារម្ភពីពេលវេលា

ដែលត្រូវដើរឆ្លងកាត់ភ្នំគីរវង្កត់នៃជីវិតខ្លួន ។

យើងនឹងមានឱកាសយ៉ាងច្រើន ដែលអាចបត់ពីខុស

រួចប្រើពេលវេលាយ៉ាងច្រើននោះ ទៅជាមួយការដើរជុំវិញ

នៅក្នុងភ្នំគិរីវង្កត់នៃជីវិតនោះ ។

ចុងក្រោយក៏អស់សង្ឃឹម អស់កម្លាំង

ជួនកាលសុខចិត្តចុះចាញ់

រហូតដល់លែងគិតរកផ្លូវចេញដល់អស់មួយជីវិតទៀតផង ។

ប៉ុន្តែបើយើងមានគោលដៅ

គោលដៅនោះឯងដូចជាមានត្រីវិស័យ សម្រាប់ប្រាប់ទិស

ឬដូចផ្កាយទិស ។

បើយើងធ្លាប់សម្លឹងមើលវាជាប់

បោះជំហានទៅតាមរកវា ឱកាសនឹងមិនធ្វើឲ្យយើងវង្វេង

មិនដើរផ្លូវណាជាផ្លូវណីឡើយ ។

ឱកាសដែលអាចឈានឆ្លងផុតចេញពីភ្នំគិរីវង្កត់នៃជីវិតនោះ

អាចទៅរួចបានច្រើនជាង ។

ការស្គាល់ខ្លួនឯងថា តើខ្លួនត្រូវការអ្វីឲ្យប្រាកដ?

ការដែលបោះជំហានដំបូងធ្វើដោយពិតប្រាកដ

នៃការចេញដំណើរលើដងវិថីនៃជីវិត ។

បើសិនមិនធ្លាប់មានទិសដៅទេ

ហេតុអ្វីយើងត្រូវមកអង្គុយខូចចិត្តខូចថ្លើម

ជាមួយការដែលជីវិតមិនធ្លាប់ឈានដើរទៅណាយ៉ាងម៉េច?

“ពាក្យតបមិនមែនជារឿងដែលផ្លាស់ប្តូរខ្លួនយើងទេ

ការតាំងសំនួរដ៏ល្អទៅវិញទេ

ដែលអាចផ្លាស់ប្តូរជីវិតខ្លួនអស់មួយជីវិតបាន” ។

“កុំឲ្យជីវិត

នៅប្រាសចាកពីក្ដីសុបិនឡើយ” ។

“បើចង់យកឈ្នះ

កុំខ្លាចចាញ់អី” ។

“កុំទៅបន្ទោសមេឃដី កុំទៅបន្ទោសអ្នកដទៃ

បើជីវិតជួបភាពជោគជ័យ ឬបរាជ័យមែននុ៎ះ

          យើងហ្នឹងឯងគឺជាចម្លើយ” ៕

គោលគំនិតល្អដើម្បីជីវិត