ច្បាប់កុលបុត្រសង្គ្រោះមិត្ត ៥ យ៉ាង (កាព្យ)

(បទព្រហ្មគីតិ)

១_     ឲ្យទ្រព្យគួរឲ្យ                    មិត្តញយៗដោយចិត្តជា

          ឥតមានគិតរួញរា               ស្រឡាញ់គ្នាដោយចិត្តស្មោះ ។

២_     បើពោលវាចា                    ពោលពាក្យណាដែលពីរោះ

          រាប់រកគ្នាឥតឈ្លោះ             ហើយសង្គ្រោះរក្សាចិត្ត ។

៣_     បានធ្វើប្រយោជន៍               តិចយ៉ាងហោចឲ្យដល់មិត្ត

          បើមានការជួយគិត            ឲ្យតែមិត្តបានប្រសើរ ។

៤_     បានធ្វើខ្លួនប្រាណ                ជាអ្នកមានចិត្តស្មោះស្មើ

          មិនមានចិត្តសើរវ៉ើ             តាមដំណើរមិត្តកល្យាណ ។

៥_     មិនក្លែងកុហក                    ពាក្យអាក្រក់កាចសាមាន្យ

          ឲ្យមិត្តកើតរំខាន                 នោះមិនបានពោលសោះឡើយ ៕

ដ.ដ.ទំ.៤០១