ភរិយា ៧ ប្រភេទ (កាព្យ)

ភរិយា ៧ ប្រភេទ (កាព្យ)

ខ្ញុំម្ចាស់សូមក្រាប          សិរោទន់ទាប

ប្រណម្យវន្ទា                ឆ្ពោះរត្នទាំងបី

ដោយក្ដីសទ្ធា               សូមមានជយា

សិរីសុខា    ។               រួចប្រែភាសិត

រិះដោយគំនិត               សម្រាប់បណ្ដា

ជនដែលសិក្សា             រៀនមើលស្រួលមាត់ ។

តែចាំកាលណា             ងាយអានងាយថា

មិនសូវជ្រួសភ្លាត់           ព្រោះពាក្យជួនៗ

ឆ្លើយគ្នាតាមបទ            ប្រាំពីរវគ្គគត់

ជាមួយល្បះឃ្លា ។          នឹងថ្លែងពីស្រី

នៅក្នុងលោកិយ            ចិត្តស្មើខុសគ្នា

ស្មើមួយគួរយក            ស្មើមួយគួរលា

ស្មើមិនដូចគ្នា                មានពីរចំណែក ។

ឯស្មើគួរយក                ព្រោះចេះគិតរក

ប្រយោជន៍ប្លែកៗ           ជាមួយស្វាមី

ឥតបីប្រកែក                 បើប្ដីអល់ឯក

ខ្លួនឯងធ្វើមុន ។             ឯស្មើគួរលា

ព្រោះចិត្តខ្ជីខ្ជា                 ប្រទុស្តនឹងគុណ

ប្រទាញទៅខុស            បង្អស់ទ្រព្យធន់

គ្មានគិតបាបបុណ្យ         ចង់តែហឺហា ។

ឯស្រីមានខ្មាស             ប្រាជ្ញក្នុងពុទ្ធសាសន៍

ប្រកាសប្រាប់ថា             ខ្លួនមានពូជពង្ស

ត្រកូលថ្លៃថ្លា                 មិនត្រូវក្លៀវក្លា

គួរកាន់កេរ្តិ៍ខ្មាស ។         ឯស្រីវេស្យា

ត្រូវតែងកាយា              ហឺហាឲ្យណាស់

ទើបប្រុសអាចហ៊ាន       ចូលរួមសង្វាស

តែកាន់កេរ្តិ៍ខ្មាស់            វិនាសមិនខាន ។

សុភាសិតនេះ               ខ្ញុំបានត្រិះរិះ

តាមន័យបុរាណ            សំស្ក្រឹតគាថា

ទុកជាលំអាន                ន័យខ្លះឈប់ខាន

មិនបានតែងទេ ។           ក្រែលោកឯណា

កបដោយប្រាជ្ញា             ឈ្លាសវៃជាងគេ

សូមឲ្យយើងគេ            មើលទូន្មានប្រាណ ។

ន័យជាបន្ទាប់                ខ្ញុំសូមរៀបរាប់

ពីស្រីក្នុងស្ថាន              ដែលជាភរិយា

បុរសគ្រប់ប្រាណ          កំណត់ឈ្មោះបាន

ប្រាំពីរប្រការ ។              ភរិយាទី ១

ចិត្តគ្មានគិតជួយ            គិតតែឫស្យា

ប្រទុស្តស្វាមី                ឥតក្ដីករុណា

ដូចខ្មាំងមោហោ            ស្ដីថាមិនស្ដាប់ ។

ចូលចិត្តរីករាយ            ពព្រើតពព្រាយ

ប្ដូររស់ប្ដូរស្លាប់             នឹងប្រុសដទៃ

ទោះបីយូរឆាប់              គិតតែសម្លាប់

ស្វាមីអាត្មា ។                ភរិយាទី ២

លំបាកពេញទី               នឹងថែរក្សា

ព្រោះចិត្តគុំគួន               ដូចចោរឫស្យា

គិតតែប្រាថ្នា                 លួចទ្រព្យសម្បត្តិ ។

ដែលប្ដីស្វែងរក            បានហើយយកមក

លាក់ទុកមិនស្ងាត់          តែស្ងៀមភ្លេចខ្លួន

ឆក់លួចបំបាត់              ដើម្បីទុកចាត់

ចាយតែម្នាក់ឯង ។         ព្រោះចិត្តរំពឹង

រំពៃសញ្ជឹង                  គិតតែពីស្វែង

ស្វះទៅខាងក្រៅ            រត់ចោលគ្នាឯង

ឲ្យប្ដីចំបែង                  កើតទោសទុក្ខា ។

សូមរង់ចាំចុចអានត