មួយជីវិតម៉ែកុហកខ្ញុំ ៨ដង

មួយជីវិតម៉ែកុហកខ្ញុំ ៨ ដង

រឿងរ៉ាវចាប់ផ្ដើមពេលដែលខ្ញុំនៅតូច ខ្ញុំកើតក្នុងត្រកូលគ្រួសារក្រីក្រ

គ្រួសាររបស់ខ្ញុំក្រីក្រខ្លាំងណាស់ ពេលខ្លះត្រូវដាច់ពេល ។

ពេលណាក៏ដោយ ដល់ពេលស៊ីបាយ…ម៉ែនឹងបែងចែកបាយសម្លឲ្យខ្ញុំបន្ថែមឡើង

ព្រមទាំងនិយាយថា “កូនត្រូវស៊ីបាយបានច្រើនឡើង… ចំណែកម៉ែមិនសូវជាឃ្លានទេ

នេះជាទីលើកទីមួយហើយដែលម៉ែកុហកខ្ញុំ ។

ពេលខ្ញុំធំឡើង អ្នកម៉ែព្យាយាមរកពេលទំនេរទៅស្ទួចត្រីក្នុងស្ទឹង

ដើម្បីឲ្យខ្ញុំបានស៊ីអាហារដែលមានអត្ថប្រយោជន៍ចំពោះការរីកធំធាត់របស់ខ្ញុំ

ម៉ែស្ងោរត្រី ដែលស្ទួចបានមកធ្វើជាស៊ុបឲ្យខ្ញុំស៊ី  ក្នុងខណៈដែលខ្ញុំស៊ីសម្លត្រីសោរ ។

ម៉ែអង្គុយក្បែរខ្ញុំ បេះហូបត្រីដែលនៅសល់ជាប់នឹងឆ្អឹងត្រី

ក្រោយពីខ្ញុំបានស៊ីសាច់ត្រីអស់ហើយ។ ខ្ញុំមានអារម្មណ៍សង្វេគចិត្តណាស់…

ខ្ញុំព្យាយាមចែករំលែកសាច់ត្រីទាំងនោះឲ្យទៅម៉ែ តែម៉ែបដិសេដភ្លាមៗ

ព្រមជាមួយនិយាយថា “កូនស៊ីចុះ… ម៉ែមិនសូវជាចូលចិត្តសាច់ត្រីទេ

នេះជាលើកទីពីរហើយដែលម៉ែកុហកខ្ញុំ ។

ពេលខ្ញុំរៀននៅថ្នាក់មធ្យម ខ្ញុំត្រូវការចាយលុយច្រើនឡើង ។

ម៉ែត្រូវរកចំណូលពិសេសដោយការទទួលធ្វើការកំប៉ិកកំប៉ុក ពីរោងចក្រមកធ្វើនឹងកន្លែង ។

ជួនកាលខ្ញុំភ្ញាក់ឡើងមកពេលម៉ោង១ ឬម៉ោង២ ខ្ញុំនៅតែឃើញម៉ែធ្វើការដដែល

 “ម៉ែបាទ…សម្រាក់ចុះ យប់ជ្រៅណាស់ហើយ ស្អែកនេះម៉ែត្រូវទៅធ្វើការទៀត ។

ម៉ែញញឹមដាក់ខ្ញុំរួចនិយាយថា “កូនដេកទៅវិញចុះណ៎ា …

ម៉ែនៅមិនទាន់នឿយ… ម៉ែដេកមិនលក់ទេកូន

នេះជាលើកទីបីហើយដែលម៉ែកុហកខ្ញុំ ។

ពេលរៀនជិតចប់ថ្នាក់មធ្យម ខ្ញុំត្រូវទៅប្រឡងថ្ងៃចុងក្រោយ

ម៉ែសុំច្បាប់ឈប់ពីការងារទៅកំដរ និងដើម្បីផ្ដល់កម្លាំងចិត្តឲ្យខ្ញុំ

វាជាថ្ងៃក្ដៅខ្លាំងណាស់… ម៉ែរង់ចាំខ្ញុំនៅមាត់របងសាលា ។

ពេលខ្ញុំធ្វើវិញ្ញាសាប្រឡប់ចប់… ប្រញាប់ចេញមករកម៉ែ

ឃើញម៉ែខ្ញុំបែកហូរញើសពេញទាំងខ្លួន

តែលោកត្រឡប់ជាហុចទឹកក្លាស្សេត្រៀមទុកឲ្យខ្ញុំផឹកទៅវិញ ។

ខ្ញុំឃើញម៉ែមានអារម្មណ៍ហត់នឿយ និងក្ដៅទើបសុំឲ្យម៉ែហូមមុន

ម៉ែនិយាយឡើងថា “កូនផឹកចុះ… ម៉ែនៅមិនទាន់ស្រែកទឹកទេ

នេះជាលើកទីបួនហើយ ដែលម៉ែកុហកខ្ញុំ ។

ក្រោយពីឪពុកខ្ញុំធ្លាក់ខ្លួនឈឺ និងបាត់បង់ជីវិតទៅ

ម៉ែដែលគួរឲ្យអាណិត ត្រូវធ្វើការធ្ងន់ឡើង ដើម្បីរកប្រាក់មកផ្គុតផ្គង់គ្រួសារ

តែក៏នៅតែមិនគ្រប់  មិនថាអ្នកម៉ែព្យាយាមប្រឹងខ្លាំងយ៉ាងណាទេ ។

លោកអ៊ុំដែលនៅក្បែរផ្ទះខ្ញុំ គាត់ជាមនុស្សចិត្តល្អ

ព្យាយាមមកជួយក្រុមគ្រួសារយើងជានិច្ច 

ដូចជាការជុសជុលជញ្ជាំងផ្ទះធ្លុះធ្លាយពុកផុយ។ល។

មិត្តជិតខាងឃើញគ្រួសារខ្ញុំលំបាក ក៏ណែនាំឲ្យម៉ែរៀបការជាមួយអ្នកថ្មី

តែម៉ែប្រកែកមិនយល់ស្របតាម ម៉ែនិយាយជាមួយខ្ញុំថា

 “ម៉ែមានកូនទាំងមូល ម៉ែមិនត្រូវការក្ដីស្រឡាញ់អ្នកណាទៀតទេ”

នេះម៉ែកុហកខ្ញុំជាលើកទីប្រាំហើយ ។

ក្នុងទីបំផុតខ្ញុំក៏រៀនចប់ និងមានការងារធ្វើពេញដៃ

ខ្ញុំចង់ឲ្យម៉ែឈប់សម្រាក់ខ្លះ ពីធ្វើការងារមករហូតនោះ ។

ប៉ុន្តែម៉ែមិនព្រម… ត្រឡប់ជាទៅផ្សាររាល់ព្រឹក

លក់បន្លែបង្ការដែលរកមកបានដើម្បីចិញ្ចឹមជីពជន

ទុកជាខ្ញុំព្យាយាមផ្ញើលុយកាក់ជួនទៅគាត់ក៏ដោយ

(ខ្ញុំត្រូវទៅធ្វើការនៅតាមបណ្ដាទីក្រុងឆ្ងាយៗ)

ក៏ម៉ែខ្ញុំមិនសូវជាទទួលយកប្រាក់ខ្ញុំជូនប៉ុន្មានទេ…

ពេលខ្លះថែមទាំងផ្ញើលុយកាក់ទាំងនោះមកឲ្យខ្ញុំវិញ

ដោយនិយាយថា “ម៉ែមានលុយកាក់ល្មមចាយហើយ…

កូនគួរសន្សំទុកសាងអនាគតរបស់កូនវិញចុះ

នេះអ្នកម៉ែកុហកខ្ញុំជាលើកទីប្រាំមួយហើយ ។

ដើម្បីអនាគតរុងរឿងភ្លឺថ្លាត្រចេះត្រចង់ដូចគេឯង

ខ្ញុំសម្រេចចិត្តរៀនបន្ដយកបរិញ្ញាបត្រជាន់ខ្ពស់

ដោយបានអាហារូបករណ៍របស់មហាវិទ្យាល័យដ៏ល្បីឈ្មោះក្នុងអាមេរិក ។

ពេលខ្ញុំបញ្ចប់ការសិក្សាក៏បានការងារធ្វើនៅទីនោះឯង

និងមានប្រាក់ខែខ្ពស់គួរសម ។

ពេលធ្វើការបានមួយរយៈ… ខ្ញុំចង់ឲ្យម៉ែរបស់ខ្ញុំមកនៅអាមេរិក

ក្នុងបំណងឲ្យម៉ែ នឹងបានសម្រាកពីការងារ… សម្រាកឲ្យសប្បាយចិត្តក្នុងជីវិតចុងក្រោយ ។

ប៉ុន្តែម៉ែខ្ញុំមិនចង់ទៅរំខានខ្ញុំ… ដោយប្រាប់ខ្ញុំថា “ម៉ែស៊ាំជាមួយជីវិតស្រុកទេសហើយ”

លើកទីប្រាំពីរហើយ ដែលម៉ែព្យាយាមកុហកខ្ញុំ ។

អាយុកាលរបស់ម៉ែចេះតែកើន រាងកាយចេះតែទ្រុឌទ្រោមរឿយៗ

ក្នុងទីបំផុតម៉ែក៏កើតរោកមហារីក និងត្រូវចូលទទួលការវះកាត់នៅឯមន្ទីរពេទ្យ

ខ្ញុំសម្រេចចិត្តសុំច្បាប់ពីការងារ ហើយប្រញាប់ជិះយន្តហោះ

ត្រឡប់មករកម៉ែជាទីស្រឡាញ់បំផុតភ្លាមៗ

ម៉ែខ្ញុំកំពុងសម្រាកនៅលើគ្រែពេលខ្ញុំទៅដល់

ទឹកភ្នែកខ្ញុំហូរស្រក់ស្រោចថ្ពាល់ទាំងគូ ពេលឃើញម៉ែស្គមស្គាំ

និងមើលទៅរាងកាយទ្រុឌទ្រោមខ្លាំងណាស់ហើយ

ម៉ែមានអារម្មណ៍សប្បាយចិត្តណាស់ ដែលបានឃើញមុខខ្ញុំ…

ព្យាយាមញញឹមយ៉ាងស្រស់ ដោយភាពលំបាក

ខ្ញុំដឹងច្បាស់ថា ម៉ែប្រឹងទប់ការឈឺចាប់ដោយពេញទំហឹងហើយ

ពីរោគមហារីកដ៏អាក្រក់ដែលរាលដាលទៅសព្វទាំងរាងកាយ

ខ្ញុំឱបម៉ែព្រមជាមួយការស្រែកយំ ដោយក្ដីអាណិតអ្នកម៉ែ

ចិត្តខ្ញុំខណៈនោះសៅហ្មង និងឈឺចាប់ជាទីបំផុត ។

ម៉ែប្រឹងព្យាយាមលួងលោមចិត្តខ្ញុំ ដោយសំឡេងស្អកនិងញ័រៗថា

 “កូនសម្លាញ់របស់ម៉ែ… ម៉ែឃើញមុខកូន ម៉ែលែងមានអារម្មណ៍ឈឺចាប់ហើយ

នេះជាលើកទីប្រាំបីហើយ ដែលម៉ែកុហក

និងជាលើកចុងបង្អស់ក្នុងជីវិតរបស់ម៉ែកុហកខ្ញុំដែរ ។

អ្នកម្ដាយដែលខ្ញុំស្រឡាញ់ និងលះបង់ពេញមួយជីវិតបានបិទភ្នែកទៅសន្សឹមៗ

និងលាខ្ញុំទៅដោយគ្មានថ្ងៃត្រឡប់មកវិញឡើយ

ក្រោយពីលោកពោលពាក្យកុហកទាំង៨នេះចប់សព្វគ្រប់…

ប្រភព៖ English Forward Mail -"mother's 8 lies"

រូបភាព៖ Khmer poor people search

ប្រែ.គោលគំនិតល្អដើម្បីជីវិត